![Above Post Content](http://risingodisha.in/wp-content/uploads/2023/07/c3326471d6b687956600ca672258ba5b.webp)
ଆଇସିସି ଟି-୨୦ ବିଶ୍ୱକପ ୨୦୨୪ ର ଆଉ ଏକ ରୋମାଞ୍ଚକର ସେମିଫାଇନାଲ ମୁକାବିଲା ଭାରତ ଏବଂ ଇଂଲଣ୍ଡ ଆଜି ପ୍ରୋଭିଡେନ୍ସ ଗୁଇନାରେ ଭାରତୀୟ ସମୟ ଅନୁସାରେ ସନ୍ଧ୍ୟା ୮ ଟା ସମୟରେ ଖେଳାଯିବା ନେଇ ସ୍ଥିରହୋଇଥିଲା । କିନ୍ତୁ ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ଭାରତ ବିନା ସେମିଫାଇନାଲ ଖେଳି ସିଧାସଳଖ ଫାଇନାଲ ଟିକେଟ ପାଇପାରେ ବୋଲି ପୂର୍ବାନୁମାନ କରାଯାଇଛି । ପ୍ରବଳ ବର୍ଷା ଏବଂ ଦିନରେ ସମ୍ଭାବ୍ୟ ବଜ୍ରପାତ ହେତୁ ବ୍ଲକବଷ୍ଟର ମ୍ୟାଚ୍ ଧୋଇଯିବାର ସମ୍ଭାବନା ରହିଛି |
ସର୍ବଶେଷ ପାଣିପାଗ ଅପଡେଟ :
![After 2nd paragraph post ads](http://risingodisha.in/wp-content/uploads/2023/08/728.jpg)
ଗୁଇନାରେ ଆଗାମୀ କିଛି ଦିନ ପାଇଁ ପାଣିପାଗ ପୂର୍ବାନୁମାନ ବହୁତ ଖରାପ ଅଟେ । ଜୁନ୍ ୨୭ ପାଣିପାଗ ପୂର୍ବାନୁମାନ ଅନୁଯାୟୀ, ସକାଳେ ବର୍ଷା ଏବଂ ଅପରାହ୍ନରେ ବଜ୍ରପାତ ହେବ । ଏହି ଅବଧିରେ ଘଣ୍ଟା ପ୍ରତି ୧୦ ରୁ ୧୫ ମାଇଲ ବେଗରେ ଉତ୍ତର-ପୂର୍ବ ଦିଗରେ ପବନ ବହିବ ।ଆର୍ଦ୍ରତା ସ୍ତର ୮୧ % ହେବାର ଆଶଙ୍କା ରହିଛି । ଏବେ ଗୁଇନାରେ ବର୍ଷା ଲାଗିରହିଥିବା ନେଇ ସୂଚନା ମିଳିଛି ।
![Middle post content](http://risingodisha.in/wp-content/uploads/2023/08/website-1-e1691833471554.jpg)
ଭାରତ ବନାମ ଇଂଲଣ୍ଡ ସେମିଫାଇନାଲରେ କୌଣସି ରିଜର୍ଭ ଦିନ ନାହିଁ ?
ଭାରତ ଏବଂ ଇଂଲଣ୍ଡ ମଧ୍ୟରେ ମ୍ୟାଚ୍ ପାଇଁ କୌଣସି ରିଜର୍ଭ ଦିନ ନାହିଁ । ମୋଟ ୨୫୦ ମିନିଟରେ ସେମିଫାଇନାଲରେ ମ୍ୟାଚ୍ ସମାପ୍ତ କରିବାକୁ ଅତିରିକ୍ତ ସମୟ ଯୋଗ କରାଯିବ । ପ୍ରଥମ ସେମିଫାଇନାଲ ପାଇଁ ଦିନର ଖେଳ ଶେଷରେ ୬୦ ମିନିଟ୍ ଉପଲବ୍ଧ ଥିବାବେଳେ ଅବଶିଷ୍ଟ ସମୟ ମଧ୍ୟ ଯୋଗ କରାଯାଇଛି ନିର୍ଦ୍ଧାରିତ ସମୟରେ ବର୍ଷା ନଛାଡିଲେ ଏହି ମ୍ୟାଚ ବାତିଲ ହେବାନେଇ ସୂଚନା ମିଳିଛି ।
ଯଦି ଭାରତ-ଇଂଲଣ୍ଡ ମ୍ୟାଚ୍ ବାତିଲ ହୁଏ ତେବେ କ’ଣ ହେବ ?
ପ୍ରବଳ ବର୍ଷା ହେବାର ସମ୍ଭାବନା ଥିବାରୁ ପ୍ରଶଂସକଙ୍କ ମନରେ ପ୍ରଶ୍ନ ହେଉଛି ଯଦି ବର୍ଷା ଯୋଗୁଁ ଭାରତ ବନାମ ଇଂଲଣ୍ଡ ମ୍ୟାଚ୍ ଧୋଇଯାଏ, ତେବେ ଫାଇନାଲରେ କିଏ ପହଞ୍ଚିବ? ଯଦି ଭାରତ ବନାମ ଇଂଲଣ୍ଡର ଦ୍ୱିତୀୟ ସେମିଫାଇନାଲକୁ କୌଣସି ଫଳାଫଳ ବିନା ବାତିଲ କରାଯାଏ, ତେବେ ଭାରତ ସେମାନଙ୍କ ସୁପର ୮ ଗ୍ରୁପରେ ଗ୍ରୁପ୍ ଟପ୍ପର ଆଧାରରେ ଫାଇନାଲରେ ପହଞ୍ଚିବ। ତେଣୁ ଭାରତ ଫାଇନାଲ ଟିକେଟ ହାତେଇବା ପୂର୍ବାନୁମାନ କରିଛନ୍ତି କ୍ରୀଡା ବିଶେଷଜ୍ଞ ।
![Below Post Content](http://risingodisha.in/wp-content/uploads/2023/07/5ca1c8be182baca302722f4c96b37584.webp)