![Above Post Content](http://risingodisha.in/wp-content/uploads/2023/07/c3326471d6b687956600ca672258ba5b.webp)
ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଥଣ୍ଡା ପାନୀୟ ଯୋଗୁଁ ଆପଣଙ୍କ ସ୍ୱାସ୍ଥ୍ୟ ଖରାପ ହୋଇପାରେ । ଯଦି ଆପଣ ନିୟମିତ ଭାବରେ ଥଣ୍ଡା ପାନୀୟ ପିଉଛନ୍ତି , ତେବେ ଆପଣଙ୍କୁ ସତର୍କ ହେବାର ଆବଶ୍ୟକତା ରହିଛି । ଅତ୍ୟଧିକ ଥଣ୍ଡା ପାନୀୟ ପିଇବା ଦ୍ୱାରା ଆପଣ ଅନେକ ଗମ୍ଭୀର ରୋଗର ଶିକାର ହୋଇପାରନ୍ତି ।
![After 2nd paragraph post ads](http://risingodisha.in/wp-content/uploads/2023/08/728.jpg)
ହୃଦୟ ପାଇଁ କ୍ଷତିକାରକ – ଥଣ୍ଡା ପାନୀୟ ଆପଣଙ୍କ ହୃଦୟ ସ୍ୱାସ୍ଥ୍ୟ ପାଇଁ ଅତ୍ୟନ୍ତ କ୍ଷତିକାରକ ହେବାର ସମ୍ଭାବନା ରହିଛି । ଅତ୍ୟଧିକ ଥଣ୍ଡା ପାନୀୟ ପିଇବାଦ୍ୱାରା ବିପଦଜ୍ଜନକ ଏବଂ ସାଂଘାତିକ ହୃଦୟ ସମ୍ବନ୍ଧୀୟ ରୋଗ ହେବାର ଆଶଙ୍କା ବହୁ ପରିମାଣରେ ବଢିପାରେ ।
![Middle post content](http://risingodisha.in/wp-content/uploads/2023/08/website-1-e1691833471554.jpg)
ମେଦବହୁଳତାର ଶିକାର – ଥଣ୍ଡା ପାନୀୟ ପିଇବା ହେତୁ ଆପଣ ମୋଟାପଣର ଶିକାର ହୋଇପାରନ୍ତି। ମେଦବହୁଳତା ଅନେକ ରୋଗକୁ ଆମନ୍ତ୍ରଣ କରିଥାଏ । ଯଦି ଆପଣ ଏକ ସୁସ୍ଥ ଓଜନ ବଜାୟ ରଖିବାକୁ ଚାହାଁନ୍ତି, ତେବେ ଆପଣଙ୍କ ଖାଦ୍ୟରୁ ଥଣ୍ଡା ପାନୀୟକୁ ବାଦ ଦିଅନ୍ତୁ ।
ଯକୃତ ନଷ୍ଟ ହୋଇପାରେ – ଥଣ୍ଡା ପାନୀୟରେ ମିଳୁଥିବା ଉପାଦାନଗୁଡ଼ିକ ଆପଣଙ୍କ ଯକୃତକୁ ମଧ୍ୟ ଖରାପ କରିପାରେ । ଯଦି ଆପଣ ଥଣ୍ଡା ପାନୀୟ ପିଇବାକୁ ହ୍ରାସ କରନ୍ତି ନାହିଁ, ତେବେ ଆପଣ ଫ୍ୟାଟି ଲିଭର ପରି ରୋଗର ଶିକାର ହୋଇପାରନ୍ତି ।
ମଧୁମେହର ବିପଦ– ଥଣ୍ଡା ପାନୀୟର ବ୍ୟବହାର ହେତୁ ମଧୁମେହ ପରି ନୀରବ ଘାତକ ରୋଗ ହେବାର ଆଶଙ୍କା ମଧ୍ୟ ବହୁଗୁଣିତ ହୋଇପାରେ । ତେଣୁ, ସମୟ ସମୟରେ ଥଣ୍ଡା ପାନୀୟର ବ୍ୟବହାରକୁ ହ୍ରାସ କରିବା ଉଚିତ୍ ।
ଗ୍ରୀଷ୍ମ ଋତୁରେ , ଥଣ୍ଡା ପାନୀୟ ବଦଳରେ ପ୍ରାକୃତିକ ପାନୀୟ ପିଇବା ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ । ନଡ଼ିଆ ପାଣି, ଆମ୍ପାନା, ବେଲପଣା ପରି ପ୍ରାକୃତିକ ପାନୀୟ ଆପଣଙ୍କ ସ୍ୱାସ୍ଥ୍ୟ ପାଇଁ କୌଣସି କ୍ଷତି ପହଞ୍ଚାଇବ ନାହିଁ ।
![Below Post Content](http://risingodisha.in/wp-content/uploads/2023/07/5ca1c8be182baca302722f4c96b37584.webp)