ନାମ ଜଣେ ବ୍ୟକ୍ତିଙ୍କୁ ଆଉ ଜଣେ ବ୍ୟକ୍ତିଙ୍କଠାରୁ ଅଲଗା କରିଥାଏ । ଧର୍ମ ଆଧାରରେ ଲୋକଙ୍କ ନାମକରଣ ହୋଇଥାଏ । ଜଣେ ବ୍ୟକ୍ତିର ନାମରୁ ଜଣା ପଡିଥାଏ ସେ କେଉଁ ଧର୍ମକୁ ମାନନ୍ତି । ନାମକରଣ ଏକ ବ୍ୟକ୍ତିଗତ ଓ ପାରିବାରିକ ମାମଲା ହୋଇଥାଏ । ସାଧାରଣତଃ ଏଥିରେ ସରକାରଙ୍କ ହସ୍ତକ୍ଷେପ ନଥାଏ । କେବଳ କିଛି ଦେଶରେ ନିର୍ଦ୍ଦିଷ୍ଟ କେତୋଟି ନାମ ନରଖିବାକୁ ନିୟମ ରହିଛି । ଯେମିତି ଇସ୍ରାଏଲ ଓ ଜର୍ମାନୀରେ କେହି ନିଜ ପିଲାଙ୍କ ନାମ ହିଟଲର ବୋଲି ରଖି ପାରିବେନ ନାହିଁ । କିନ୍ତୁ ଉତ୍ତର କୋରିଆ ଭଳି ରାଷ୍ଟ୍ରରେ କିଛି ମଧ୍ୟ ବ୍ୟକ୍ତିଗତ ହୋଇନଥାଏ । ସେଠାରେ ସବୁକିଛି ସରକାରୀ ଓ ସରକାର କହିଲେ କିମ୍ ପରିବାରକୁ ବୁଝାଏ । ଉତ୍ତର କୋରିଆର ଜଣେ ନାଗରିକ ନିର୍ଦ୍ଦିଷ୍ଟ ୪୮ଟି ହେୟାର କଟ୍ ଷ୍ଟାଇଲରୁ ଅଲଗା କିଛି ଷ୍ଟାଇଲ କରିପାରିବେ ନାହିଁ । ସୁପ୍ରିମ ଲିଡରଙ୍କ ଢଙ୍ଗରେ କେହି ମଧ୍ୟ ନିଜ କେଶ ସଜା କରିପାରିବେ ନାହିଁ । ଏବେ ଏସବୁଠୁ ଆଗରୁ ବଢି ପାଗଳ କିମ୍ ନୂଆ ଆଦେଶ ଜାରି କରିଛନ୍ତି । ନୂଆ ଆଦେଶ ଅନୁସାରେ ଦେଶର ସବୁ ନାଗରିକଙ୍କୁ ନିଜ ନାମ ବଦଳାଇବାକୁ ପଡ଼ିବ । ପୁରୁଣା ନାମ ସ୍ଥାନରେ ଦେଶପ୍ରେମ ଜାହିର କରୁଥିବା ନାମ ରଖିବାକୁ ପଡି଼ବ । ଆଉ ଯେଉଁମାନେ ଆଦେଶ ଅମାନ୍ୟ କରିବେ ସେମାନଙ୍କୁ କଠୋର ଦଣ୍ଡ ମିଳିବ ।
ବଦଳାଅ ନାମ,ପିଲାଙ୍କ ନାମ ଦମଦାର ହେବ
କିମଙ୍କୁ ଲାଗୁଛି ଯେ,ଉତ୍ତର କୋରିଆର ଅଭିଭାବକ ନିଜ ସନ୍ତାନଙ୍କ ଯେଉଁ ନାମକରଣ କରୁଛନ୍ତି ତାହା କୋମଳ । ତେଣୁ ସେ ନୂଆ ଆଦେଶ ଜାରି କରିଛନ୍ତି ଯେ, କେହି କଅଁଳିଆ ନାମ ରଖିବେ ନାହିଁ । କୋମଳ ନାମ ସ୍ଥାନରେ ଚୋଙ୍ଗ୍ ଇଲ୍ ବା ବନ୍ଧୁକ,ଚୁଙ୍ଗ୍ ସିମ୍ (ବିଶ୍ୱସ୍ତ) ପୋକ୍ ଇଲ୍ (ବୋମା) ଭଳି ନାମ ରଖିବାକୁ କହିଛନ୍ତି । ତାଙ୍କ ଅନୁସାରେ ବନ୍ଧୁକ ଓ ବୋମା ଭଳି ନାମ ପିଲାଙ୍କୁ ଶକ୍ତ କରିବ ଓ ଉତ୍ତର କୋରିଆର ମାକୋ ଇମେଜ୍ ବନାଇବ । ସୂଚନାଯୋଗ୍ୟ ଯେ ଦକ୍ଷୀଣ କୋରିଆରେ ଏ ରି ( ପ୍ରେମ କରୁଥିବା) ସୋ ରା( ଶଙ୍ଖ) ଓ ସୁ ଏମ୍ଆଇ( ସୁପରବ୍ୟୁଟି) ଭଳି ନାମ ପିଲାଙ୍କୁ ଦିଆଯାଇଥାଏ । ଉତ୍ତର କୋରିଆରେ ମଧ୍ୟ ଏହିଭଳି ନାମ କରଣ ହୋଇଥାଏ । ତେବେ କିମଙ୍କୁ ଲାଗୁଛି ଏମିତି ନାମ ସବୁ ପିଲାଙ୍କୁ ମାଇଚିଆ କରି ଦେଉଛି । ତେଣୁ ସେ ନୂଆ ଆଦେଶରେ ବନ୍ଧୁକ,ବୋମା ଭଳି ନାମ ଦେବାକୁ କହିଛନ୍ତି ।
ବଡ଼ଙ୍କୁ ମଧ୍ୟ ନାମ ବଦଳାଇବାକୁ ବାଧ୍ୟ କରାଯାଉଛି
କେବଳ ପିଲା ନୁହନ୍ତି ଉତ୍ତର କୋରିଆର ବୟସ୍କ ଲୋକଙ୍କୁ ମଧ୍ୟ ନିଜ ପୁରୁଣା ନାମ ବଦଳାଇ ନିଜକୁ ନୂଆ ନାମ ଦେବାକୁ ସରକାରୀ ଆଦେଶ ଜାରି ହୋଇଛି । ଆଦେଶରେ କୁହାଯାଇଛି ଯେ, ଯେଉଁମାନେ ନିର୍ଧାରିତ ତିଥି ମଧ୍ୟରେ ନୂଆ ନାମକରଣ କରିବେ ନାହିଁ ସେମାନଙ୍କୁ କଠୋର ଦଣ୍ଡ ଦିଆଯିବ । ୨୦୨୨ ସରିବା ପରେ ଯଦି କେହି ନିଜ ନାମ ବଦଳାଇ ନଥାନ୍ତି ତେବେ ତାଙ୍କୁ ଦଣ୍ଡ ପାଇଁ ପ୍ରସ୍ତୁତ ରହିବାକୁ କୁହାଯାଇଛି । ତେବେ ଉଦାର ହୃଦୟର କିମ୍ ଏନେଇ କିଛିଟା ନରମ ହୋଇଛନ୍ତି । ସେ ନାଗରିକଙ୍କୁ ନିଜ ପୁରୁଣା ନାମ ସମ୍ପୂର୍ଣ୍ଣ ପରିବର୍ତ୍ତନ କରିବା ବଦଳରେ ନାମ ଶେଷରେ କିଛି କ୍ରାନ୍ତିକାରୀ ଶବ୍ଦ ଯୋଡିବାକୁ କହିଛନ୍ତି । ବୟସ୍କ ନାଗରିକଙ୍କୁ ନିଜ ନାମ ପଛରେ ଏମିତି କିଛି ଯୋଡି଼ବାକୁ କୁହାଯାଇଛି ଯାହା ରାଜନୈତିକ ସନ୍ଦେଶ ଦେଉଥିବ । ତେବେ ଲୋକ ଏହାକୁ ନେଇ ଖୁସୀ ନାହାନ୍ତି । କିନ୍ତୁ ଉତ୍ତର କୋରିଆରେ ଲୋକଙ୍କ ଅସନ୍ତୋଷର କିଛି ଅର୍ଥ ନଥାଏ । ସୁପ୍ରିମ ଲିଡରଙ୍କ ଆଦେଶ ଅମାନ୍ୟ ଅର୍ଥ ମୃତ୍ୟୁ । ତେଣୁ ଆଗାମୀ ଦିନରେ ସଂଖ୍ୟାଧିକ ଉତ୍ତର
