ନୂଆଦିଲ୍ଲୀ: ଆଜିକାଲି ସୋସିଆଲ ମିଡ଼ିଆରୁ ରୋଜଗାର କରିବା ସାଧାରଣ କଥା ହୋଇଗଲାଣି । ଦୁନିଆରେ ଅନେକ ଲୋକ ଅଛନ୍ତି, ଯେଉଁମାନେ ଭଲ ଚାକିରି,ବ୍ୟବସାୟକୁ ଛାଡ଼ି ସୋସିଆଲ ମିଡ଼ିଆରୁ ଲକ୍ଷ ଲକ୍ଷ ଟଙ୍କା ରୋଜଗାର କରୁଛନ୍ତି । ଆଉ ଅଭିନେତା, ଅଭିନେତ୍ରୀ ହୁଅନ୍ତୁ ବା ଖେଳାଳି ସେମାନଙ୍କ କଥା ନ କହିବା ଭଲ । କାରଣ ସେମାନେ ସୋସିଆଲ ମିଡ଼ିଆରୁ ମଧ୍ୟ କୋଟି କୋଟି ଟଙ୍କା ରୋଜଗାର କରୁଛନ୍ତି । ହେଲେ ସେଥିମଧ୍ୟରୁ ବାଦ୍ ପଡ଼ିନାହାନ୍ତି ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି । ତେବେ ସୋସିଆଲ ମିଡିଆରେ ଗୋଟିଏ ପୋଷ୍ଟ ପାଇଁ କେତେ କୋଟି ନିଅନ୍ତି ଆପଣ ଜାଣନ୍ତି କି? ଏହା ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ
ବିଜ୍ଞାପନରୁ କରନ୍ତି ରୋଜଗାର
ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନିଙ୍କୁ ବିଶ୍ୱ କ୍ରିକେଟର ଅନ୍ୟତମ ସର୍ବକାଳୀନ ଶ୍ରେଷ୍ଠ କ୍ରିକେଟ ଖେଳାଳିର ମାନ୍ୟତା ଦିଆଯାଏ । ତାଙ୍କ ଅଧିନାୟକତ୍ୱ ସମୟରେ ଭାରତୀୟ କ୍ରିକେଟ ସଫଳତାର ଶିଖର ଛୁଇଁଥିଲା । ସେ ୨୦୨୦ ମସିହା ଅଗଷ୍ଟ ୧୫ରେ ଅନ୍ତର୍ଜାତୀୟ କ୍ରିକେଟରୁ ଅବସର ନେବା ସହ ଏକ ଯୁଗର ଅନ୍ତ ଘଟିଥିଲା । ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ ବି ଚେନ୍ନାଇ ସୁପର କିଙ୍ଗସ ପାଇଁ ଅଧିନାୟକତ୍ୱ କରୁଛନ୍ତି ଧୋନି । ତେବେ କ୍ରିକେଟକୁ ବହୁତ ପସନ୍ଦ କରୁଥିବା ଧୋନି କ୍ରିକେଟ ବ୍ୟତୀତ ଧୋନି ନିବେଶ ଓ ବିଜ୍ଞାପନ କରି ଟଙ୍କା ରୋଜଗାର କରନ୍ତି ।
ସୋସିଆଲ ମିଡ଼ିଆରୁ ୮୮ ଲକ୍ଷରୁ ୧.୨ କୋଟି କରନ୍ତି ରୋଜଗାର
ଏହା ସହିତ ଇନଷ୍ଟାଗ୍ରାମ ଭଳି ସୋସିଆଲ ମିଡିଆ ପ୍ଲାଟଫର୍ମରେ ପୋଷ୍ଟ କରି ମଧ୍ୟ ସେ ଟଙ୍କା ଆୟ କରିଥାନ୍ତି । ହେଲେ ଏଥିରୁ ସେ ଲକ୍ଷେ କି ୨ଲକ୍ଷ ନୁହେଁ, ଗୋଟାଏ ପୋଷ୍ଟ ପାଇଁ ତାଙ୍କୁ ପ୍ରାୟ ୮୮ଲକ୍ଷ ଟଙ୍କାରୁ ୧.୨କୋଟି ଟଙ୍କା ମିଳେ । ଯଦି ଧୋନିଙ୍କ ମୋଟ ସମ୍ପତ୍ତିକୁ ଦେଖିବା ତେବେ ସେ ମୋଟ ୧,୦୪୦କୋଟି ଟଙ୍କାର ମାଲିକ ଅଟନ୍ତି । ଧୋନିଙ୍କ ଆଇପିଏଲ ଆୟ ଦେଖିବାକୁ ଗଲେ ଚେନ୍ନାଇ ସୁପର କିଙ୍ଗ୍ସ, ଅଧିନାୟକ ମହେନ୍ଦ୍ର ସିଂ ଧୋନିଙ୍କୁ ଆଇପିଏଲ୍ ୨୦୨୪ ପାଇଁ ୧୨କୋଟି ଟଙ୍କା ବେତନ ପ୍ରଦାନ କରୁଛି । ୨୦୨୨ର ନିଲାମିରେ ଚେନ୍ନାଇ ସୁପର କିଙ୍ଗ୍ସ ଅଧିନାୟକ ଧୋନିଙ୍କୁ ୧୨କୋଟି ଟଙ୍କାରେ ଦଳରେ ରଖିଥିଲା ।
