ମ୍ୟୁଚୁଆଲ ଫଣ୍ଡ୍ ଧିରେ ଧିରେ ଭାରତରେ ଲୋକପ୍ରିୟ ହେବାରେ ଲାଗିଛି । ମ୍ୟୁଚୁଆଲ ଫଣ୍ଡ୍ ନିବେଶର ଏପରି ଏକ ତରିକା ଯେଉଁଥିରେ ଜଣେ ଏକକାଳୀନ କିମ୍ବା ମାସିକ ନିବେଶ କରିପାରିବେ । ଲମ୍ବା ଅବଧିରେ ମ୍ୟୁଚୁଆଲ ଫଣ୍ଡରେ ନିବେଶ କରିବା ଦ୍ୱାର ଭଲ ରିଟର୍ଣ୍ଣ ମିଳିଥାଏ । ସେୟାର ମାର୍କେଟରେ ସିଧାସଳଖ ନିବେଶ କରିବାର ଅଭିଜ୍ଞତା ନଥିବା ଜଣେ ବ୍ୟକ୍ତି ଏଥିରେ ନିବେଶ କରିପାରିବେ । ମ୍ୟୁଚୁଆଲ ଫଣ୍ଡ୍ ଅନେକ ପ୍ରକାରର ହୋଇଥାଏ । ତେଣୁ ମ୍ୟୁଚୁଆଲ ଫଣ୍ଡରେ ପ୍ରଥମ ଥର ନିବେଶ କରୁଥିବା ଜଣେ ବ୍ୟକ୍ତିଙ୍କ ପାଇଁ ସଠିକ ମ୍ୟୁଚୁଆଲ ଫଣ୍ଡ୍ ବାଛିବା କଠିନ ହୋଇଥାଏ । ଆସନ୍ତୁ ଜାଣିବା କେମିତି ଆପଣ ନିଜ ପାଇଁ ଠିକ୍ ମ୍ୟୁଚୁଆଲ ଫଣ୍ଡ୍ ବାଛିବେ ।ମ୍ୟୁଚୁଆଲ ଫଣ୍ଡରେ ଆପଣ ନିଜ ରିସ୍କ ସମ୍ଭାଳି ପାରିବା କ୍ଷମତା ଆଧାରରେ ହିଁ ନିବେଶ କରିବା ଆବଶ୍ୟକ
ଇକ୍ୟୁଟି ଓ ELSS ଫଣ୍ଡ୍ କ’ଣ ?
ଇକ୍ୟୁଟି ବା ଅଂଶଧନ ହେଉଛି ଗୋଟିଏ କମ୍ପାନୀରେ କରାଯାଇଥିବା ନିବେଶ । ଇକ୍ୟୁଟି ଫଣ୍ଡସ ଏଭଳି ମ୍ୟୁଚୁଆଲ ଫଣ୍ଡ ଯାହାର ଅତିକମରେ ୬୫ ପ୍ରତିଶତ ନିବେଶ ଇକ୍ୟୁଟି ବା ତା’ ସହିତ ସମ୍ପର୍କିତ ଇନଷ୍ଟ୍ରୁମେଣ୍ଟରେ ନିବେଶ କରାଯାଏ । ଏପରିକି ୧୦୦ ପ୍ରତିଶତ ନିବେଶ ମଧ୍ୟ ଇକ୍ୟୁଟିରେ ହୋଇଥାଏ । ବଜାରରେ ଉତଥାନ ପତନର ସବୁଠାରୁ ଅଧିକ ପ୍ରଭାବ ଇକ୍ୟୁଟି ଫଣ୍ଡ ଉପରେ ପଡ଼ିଥାଏ । ଲମ୍ବା ଅବଧି ପାଇଁ ଏଭଳି ଫଣ୍ଡରେ ନିବେଶ କରି ଭଲ ଆୟ କରାଯାଇପାରେ । ବଜାରର ଉତ୍ଥାନ ପତନରୁ ବଂଚିବା ପାଇଁ ଆପଣଙ୍କୁ ଅତିକମରେ ଇକ୍ୟୁଟି ଫଣ୍ଡରେ ତିନି ବର୍ଷ ପାଇଁ ନିବେଶ କରିବାକୁ ପଡ଼ିବ । ଇଏଲଏସଏସ ବା ଇକ୍ୟୁଟି ଲିଙ୍କଡ୍ ସେଭିଂସ ସ୍କିମ୍ ଏହାର ସବ୍ କ୍ୟାଟେଗୋରି ହୋଇଥେ । ଯେଉଁଥିରେ ନିବେଶ ଆୟକର ରିହାତି ଦେଇଥାଏ । ତେବେ ଏହାର ଲକ୍ ଇନ୍ ପିରିୟଡ ୩ ବର୍ଷ ହୋଇଥାଏ ।
ଡେଟ୍ ଫଣ୍ଡ୍
ଡେଟ୍ ଫଣ୍ଡ କି୍ମବା ଡେଟ୍ ଓରିଏଣ୍ଟେଡ୍ ଏମଏଫ୍ ସ୍କିମରେ ଅତିକମରେ ୬୫ ପ୍ରତିଶତ ନିବେଶ ଡେଟ୍ ସିକ୍ୟୁରିଟି ବା ଡେଟ୍ ରିଲେଟେଡ୍ ଇନଷ୍ଟ୍ରୁମେଣ୍ଟସରେ ହୋଇଥାଏ । ଏହାକୁ ମଧ୍ୟ ଶତ ପ୍ରତିଶତ ବଢ଼ା ଯାଇପାରେ । ବଜାରର ପ୍ରଭାବ ଏଭଳି ଫଣ୍ଡ୍ ଉପରେ କମ ପଡ଼ିଥାଏ । ତେଣୁ ଏହାକୁ ସୁରକ୍ଷିତ ବୋଲି ମନେ କରାଯାଏ । ସାଧାରଣତଃ ଡେଟ୍ ଫଣ୍ଡରେ ୧ରୁ ତିନି ବର୍ଷ ପାଇଁ ନିବେଶ କରାଯାଇଥାଏ ।
ଲିକ୍ୟୁଇଡ୍ ଫଣ୍ଡ୍
ଲିକ୍ୟୁଇଡ୍ ଫଣ୍ଡ୍ ମଧ୍ୟ ଡେଟ୍ ଫଣ୍ଡ୍ କ୍ୟାଟେଗୋରିରେ ଆସିଥାଏ । ଏହାର ପୋର୍ଟଫୋଲିଓରେ ବହୁତ କମ ମ୍ୟଚୁରିଟି ପିରିୟଡ ବିଶିଷ୍ଟ ଇନଷ୍ଟ୍ରୁମେଣ୍ଟ ରହିଥାଏ । ୧ରୁ ୬୦ ଦିନ ପାଇଁ ଏଭଳି ଫଣ୍ଡରେ ନିବେଶ କରିବା ଉତ୍ତମ । ଏହି ଫଣ୍ଡ୍ ମାନଙ୍କ ନେଟ୍ ଆସେଟ୍ ଭ୍ୟାଲୁ ବା ନାଭ୍ ଶନିବାର ଓ ରବିବାର ଦିନ ମଧ୍ୟ ନିର୍ଧାରିତ ହୋଇଥାଏ । ଅର୍ଥାତ ଆପଣ ଛୁଟି ଦିନ ମଧ୍ୟ ଏହି ଫଣ୍ଡରୁ ଟଙ୍କା ଉଠାଇ ପାରିବେ । ଓଭରନାଇଟ୍ ଫଣ୍ଡ୍ ମଧ୍ୟ ଡେଟ୍ ଫଣ୍ଡରେ ଆସିଥାଏ ।
ହାଇବ୍ରିଡ୍ ଫଣ୍ଡ୍
ହାଇବ୍ରିଡ୍ ଫଣ୍ଡସ ଡେଟ୍ ଓ ଇକ୍ୟୁଟି ଭଭୟରେ ନିବେଶ କରିଥାଏ । ଏଥିରେ ବିପଦ କମ ଥାଏ ଓ ରିଟର୍ଣ୍ଣ ଭଲ ଆସିଥାଏ । ଯଦି ଆପଣ ଇକ୍ୟୁଟି ଜରିଆରେ ନିଜ ସମ୍ପତି ବୃଦ୍ଧି କରିବାକୁ ଚାହାନ୍ତି ,ଫିକ୍ସଡ୍ ଇନକମରେ ସ୍ଥିରତା ଚାହାନ୍ତି ଓ ବଜାରର ଉତ୍ଥାନ ପତନରୁ ସୁରକ୍ଷା ଚାହାନ୍ତି ତେବେ ହାଇବ୍ରିଡ୍ ଫଣ୍ଡରେ ନିବେଶ କରିପାରିବେ । କାରଣ ଏହି ଫଣ୍ଡ ବାଲାନ୍ସ ରଖିଥାଏ । କିଛି ନିବେଶ ଇକ୍ୟୁଟିରେ ଓ କିଛି ଡେଟ୍ ଫଣ୍ଡରେ ହେଉଥିବାରୁ ଉଭୟ ମଧ୍ୟରେ ସମାନତା ରହିଥାଏ । ଫଳରେ ବଜାରର ଅଧିକ ପ୍ରଭାବ ପଡ଼ିନଥାଏ । ଗୋଟିଏରେ କ୍ଷତି ହେଲେ ଆରଟି ଭରଣ କରିଥାଏ
