ବଢୁଥିବା ଜନସଂଖ୍ୟାକୁ ନେଇ ଦେଶରେ ଧୀରେ ଧୀରେ ଚିନ୍ତାଜନକ ସ୍ଥିତି ଉପୁଜିବାକୁ ଯାଉଥିବା ବେଳେ ତାହା ଭିତରେ ଆଉ ଏକ ବଡ ସମସ୍ୟା ହେଲା ଲିଂଗଗତ ବ୍ୟବଧାନ । ପୁରୁଷଙ୍କ ତୁଳନାରେ କମୁଛି ମହିଳାଙ୍କ ସଂଖ୍ୟା । ପ୍ରତି ୧୦୦୦ ପୁରୁଷ ଙ୍କ ତୁଳନାରେ ମହିଳାଙ୍କ ସଂଖ୍ୟା ୯୫୦ରୁ କମ । ଏବେ ବିବାହ କରିବାକୁ ପୁଅମାନଙ୍କୁ ଝିଅ ମିଳିବା ବି କଷ୍ଟକର ହୋଇପଡ଼ିଲାଣି । ନିଜ ମନପସନ୍ଦର ଜୀବନସାଥୀଟିଏ ଖୋଜି ଖୋଜି ଅନେକ ପୁଅ ଅବିବାହିତ ରହି ଯାଉଛନ୍ତି । କିନ୍ତୁ ଏଭଳି ସ୍ଥିତିରେ ସୋସିଆଲ ମିଡ଼ିଆରେ ଏକ ଭିଡିଓ ଖୁବ ଭାଇରାଲ ହେଉଛି, ଯେଉଁଥିରେ ଜଣେ ଯୁବକ ଏକାଥରକେ ୪ଜଣ ଯୁବତୀଙ୍କୁ ବିବାହ କରୁଥିବା ଦେଖିବାକୁ ମିଳିଛି ।
ଏବେ ହସୁଛ ପରେ କାନ୍ଦିବ ବୋଲି ଲୋକେ ଦେଲେ ମତ
ଭାରତରେ ଏବେ ବିବାହ ଋତୁ ଆରମ୍ଭ ହୋଇଛି । ପ୍ରତି ଦିନ ହଜାର ହଜାର ବିବାହ ହେଉଛି । ସୋସିଆଲ ମିଡିଆରେ ମଧ୍ୟ କିଛି ବିବାହର ଝଲକ ଦେଖିବାକୁ ମିଳୁଛି । ଏହି କ୍ରମରେ ଏଭଳି ଏକ ଭିଡିଓ ଭାଇରାଲ ହେଉଛି, ଯାହା ଅବିବାହିତ ଯୁବକଙ୍କ ହୃଦୟ ଭାଙ୍ଗିଛି । କାରଣ ଗୋଟିଏ ଝିଅ ବିବାହ ପାଇଁ ମିଳୁ ନ ଥିବା ସମୟରେ ଜଣେ ପୁଅ ଏକାସାଙ୍ଗରେ ଚାରିଜଣ ଝିଅଙ୍କୁ ବିବାହ କରୁଛନ୍ତି । ଭାଇରାଲ ଭିଡ଼ିଓରେ ଦେଖିବାକୁ ମିଳିଛି ଯେ, ଜଣେ ଯୁବକଙ୍କ ବିବାହ ପାଇଁ ମଣ୍ଡପରେ ଆୟୋଜନ କରାଯାଇଛି । ଯୁବକ ଜଣକ ବର ବେଶରେ ସଜ୍ଜେଇ ହୋଇଥିବା ବେଳେ ଯୁବତୀମାନେ ମଧ୍ୟ କନିଆ ବେଶରେ ସଜ୍ଜେଇ ହୋଇ ମଣ୍ଡପରେ ପହଞ୍ଚିଛନ୍ତି । ଯୁବକ ଜଣକ‘ସାତ ଫେରା’ ନେଉଛନ୍ତି । ତେବେ ସେ ଗୋଟିଏ କି ଦୁଇଜଣ ନୁହନ୍ତି ଚାରିଜଣ ଯୁବତୀଙ୍କ ସହ ମଣ୍ଡପରେ ବିବାହ କରୁଛନ୍ତି । ଏହି ଭିଡ଼ିଓ ଦେଖିବା ପରେ ଲୋକେ ଭିନ୍ନ ଭିନ୍ନ ମତ ଦେଇଛନ୍ତି । କେହି କେହି ଏବେ ହସୁଛ ପରେ କାନ୍ଦିବ ବୋଲି କହିଛନ୍ତି । ଆଉ କିଛି କହିଛନ୍ତି ଯେ, ସୋସିଆଲ ମିଡ଼ିଆରେ ପରିଚିତ ହେବା ପାଇଁ ସେମାନେ ଏପରି କରିଥିବା ମତ ଦେଇଛନ୍ତି ।
