ଦ୍ୱାଦସ ବା ପ୍ଲସ ଟୁ ପରେ ପ୍ରାୟ ସମସ୍ତେ ଦେଶର ଟପ୍ କଲେଜରେ ନାମ ଲେଖାଇବାକୁ ଚାହାନ୍ତି । ଏଥିପାଇଁ ଇଛୁକ ପ୍ରାର୍ଥୀ ରାଙ୍କିଂ ଦେଖନ୍ତି ଯେ, କେଉଁ କଲେଜ ଟପ୍ ୧୦୦ ତାଲିକାରେ କେଉଁଠି ଅଛି । ତେବେ ଆପଣ ଜାଣିଛନ୍ତି କି ଦେଶର କଲେଜ ଓ ବିଶ୍ୱବିଦ୍ୟାଲୟ ରାଙ୍କିଂର ମାନଦଣ୍ଡ କ’ଣ । ଏଥିପାଇଁ ପ୍ରତି ବର୍ଷ ନ୍ୟାସନାଲ ଇନଷ୍ଟ୍ୟୁସନାଲ ରାଙ୍କିଂ ଫ୍ରେମୱାର୍କ (NIRF) କଲେଜର ରାଙ୍କିଂ ଜାରି କରିଥାଏ ।
ଚଳିତ ବର୍ଷ ଆଇଆଇଟି ମାଡ୍ରାସ ଓଭରାଲ କ୍ୟାଟେଗୋରିରି ପ୍ରଥମ ସ୍ଥାନ ଅଧିକାର କରିଛି । ଦେଶର ସମସ୍ତ କଲେଜ ଓ ବିଶ୍ୱ ବିଦ୍ୟାଳୟକୁ ରାଙ୍କିଂ ଦେବା ବେଳେ NIRF ପାଠପଢାର ଗୁଣବତ୍ତା ସହିତ ଅନ୍ୟ କିଛି ପାରାମିଟରର ଯାଂଚ କରିଥାଏ । ତେବେ ଆସନ୍ତୁ ଜାଣିବା କ’ଣ ସେସବୁ ପାରାମିଟର ।
କେଉଁ ଆଧାର ଓ କେଉଁ ଶ୍ରେଣୀରେ ହୋଇଥାଏ ରାଙ୍କିଂ ?
ଶିକ୍ଷାନୁଷ୍ଠାନ ଗୁଡିକୁ ରାଙ୍କିଂ ଦେବାର ଆରମ୍ଭ ୨୯ ଡିସେମ୍ବର ୨୦୧୫ରୁ ହୋଇଥିଲା । ଏପ୍ରିଲ ୪ ତାରିଖ ୨୦୧୬ରେ ପ୍ରଥମ କଲେଜ ରାଙ୍କିଂ ଲିଷ୍ଟ ଜାରି କରାଯାଇଥିଲା । NIRFକୌଣସି ଶିକ୍ଷାନୁଷ୍ଠାନର ରାଙ୍କିଂ ଜାରି କରିବା ପୂର୍ବରୁ ୫ ପାରାମିଟରରେ ଏହାକୁ ମାପିଥାଏ । ଏଥିରେ ଟିଚିଂ ଆଣ୍ଡ୍ ଲର୍ଣ୍ଣିଂ, ପର୍ସେପସନ୍, ରିସର୍ଚ୍ଚ ଆଣ୍ଡ ପ୍ରଫେସନାଲ ପ୍ରାକ୍ଟିସ, ଆଉଟ ରିଚ୍ ଆଣ୍ଡ୍ ଇନକ୍ଲିୟୁସିଭିଟି ଓ ଗ୍ରାଜୁଏସନ ଆଉଟକମ ସାମିଲ ରହିଥାଏ । ଏହି ୫ ପାରାମିଟରରେ ସବୁଥିଲେ ୨ରୁ ୫ ସବ୍ ପାରାମିଟର ଥାଏ । ଏହି ୫ ପାରାମିଟରରେ ମିଳିଥିବା ନମ୍ବରକୁ ମିଶାଇ ଯାଇ ମୋଟ ନମ୍ବର ଆଧାରରେ ରାଙ୍କିଂ ଦିଆଯାଏ ।
ଏତିକି କ୍ୟାଟେଗୋରିରେ ଦିଆଯାଇଥାଏ ରାଙ୍କ୍
ଏହି ପାରାମିଟର୍ସ ବ୍ୟତିତ ରିସର୍ଚ୍ଚ ଇନଷ୍ଟିଚ୍ୟୁଟ୍ ପାଇଁ ଦୁଇଟି ଅନ୍ୟ ସବ୍ ପାରାମିଟର୍ସ ଆଧାରରେ ରାଙ୍କିଂ ଦିଆଯାଇଥାଏ । ଏଥିରେ ଜର୍ଣ୍ଣାଲ ସାଇଟେଶନ ରିପୋର୍ଟରେ ପ୍ରଥମ କ୍ୱାର୍ଟାଇଲରେ ଜର୍ଣ୍ଣାଲର ପବ୍ଲିସ ରିସର୍ଚ୍ଚ ପେପର ଓ ଇଣ୍ଡକେସ୍ ସାମିଲ ହୋଇଥାଏ । ଅନ୍ୟପକ୍ଷରେ କ୍ୟାଟେଗୋରି କଥା ଯଦି କୁହାଯିବ ତେବେ, ଶିକ୍ଷା ମନ୍ତ୍ରଣାଳୟ ଅନୁସାରେ ଏନଆଇଆରଏଫ ଦ୍ୱାରା ଯେଉଁ ରାଙ୍କିଂ ଜାରି କରାଯାଇଥାଏ, ସେଥିରେ ଶିକ୍ଷାନୁଷ୍ଠାନକୁ ୧୧ କ୍ୟାଟେଗୋରିରି ରାଙ୍କ୍ ଦିଆଯାଇଥାଏ । ଏଥିରେ ବିଶ୍ୱବିଦ୍ୟାଳୟ., ଇଂଜିନିୟରିଂ, ମ୍ୟାନେଜମେଣ୍ଟ୍, ଫାର୍ମାସୀ କଲେଜ୍, ମେଡିକାଲ , ଲ’ ଆର୍କିଟେକ୍ଚର, ରିସର୍ଚ୍ଚ ଓ ARIIAକୁ ସାମିଲ କରାଯାଇଛି ।
ଚଳିତ ବର୍ଷ ଏତିକି ଆସିଥିଲା ଆବେଦନ
ଶିକ୍ଷା ମନ୍ତ୍ରଣାଳୟ ଅନୁସାରେ ଚଳିତ ବର୍ଷ ମୋଟ ୪ ହଜାର ୩୦ ଅନୁଷ୍ଠଆନ ରାଙ୍କିଂ ୨୦୨୧ ପାଇଁ ଓଭରାଲ କ୍ୟାଟେଗୋରି, ଡୋମେନ୍ ସ୍ପେଶିଫିକ୍ ଓ ଡୋମେନ ସ୍ପେଶିଫିକ୍ ରାଙ୍କିଂ କ୍ରମରେ ନିଜ ଦାବି ରଖିଥିଲେ । ଏଥର ମୋଟ ୬ ହଜାର ୨୭୨ ଆବେଦନ ଏହି ୪ ହଜାର ୩୦ ବିଶିଷ୍ଟ ଆବେଦକ ସଂସ୍ଥାନ ଦ୍ୱାରା ଅଲଗା ଅଲଗା ଶ୍ରେଣିରେ ଆବେଦନ ଆସିଥିଲା ।
୨୦୧୬ରେ ଏହି ସଂଖ୍ୟା ୨୪୨୬ ଥିଲା । ଯାହା ୨୦୨୧ରେ ବଢିକରି ୪ ହଜାର ୩୦ ହୋଇଛି । ଅନ୍ୟପକ୍ଷରେ ବିଭିନ୍ନ ଶ୍ରେଣିରେ ରାକିଂ ପାଇଁ ମୋଟ ଆବେଦନ ସଂଖ୍ୟା ୨୦୧୬ରେ ୩,୫୬୫ ଥିଲା ଓ ୨୦୨୧ରେ ଏହା ୬ ହଜାର ୨୭୨ ହୋଇଛି ।
