ହଲିଉଡ୍ ଫିଲ୍ମ ଦେଖିଲେ ମୃତ୍ୟୁଦଣ୍ଡ । ପର୍ଣ୍ଣ ଦେଖିଲେ ଗୁଳି କରି ହତ୍ୟା । ବାଇବେଲ ରଖିଲେ ମୃତ୍ୟୁ । ନିଜ ନାଗରିକଙ୍କୁ ଏମିତି ମୃତ୍ୟୁ ବାଣ୍ଟୁଥିବା ଶାସକ ନିଜେ ଏବେ ମରଣ ଡରରେ ଡହଳବିକଳ । ମରଣ ଏତେ ଡରାଉଛି ଯେ, ସେ ଦିନରାତି ପିଉଛି ଓ କାନ୍ଦୁଛି । ବିଶ୍ୱକୁ ତୃତୀୟ ବିଶ୍ୱଯୁଦ୍ଧର ଧମକ ଦେଉଥିବା ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍ ଜୋଙ୍ଗ୍ ଉନ୍ ମରଣ ଡରରେ ଚବିଶ ଘଣ୍ଟା ନିଶାରେ ବୁଡ଼ି ରହି କାନ୍ଦୁଛି ବୋଲି ଏକ ବ୍ରିଟିଶ ଖବର ଦାବି କରିଛି ।
ଖବର ଅନୁସାର ମାତ୍ର ୩୯ ବର୍ଷୀୟ କିମ୍ ନିଜ ଖରାପ ଜୀବନଶୈଳୀ ପାଇଁ ସାଂଘାତିକ ରୋଗରେ ପିଡୀତ ହୋଇଛନ୍ତି । ଯାହା ତାଙ୍କୁ ଏତେ ଡରାଇ ଦେଇଛି ଯେ, ସେ ସବୁବେଳେ ମଦନିଶାରେ ବୁଡି଼ ରହୁଛନ୍ତି । କେବଳ ଏତିକି ନୁହେଁ,ମଦ ନିଶାରେ ଚୁର ହୋଇ ଦୁନିଆକୁ ଡରାଉଥିବା କିମ୍ ଘଣ୍ଟା ଘଣ୍ଟା ଧରି କାନ୍ଦୁଛି । କିମଙ୍କୁ ଏହି ଚିନ୍ତା ଘାରିଛି ଯେ, ଯଦି ତାଙ୍କର ମୃତ୍ୟୁ ହୋଇଯାଏ ତେବେ କ୍ଷମତା ପରିବାର ହାତରେ ରହିବ କି ନାହିଁ ।
ଦକ୍ଷୀଣ କୋରିଆର ଜନୈକ ପ୍ରତିରକ୍ଷା ବିଶେଷଜ୍ଞଙ୍କ ଇଂଲଣ୍ଡର ଖବର କାଗଜ ‘ଦ ମିରର’କୁ ଦେଇଥିବା ସାକ୍ଷାତକାରରେ କହିଛନ୍ତି ଯେ, ନିଜ ରୋଗକୁ ନେଇ ଚିନ୍ତିତ ଥିବା କିମ୍ ଦିନର ଅଧିକାଂଶ ସମୟ ମଦନିଶାରେ ରହିଛି । ନିଶାରେ ସେ କାନ୍ଦୁଛି । ପତ୍ନୀ ଓ ଡାକ୍ତର ଯେତେବ ବୁଝାଇଲେ ମଧ୍ୟ. ବୁଝୁନାହିଁ । କି ନିଜ ଲାଇଫ୍ ଷ୍ଟାଇଲ ବଦଳାଉନାହିଁ ।
ସୂଚନାଯୋଗ୍ୟ ଯେ, କିମଙ୍କ ସ୍ୱାସ୍ଥ୍ୟବସ୍ଥାକୁ ନେଇ ଅନେକ ଦିନ ଧରି କଳ୍ପନା ଜଳ୍ପନା ପ୍ରକାଶ ପାଉଛି । କିମ୍ କୌଣସି ସାଂଘାତିକ ରୋଗରେ ପିଡୀତ ବୋଲି ଆମେରିକା ସମେତ ପାଶ୍ଚାତ୍ୟ ଦେଶର ସୁରକ୍ଷା ଏଜେନ୍ସି ଅନୁମାନ କରନ୍ତି । କିମ୍ ଚୀନ୍ ଗସ୍ତରେ ଯାଇଥିବା ବେଳେ ନିଜ ସହିତ ପାଇଖାନା ନେଇଯାଇଥିଲେ । ତାଙ୍କ ମଳ ପରୀକ୍ଷା କରି କାଳେ ଆମେରିକା ତାଙ୍କ ରୋଗ ବାବଦରେ ସୂଚନା ପାଇବ ଏହି ଭୟରେ ସେ ଏମିତି କରିଥିବା କୁହାଯାଉଛି । କିମଙ୍କ ଏଭଳି ସତର୍କତା ଏଭଳି ଖବରକୁ ଅଧିକ ହାୱା ଦେଇଛି । ଗତବର୍ଷର ଅନ୍ତିମ ଭାଗରେ କିମଙ୍କୁ ନିଜ ଭଉଣୀ ଓ ଝିଅ ସହିତ ଏକ କ୍ଷପଣାସ୍ତ୍ର ଲଂଚ୍ କାଳରେ ଦେଖିବାକୁ ମିଳିଥିଲା । କୁହାଯାଉଛି ଯେ,କିମ୍ ନିଜ ଉତ୍ତରାଧିକାରୀ ଚୟନ କରି ସାରିଛନ୍ତି । ତାଙ୍କ ମୃତ୍ୟୁପରେ ଭଉଣୀ ଓ ଝିଅ ଦେଶ ଚଳାଇବେ ବୋଲି ସେ ଆଗୁଆ ଆଦେଶ ଦେଇଛନ୍ତି ।
କିମ୍ ପରିବାର ଗତ ୭୦ ବର୍ଷରୁ ଅଧିକ ସମୟ ଧରି ଉତ୍ତର କୋରିଆ ଉପରେ ଶାସନ କରି ଆସୁଛି । କିମଙ୍କ ଜେଜେ ଓ ବାପା ଭୟକୁ ଅସ୍ତ୍ର କରି ଏହି ଦେଶ ଉପରେ ଶାସନ କରିଥିଲେ । ବାପାଙ୍କ ମୃତ୍ୟୁ ପରେ କିମ୍ ଶାସନ ଗାଦିକୁ ଆସିଥିଲେ । ଶାସନ ଭାର ଗ୍ରହଣ କରିବା ସହିତ ସେ ନିଜ ପିଇସା,ପିଇସି ଓ ପିଇସି ପୁଅ ଭାଇଙ୍କୁ ହତ୍ୟା କରିଥିଲେ । ପିଇସା ତାଙ୍କୁ ଗାଦିରୁ ହଟାଇବାକୁ ଚକ୍ରାନ୍ତ କରୁଛନ୍ତି ବୋଲି ସନ୍ଦେହ କରି ସେ ତାଙ୍କୁ ମୃତ୍ୟୁଦଣ୍ଡ ଦେଇଥିଲେ । କୁହାଯାଏ ଯେ, କିମ୍ ତାଙ୍କ ପିଇସାଙ୍କୁ ଭୋକିଲା କୁକୁରଙ୍କ ଭିତରକୁ ଫୋପାଡି଼ ଦେଇଥିଲେ । କିମଙ୍କ କୃରତାର ଆଉ ଗୋଟିଏ ଉଦାହରଣ ହେଉଛି ଯେ, ଶାସନକୁ ଆସିବା ପରେ ସେ ନିଜ ଗର୍ଲଫ୍ରେଣ୍ଡଙ୍କୁ ବେଶ୍ୟାବୃତି ଅଭିଯୋଗରେ ମୃତ୍ୟୁଦଣ୍ଡରେ ଦଣ୍ଡିତ କରିଥିଲେ । ତାଙ୍କ ଗର୍ଲଫ୍ରେଣ୍ଡ୍ ଉତ୍ତର କୋରିଆର ଜଣେ ପ୍ରସିଦ୍ଧ ପପ୍ ସିଙ୍ଗର ଥିଲେ । କେବଳ ଗର୍ଲଫ୍ରେଣ୍ଡ୍ ନୁହେଁ ତାଙ୍କ ବ୍ୟାଣ୍ଡରେ କାମ କରୁଥିବା ସମସ୍ତ କଳାକାରଙ୍କୁ ମଧ୍ୟ କିମଙ୍କ ଆଦେଶରେ ହତ୍ୟା କରାଯାଇଥିଲା । କିମଙ୍କ କୃରତାର ଆଉ ଗୋଟିଏ ଉଦାହରଣ ହେଉଛି ଯେ,ତାଙ୍କ ମିଟିରେ ଶୋଇ ପଡିଥିବା ପ୍ରତିରକ୍ଷା ମନ୍ତ୍ରୀଙ୍କୁ ସେ ତୋପରେ ବାନ୍ଧି ଉଡାଇ ଦେଇଥିଲେ । ଏବେ ସେଇ ମୃତ୍ୟୁଦୂତକୁ ମରଣ ଡର ଏମିତି ଡରାଉଛି ଯେ, ସେ ମଦ ନିଶାରେ କାନ୍ଦୁଛି ।
