ଅମ୍ବାନୀଙ୍କ ଲମ୍ବ ଡିଆଁ

ଲମ୍ବ ଡିଆଁ ମାରିଲେ ରିଲାଏନ୍ସ ଇଣ୍ଡଷ୍ଟ୍ରି ମୁଖ୍ୟ

() ଅରବପତିଙ୍କ ତାଲିକାରେ ଲମ୍ବା ଡିଆଁ ମାରିଛନ୍ତି ଏସିଆର ଦୁଇ ନମ୍ବର ଧନୀ ତଥା ରିଲାଏନ୍ସ ଇଣ୍ଡଷ୍ଟ୍ରିର ମୁଖ୍ୟ । ଦୁନିଆର ଟପ୍‌-୧୦ ଧନୀଙ୍କ ମଧ୍ୟରେ ଏକ ନୂଆ ସ୍ଥାନ ଅକ୍ତିଆର କରିଛନ୍ତି ମୁକେଶ ଅମ୍ବାନୀ । ସେ ଧନୀ ତାଲିକାର ୮ମ ସ୍ଥାନରେ ନିଜ ସ୍ଥାନ ପକ୍କା କରିଛନ୍ତି । ଫୋବର୍ସର ରିଅଲ ଟାଇମ ବିଲିୟନର୍ସ ରିପୋର୍ଟ ଅନୁଯାୟୀ ରିଲାଏନ୍ସ ଇଣ୍ଡଷ୍ଟ୍ରିର ମୁଖ୍ୟ ମୁକେଶ ଅମ୍ବାନୀଙ୍କ ସମ୍ପତ୍ତିର ମୂଲ୍ୟ ୮୪ ଡଲାର ହୋଇଯାଇଛି । ଏଥିସହିତ ମୁକେଶ ଧନୀ ଲିଷ୍ଟରେ ସାମିଲ ଥିବା ଲେରୀ ପେଜ୍ ଓ ସର୍ଗଇ ବିନଙ୍କୁ ପଛରେ ପକାଇ ଦେଇଛନ୍ତି । ରିପୋର୍ଟ ଅନୁଯାୟୀ ଲେରୀ ପେଜଙ୍କ ସମ୍ପତ୍ତି ୮୩.୯ ଅରବ ଡଲାର ରହିଥିବା ବେଳେ ସର୍ଗେଇ ବିନଙ୍କ ସମ୍ପତ୍ତି ୮୦.୫ ଅରବ ଡଲାର ରହିଛି । ତେବେ ବିଗତ ଦିନରେ ଟପ୍‌-୧୦ ଧନୀଙ୍କ ମଧ୍ୟରେ ଇତିହାସ ରଚିଥିବା ଏସିଆର ଏକ ନମ୍ବର ଧନୀ ଗୌତମ ଆଦାନୀ ଏବେବି ଧନୀଙ୍କ ମଧ୍ୟରେ ନିଜର ଚତୁର୍ଥ ସ୍ଥାନ କାୟମ ରଖିଛନ୍ତି । ତାଙ୍କର ମୋଟ ସମ୍ପତ୍ତି 124.4 ଅରବ ଡଲାର ରହିଛି । ଆଦାନୀ ଲଗାତାର ମାଇକ୍ରୋସଫ୍ଟର ନିର୍ମାତା ବିଲଗେଟସ୍ ଏବଂ ଦିଗ୍ଗଜ୍ ନିବେଶକ ଓ୍ବାରେନ ବଫେଟଙ୍କ ଉପରେ ରହିଛନ୍ତି । ସେପଟେ ଅରବପତିଙ୍କ ଲିଷ୍ଟରେ ସାମିଲ ଥିବା 2 ଭାରତୀୟ ଉଦୌଗପତି ମୁକେଶ ଅମ୍ବାନୀ ଓ ଗୌତମ ଆଦାନୀଙ୍କ ସମ୍ପତ୍ତିର ଅନ୍ତର ଦେଖିବାକୁ ଗଲେ ମୁକେଶ ଏବଂ ଗୌତମଙ୍କ ସମ୍ପତ୍ତି 40.4 ଅରବ ଡଲାର ବ୍ୟବଧାନ ରହିଛି । ମୁକେଶ ଏବଂ ଗୌତମ ମଧ୍ୟରେ ସମ୍ପତ୍ତିର ଦୂରତା 87.4 ବିଲିୟନ ଡଲାର ରହିଛି । Forbes Real Time Billionaires ଇଣ୍ଡେକ୍ସ ଅନୁଯାୟୀ, ୨୦୭.୭ ବିଲିୟନ ଡଲାର ସହିତ ଏଲନ ମସ୍କ ତାଲିକାର ପ୍ରଥମ ସ୍ଥାନରେ ଅଛନ୍ତି । ଦ୍ଵିତୀୟ ବିତ୍ତଶାଳୀ ହେଉଛନ୍ତି ବର୍ଣ୍ଣାଡ ଆରନଲ୍ଟ, ଯାହାଙ୍କ ମୋଟ୍ ସଂପତ୍ତି ହେଉଛି ୧୪୭.୮ ବିଲିୟନ ଡଲାର । ମୋଟ୍ ୧୩୦.୪ ବିଲିୟନ ଡଲାର ସହିତ ଜେଫ ବେଜୋସ ତୃତୀୟରେ ଅଛନ୍ତି । ସେହିପରି ଚତୁର୍ଥ ସ୍ଥାନରେ ଗୌତମ ଆଦାନୀ, ପଞ୍ଚମରେ ବିଲ୍ ଗେଟ୍ସ, ଷଷ୍ଠରେ ଓ୍ଵାରେନ ବଫେଟ୍‌ ଏବଂ ସପ୍ତମରେ ଲାରି ଏଲିସନ ରହିଛନ୍ତି ।