ନୂଆଦିଲ୍ଲୀ: ଏଣିକି ବିଦ୍ୟାଳୟରେ ପିଲା ପଢିବେ ରାମାୟଣ ଓ ମହାଭାରତ । ନ୍ୟାସନାଲ କାଉନସିଲ୍ ଅଫ୍ ଏଜୁକେସନାଲ୍ ରିସର୍ଚ୍ଚ ଆଣ୍ଡ ଟ୍ରେନିଂ (ଏନସିଆରଟି) ର ଏକ ଉଚ୍ଚ ସ୍ତରୀୟ କମିଟି ରାମାୟଣ ଏବଂ ମହାଭାରତକୁ ବିଦ୍ୟାଳୟ ପାଠ୍ୟ ପୁସ୍ତକରେ ଶିକ୍ଷା ଦେବାକୁ ପରାମର୍ଶ ଦେଇଛି । ଶ୍ରେଣୀଗୃହର କାନ୍ଥରେ ସମ୍ବିଧାନର ଅନୁଚ୍ଛେଦ ସ୍ଥାନୀୟ ଭାଷାରେ ଲେଖାଯିବା ଉଚିତ୍ ବୋଲି ପ୍ରସ୍ତାବ ମଧ୍ୟ ଦିଆଯାଇଛି ।
ସପ୍ତମରୁ ଦ୍ୱାଦଶ ଶ୍ରେଣୀର ପିଲାଙ୍କୁ ରାମାୟଣ,ମହାଭାରତ ଶିକ୍ଷା ଦେବା ଜରୁରୀ
‘ ଭାରତର ଶାସ୍ତ୍ରୀୟ କାଳ’ ଅଧୀନରେ ଇତିହାସ ପାଠ୍ୟକ୍ରମର ଏକ ଅଂଶ ଭାବରେ ରାମାୟଣ ଏବଂ ମହାଭାରତଙ୍କୁ ବିଦ୍ୟାଳୟରେ ଶିକ୍ଷା ଦିଆଯିବାକୁ କମିଟି ସୁପାରିଶ କରାଯାଇଛି । ବିଦ୍ୟାଳୟର ସାମାଜିକ ବିଜ୍ଞାନ ପାଠ୍ୟକ୍ରମର ପୁନଃ ବିଚାର ପାଇଁ ଗତ ବର୍ଷ ଗଠିତ ଏହି ସାତ ଜଣିଆ ପ୍ୟାନେଲ୍ ମଧ୍ୟ ଭାରତୀୟ ଜ୍ଞାନ ପ୍ରଣାଳୀ, ବେଦ ଏବଂ ଆୟୁର୍ବେଦକୁ ପାଠ୍ୟ ପୁସ୍ତକରେ ଅନ୍ତର୍ଭୁକ୍ତ କରିବାକୁ ପରାମର୍ଶ ଦେଇଥିଲା । ଏନସିଇଆରଟି ପ୍ୟାନେଲ ଜୋର ଦେଇଛି ଯେ ସପ୍ତମ ଶ୍ରେଣୀରୁ ଦ୍ୱାଦଶ ଶ୍ରେଣୀର ଛାତ୍ରମାନଙ୍କୁ ରାମାୟଣ ଏବଂ ମହାଭାରତ ଶିକ୍ଷା ଦେବା ଜରୁରୀ । ପ୍ୟାନେଲର ନେତୃତ୍ୱ ନେଉଥିବା ଅବସରପ୍ରାପ୍ତ ଇତିହାସ ପ୍ରଫେସର ସି.ଇ ଇସାକ କହିଛନ୍ତି ଯେ ସାମାଜିକ ବିଜ୍ଞାନ ପାଠ୍ୟକ୍ରମରେ ଛାତ୍ରମାନଙ୍କୁ ରାମାୟଣ ଏବଂ ମହାଭାରତ ଭଳି ଉପନ୍ୟାସ ଶିକ୍ଷା ଉପରେ କମିଟି ଗୁରୁତ୍ୱାରୋପ କରିଛି ।
ପାଠ୍ୟ ପୁସ୍ତକଗୁଡ଼ିକରେ ରାଜବଂଶର କାହାଣୀ ଅନ୍ତର୍ଭୁକ୍ତ କରାଯିବା ଉଚିତ
ଆମେ ଭାବୁଛୁ କିଶୋର ଅବସ୍ଥାରେ ଛାତ୍ରମାନେ ନିଜ ଦେଶ ପାଇଁ ଆତ୍ମ ସମ୍ମାନ, ଦେଶପ୍ରେମ ଏବଂ ଗର୍ବ ସୃଷ୍ଟି କରନ୍ତି । ପ୍ରତିବର୍ଷ ହଜାର ହଜାର ଛାତ୍ର ଦେଶ ଛାଡି ଅନ୍ୟ ଦେଶରେ ନାଗରିକତ୍ୱ ଖୋଜନ୍ତି କାରଣ ସେମାନଙ୍କର ଦେଶପ୍ରେମର ଅଭାବ ରହିଛି । ତେଣୁ ସେମାନଙ୍କ ମୂଳ ବିଚାରଧାରା ଏବଂ ନିଜ ଦେଶ ତଥା ସଂସ୍କୃତି ପ୍ରତି ସମର୍ପଣ ବିକାଶ କରିବା ଗୁରୁତ୍ୱପୂର୍ଣ୍ଣ ବୋଲି କମିଟି ସଦସ୍ୟ ହୃଦବୋଧ କରିଛନ୍ତି । ପ୍ୟାନେଲ୍ ଆହୁରି ମଧ୍ୟ ପ୍ରସ୍ତାବ ଦେଇଛି ଯେ ପାଠ୍ୟ ପୁସ୍ତକଗୁଡ଼ିକରେ କେବଳ ଗୋଟିଏ କିମ୍ବା ଦୁଇଟି ପରିବର୍ତ୍ତେ ଭାରତକୁ ଶାସନ କରୁଥିବା ସମସ୍ତ ରାଜବଂଶ ଅନ୍ତର୍ଭୁକ୍ତ କରାଯିବା ଉଚିତ୍ । ପ୍ୟାନେଲର ସୁପାରିଶକୁ ବର୍ତ୍ତମାନ ୧୯ ସଦସ୍ୟ ବିଶିଷ୍ଟ ଜାତୀୟ ପାଠ୍ୟକ୍ରମ ଏବଂ ଶିକ୍ଷାଦାନ ସାମଗ୍ରୀ କମିଟି ଦ୍ୱାରା ବିଚାର କରାଯିବ । ଯାହା ପାଠ୍ୟକ୍ରମ, ପାଠ୍ୟପୁସ୍ତକ ଏବଂ ଶିକ୍ଷାଦାନ ସାମଗ୍ରୀ ଚୂଡ଼ାନ୍ତ କରିବାକୁ ପୂର୍ବରୁ ସୂଚିତ କରାଯାଇଥିଲା ।
