![Above Post Content](http://risingodisha.in/wp-content/uploads/2023/07/c3326471d6b687956600ca672258ba5b.webp)
ଉତ୍ତର ପ୍ରଦେଶ ବିଧାନସଭା ନିର୍ବାଚନରେ ଏକରକମ ଅସ୍ତିତ୍ୱ ହରାଇଥିବା ବହୁଜନ ସମାଜ ପାର୍ଟି ନିଜକୁ ସଂଗଠିତ କରିବାକୁ ଉଦ୍ୟମ କରୁଛି । ତେବେ ଲାଗୁଛି ଯେ, ମାୟାଙ୍କ ନିଶାନାରେ ବିଜେପି କମ ସମାଜବାଦୀ ପାର୍ଟି ଅଧିକ ରହିଛି । ରବିବାର ହୋଇଥିବା ଦଳର ଏକ ଗୁରୁତ୍ୱପୂର୍ଣ୍ଣ ବୈଠକରେ ନିଆଯାଇଥିବା ନିଷ୍ପତିରୁ ଏହା ଜଣା ପଡୁଛି । ବିଏସପି ସୁପ୍ରିମୋଙ୍କ ଏହି ନିଷ୍ପତି ଏସପି ମୁଖିଆ ଅଖିଳେଶଙ୍କ ଚିନ୍ତା ବଢାଇ ଦେବ । କାରଣ କରହଲ ବିଧାନସଭା ଆସନରୁ ନିର୍ବାଚିତ ହେବା ପରେ ଅଖିଳେଶ ଆଜମଗଡ ଲୋକସଭା ଆସନରୁ ଇସ୍ତଫା ଦେଇଛନ୍ତି । ଏହି ଆସନରେ ଉପନିର୍ବାଚନ ହେବାକୁ ଯାଉଛି । ଏସପିକୁ ଘେରିବା ପାଇଁ ବିଏସପି ଏହି ଆସନରୁ ଗୁଡଡୁ ଜମାଲିଙ୍କୁ ପ୍ରାର୍ଥୀ କରିବାକୁ ଘୋଷଣା କରିଛି । ଗୁଡୁ ଜମାଲି ଓ୍ୱେଏସିଙ୍କ ଦଳର ଏକମାତ୍ର ପ୍ରାର୍ଥୀ ଥିଲେ ଯେ, ଯିଏ ନିକଟରେ ସରିଥିବା ବିଧାନସଭା ନିର୍ବାଚନରେ ଅମାନତ ବଂଚାଇ ପାରିଥିଲେ ।
ଗୁଡୁ ଜମାଲି କାହିଁକି ?
![After 2nd paragraph post ads](http://risingodisha.in/wp-content/uploads/2023/08/728.jpg)
![Middle post content](http://risingodisha.in/wp-content/uploads/2023/08/website-1-e1691833471554.jpg)
୨୦୧୨ ଓ ୨୦୧୭ ନିର୍ବାଚନରେ ଗୁଡୁ ଜମାଲି ଆଜମଗଡର ମୁବାରକପୁର ବିଧାନସଭା ଆସନରୁ ନିର୍ବାଚନ ଜିତିଥିଲେ । ତେବେ ୨୦୨୨ରେ ବିଏସପି ତ୍ୟାଗ କରି ସମାଜବାଦୀ ପାର୍ଟିରେ ଯୋଗ ଦେଇଥିଲେ । ତାଙ୍କୁ ସମାଜବାଦୀ ପାର୍ଟି ଟିକେଟ୍ ନଦେବା ପରେ ସେ ୱେୱେସିଙ୍କ ଦଳରେ ଯୋଗ ଦେଇଥିଲେ । ନିର୍ବାଚନରେ ହାରିଲେ ମଧ୍ୟ ସେ ନିଜ ଅମାନତ ବଂଚାଇ ପାରିଥିଲେ । ତାଙ୍କୁ ମୋଟ ୩୬ ହଜାର ଭୋଟ୍ ମିଳିଥିଲା । ଏବେ ଜମାଲିଙ୍କୁ ମୋହରା କରି ଆଜମଗଡରେ ଏସପି ଗଡ଼ ଭାଙ୍ଗିବାକୁ ମାୟବତୀ ଯୋଜନା କରିଛନ୍ତି ।
ଆଜମଗଡ କାହିଁକି ସପା ପାଇଁ ଜରୁରୀ ?
ଆଜମଗଡ ସପାର ମଜବୁତ ଗଡ ଭାବେ ପରିଗଣିତ ହୁଏ । ନିକଟରେ ସରିଥିବା ବିଧାନସଭା ନିର୍ବାଚନରେ ଏହା ପୁଣିଥରେ ପ୍ରମାଣିତ ହୋଇଛି । ଆଜମଗଡରେ ସପା ସବୁ ୧୦ ଆସନରେ ବିଜୟୀ ହୋଇଛି । ବିଧାନସଭା ନିର୍ବାଚନ ପୂର୍ବରୁ ଯେତେବେଳେ ଅଖିଳେଶ ନିର୍ବାଚନ ଲଢିବା କଥା ଉଠିଲା ସେତେବେଳେ ସେ ଆଜମଗଡର କୌଣସି ସିଟ୍ ବାଛିବେ ବୋଲି ଚର୍ଚ୍ଚା ହେଉଥିଲା । ଆଜମଗଡରୁ ସେ ଲୋକସଭା ନିର୍ବାଚନ ମଧ୍ୟ ଜିତିଥିଲେ । ତେବେ ସେ ମୈନପୁରୀର କରହଲରୁ ନିର୍ବାଚନ ଲଢିଥିଲେ ।
![Below Post Content](http://risingodisha.in/wp-content/uploads/2023/07/5ca1c8be182baca302722f4c96b37584.webp)