ନୂଆଦିଲ୍ଲୀ : ଏକ୍ସପ୍ରେସ୍ ଟ୍ରେନରେ ରହିବନି ସାଧାରଣ ବଗି । ଆଗକୁ ମହଙ୍ଗା ହେବ ରେଳ ଯାତ୍ରା । କାରଣ ଏଣିକି ଟ୍ରେନରେ ଜେନେରାଲ ବଗି ଓ ସ୍ଲିପର୍ କୋଚ୍ ବଦଳରେ ଲାଗିବ ଏସି କୋଚ୍ । ଆସନ୍ତା ୨ ବର୍ଷ ଭିତରେ କେତେକ ପାସେଞ୍ଜର ଟ୍ରେନ୍ ବ୍ୟତୀତ ସମସ୍ତ ଏକ୍ସପ୍ରେସ୍ ଟ୍ରେନ୍ରେ ଏହି ବ୍ୟବସ୍ଥା ଲାଗୁ କରିବା ନେଇ ଯୋଜନା ରହିଛି । ଟ୍ରେନରୁ ସାଧାରଣ ବଗି ହଟିଲେ ଯାତ୍ରୀ ଘୋର ଅସୁବିଧାର ସମ୍ମୁଖୀନ ହେବେ ।
ଯାତ୍ରୀ ହେଉ ନ ଥିବା ଏକ୍ସପ୍ରେସ୍ ଟ୍ରେନରୁ ହଟିବ ସାଧାରଣ ବଗି
ଅପରପକ୍ଷେ ପ୍ଲାଟଫର୍ମ ଟିକେଟ୍ ଓ ଖାଦ୍ୟ ଦର ବୃଦ୍ଧି ରେଳ ଯାତ୍ରାକୁ ଆହୁରି ମହଙ୍ଗା କରିପକାଇଛି । ଏକ୍ସପ୍ରେସ୍ ଟ୍ରେନରେ ଜେନେରାଲ୍ ବଗି ହଟାଯାଇ କେବଳ ଏସି କୋଚ୍ ରହିବ । ଆବଶ୍ୟକ ଯାତ୍ରୀ ହେଉ ନ ଥିବା ଏକ୍ସପ୍ରେସ୍ ଟ୍ରେନରୁ ରେଳବାଇ ସାଧାରଣ ବଗି ହଟାଇଦେବ । ଏ ନେଇ ରେଳ ବୋର୍ଡ ପକ୍ଷରୁ ନିଷ୍ପତ୍ତି ନିଆଯାଇଛି । ଏଥିପାଇଁ ଏକ୍ସପ୍ରେସ୍ ଟ୍ରେନ୍ରୁ ସାଧାରଣ ବଗି ଓ ସ୍ଲିପର୍ କୋଚ୍ ଉଠାଇଦେବାକୁ ୨୦୨୦ରେ ବୋର୍ଡ ସରକାରଙ୍କୁ ସୁପାରିସ କରିଥିଲା । ବୋର୍ଡର ସୁପାରିସ କ୍ରମେ ରେଳବାଇ ଧୀରେ ଧୀରେ ସାଧାରଣ ବଗି ସଂଖ୍ୟା କମାଇଚାଲିଛି । ସାଧାରଣ ବଗିର ଉତ୍ପାଦନ କମାଇଦେବାକୁ ଇତିମଧ୍ୟରେ ରେଳ ଡବା କାରଖାନାଗୁଡିକୁ ନିର୍ଦ୍ଦେଶ ଦିଆଯାଇଛି । ଏସବୁର ମୁଖ୍ୟ କାରଣ ହେଉଛି ରେଳ ପରିଚାଳନା ଦାୟିତ୍ୱ କର୍ପୋରେଟ୍ ସଂସ୍ଥାକୁ ମିଳିବା । ଏହାପରଠାରୁ ଏଭଳି ପରିବର୍ତ୍ତନ କରାଯାଉଥିବା କୁହାଯାଉଛି । ଭାରତୀୟ ରେଳକୁ ଲୋକଙ୍କ ଜୀବନ ରେଖା କୁହାଯାଏ । ବର୍ତ୍ତମାନ ଜଣେ ଗରିବ ଲୋକ ଦୂର ସ୍ଥାନକୁ କମ୍ ଖର୍ଚ୍ଚ ଯିବା ଆଉ ସମ୍ଭବ ହେବନାହିଁ ।
