ମା’ ଦୁର୍ଗାଙ୍କ ପୂଜା ପାଇଁ ଗାଁଠୁ ସହର ଉତ୍ସବ ମୁଖରିତ । ସାରା ରାଜ୍ୟର ବିଭିନ୍ନ ସ୍ଥାନରେ ପ୍ରତିଟି ପୂଜା ମଣ୍ଡପରେ ଆକର୍ଷଣୀୟ ସୁଉଚ୍ଚ ତୋରଣ ଭିତରେ ଶୋଭା ପାଉଛି ମା’ଙ୍କ ମୃଣ୍ମୟୀ ମୂର୍ତ୍ତି । ରାସ୍ତାଘାଟ,ଦୋକାନ ବଜାର ରଙ୍ଗବେରଙ୍ଗର ଆଲୋକମାଳାରେ ଝଲସୁଛି । ଏସବୁ ଭିତରେ ବର୍ତ୍ତମାନ ଅଧିକାଂଶ ଯୁବପିଢ଼ିଙ୍କ ପାଇଁ ଅନ୍ୟତମ ମୁଖ୍ୟ ଆକର୍ଷଣ ପାଲଟିଛି ଦାଣ୍ଡିଆ ନୃତ୍ୟ । ତେବେ ଏହି ପରମ୍ପରାକୁ ନିଆରା ଢଙ୍ଗରେ ଜଣେ ନୃତ୍ୟଶିଳ୍ପୀ ଗରବା କଳାକୁ ପାଣି ଭିତରେ କରି ଚର୍ଚ୍ଚାକୁ ଆସିଛନ୍ତି । ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି ।
ସବୁଆଡ଼େ ଦାଣ୍ଡିଆର କ୍ରେଜ୍
ସାରା ଦେଶରେ ନବରାତ୍ରି ଉତ୍ସବର ଉତ୍ସାହ ଭରି ରହିଥିବା ବେଳେ ବିଶେଷ କରି ଜୀବନ୍ତ ଧୂନ ସହିତ ଗରବା ଓ ଦାଣ୍ଡିଆ ନୃତ୍ୟର ତାଳେ ତାଳେ ନୃତ୍ୟଶିଳ୍ପୀମାନଙ୍କ ପ୍ରଦର୍ଶନ ସମଗ୍ର ପରିବେଶକୁ ଜୀବନ୍ତ କରି ପକାଇଛି । ତେବେ ଏହି ପାରମ୍ପରିକ ଉତ୍ସବର ମଧ୍ୟଭାଗରେ ଏକ ଅନନ୍ୟ ପ୍ରଦର୍ଶନ ଦେଶର କୋଣ ଅନୁକୋଣରୁ ସାମାଜିକ ଗଣମାଧ୍ୟମ ବ୍ୟବହାରକାରୀଙ୍କ ହୃଦୟ ଓ କଳ୍ପନାକୁ ବିମୋହିତ କରିଛି । ନବରାତ୍ରି ଏକ ପାରମ୍ପରିକ ଉତ୍ସାହପୂର୍ଣ୍ଣ ଉତ୍ସବ ଯାହା କଠିନ ଭୂମି ଉପରେ ପରିବେଷଣ କରାଯାଇଥାଏ ।
ନୃତ୍ୟ ପ୍ରତି ଉତ୍ସର୍ଗୀକୃତ ମନୋଭାବ
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଜଣେ ବ୍ୟକ୍ତି ଜଳର ପୃଷ୍ଠତଳେ ବୁଡ଼ି ରହି ପାରମ୍ପରିକ ଗରବା ନୃତ୍ୟ ପରିବେଷଣ କରୁଛନ୍ତିି । ଲାଗୁଛି, ଏଥିରେ ଅଭିନୟ କରୁଥିବା ସଂପୃକ୍ତ ବ୍ୟକ୍ତି ଜଣକ ନିଜ କଳାର ଶ୍ରେଷ୍ଠତ୍ୱ ପ୍ରଦର୍ଶନ ପାଇଁ ଖୁବ୍ ପରିଶ୍ରମ ଓ ଅଭ୍ୟାସ କରିଛନ୍ତି ନିଶ୍ଚୟ । ପାଣି ଭିତରେ ତାଙ୍କ ନୃତ୍ୟର ଛନ୍ଦ ଦ୍ୱାରା କଳା ପ୍ରତି ରହିଥିବା ତାଙ୍କ ଉତ୍ସର୍ଗୀକୃତ ମନୋଭାବ ସ୍ପଷ୍ଟ ବାରି ହୋଇପଡୁଛି । ଏହି ଜଳଭିତର ଗରବା ନୃତ୍ୟ ଉତ୍ସବରେ ଏକ ନୂଆ ଖୁସିର ସ୍ତର ଯୋଡ଼ିଦେଇଛି ।
ପ୍ରଶଂସା ସାଉଁଟୁଛନ୍ତି ଜୟଦୀପ
ସଂପୃକ୍ତ ନୃତ୍ୟଶିଳ୍ପୀ ଜଣକ ହେଉଛନ୍ତି ଜୟଦୀପ ଗୋହିଲ । ନିଜ ଇନ୍ଷ୍ଟାଗ୍ରାମ ପୃଷ୍ଠାରେ ସେ ଗର୍ବର ସହ ନିଜକୁ ଭାରତର ପ୍ରଥମ ପାଣି ଭିତର ନୃତ୍ୟଶିଳ୍ପୀ ବୋଲି ଦାବି କରିଛନ୍ତି । ଏହି ଭିଡିଓକୁ ପ୍ରଶଂସାର ସୁଅ ଛୁଟିବା ସହ ତାହା ପ୍ରତିଭାବାନ ଜୟଦୀପଙ୍କର ଅନନ୍ୟ ପ୍ରଦର୍ଶନ ସହ ମଧ୍ୟ ଯୋଡ଼ି ହୋଇଯାଇଛି । ସେ ସେୟାର କରିଥିବା ତାଙ୍କର ପୂର୍ବ ଭିଡିଓଗୁଡ଼ିକରେ ମଧ୍ୟ ସେ କ୍ରମାଗତ ଭାବେ ଦର୍ଶକଙ୍କ ହୃଦୟ ଓ ପ୍ରଶଂସା ଜିଣିପାରିଛି ।
