ମୁମ୍ବାଇ: ଭାଇରାଲ ହେଉଛି କ୍ୟାଟ୍ରିନାଙ୍କ ଅଶ୍ଲୀଳ ଭିଡିଓ । ଟେକ୍ନୋଲୋଜିର ଦୂରପବ୍ୟବହାର ଦ୍ୱାରା ତିଆରି ହେଉଛି ଅଶ୍ଲୀଳ ଫଟୋ । ବର୍ତ୍ତମାନ ଏଭଳି ଏକ ନିନ୍ଦନୀୟ ଘଟଣାର ଶୀକାର ହୋଇଛନ୍ତି କ୍ୟାଟ୍ରିନା । ସାଉଥ ଅଭିନେତ୍ରୀ ରଶ୍ମିକା ମନ୍ଦନାଙ୍କ ପରେ ବର୍ତ୍ତମାନ ଡିପଫେକ ଜାଲରେ ଫସିଲେ ବଲିଉଡ ଅଭିନେତ୍ରୀ କ୍ୟାଟ୍ରିନା କୈଫ । ଶୁକ୍ରବାର ଏକ ଫଟୋ ଭାଇରାଲ ହୋଇଥିଲା, ଯେଉଁଥିରେ ଜଣେ ଯୁବତୀଙ୍କ ଭିଡିଓରେ ଅଭିନେତ୍ରୀ ରଶ୍ମିକାଙ୍କ ମୁହଁ ଲଗାଯାଇ ଏହାକୁ ସେୟାର କରାଯାଇଥିଲା । ଭିଡିଓ ଦେଖିଲେ ଏହା ଅସଲି କି ନକଲି ବୋଲି ଜାଣିବା କଷ୍ଟକର ହୋଇପଡ଼ିଥିଲା । ରଶ୍ମିକାଙ୍କ ଏଭଳି ଭିଡିଓ ଦେଖି ତାଙ୍କ ପ୍ରଶଂସକ ଆଶ୍ଚର୍ଯ୍ୟ ହୋଇଯାଇଥିଲେ । ହେଲେ ପରେ ଡିପଫେକ ଟେକ୍ନୋଲୋଜି ମାଧ୍ୟମରେ ଭିଡିଓ ଏଡିଟ ହୋଇଥିବା ସାମ୍ନାକୁ ଆସିଥିଲା ।
କ୍ୟାଟ୍ରିନା ହେଲେ ଡିପଫେକର ଶିକାର
ଏବେ ଏହାର ଶିକାର ହୋଇଛନ୍ତି କ୍ୟାଟ୍ରିନା । ଆଗାମୀ ଫିଲ୍ମ ‘ଟାଇଗର-୩’ରେ କ୍ୟାଟ୍ରିନା ଟାୱେଲ ପିନ୍ଧି ଫାଇଟିଂ କରୁଥିବାର ନଜର ଆସିବେ । ଏବେ କ୍ୟାଟ୍ରିନାଙ୍କ ଟାୱେଲ ପିନ୍ଧା ଫଟୋକୁ ଏଡିଟ୍ କରି ଅଶ୍ଲୀଳ କରାଯାଇଥିବା ଜଣାଯାଇଛି । ଡିପଫେକ ଟେକ୍ନୋଲୋଜିର ସାହାଯ୍ୟରେ କେହି ଜଣେ କ୍ୟାଟ୍ରିନାଙ୍କ ଫଟୋ ଏଡିଟ୍ କରି ତାଙ୍କୁ ବିକିନି ପିନ୍ଧାଇଛି । ବର୍ତ୍ତମାନ ଅଭିନେତ୍ରୀଙ୍କ ଏହି ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଏହା ପୂର୍ବରୁ ରଶ୍ମିକାଙ୍କ ଏଡିଟେଡ ଭିଡିଓ ଭାଇରାଲ ହୋଇଥିବା ବେଳେ କାର୍ଯ୍ୟାନୁଷ୍ଠାନ ଦାବି କରିଥିଲେ ବିଗ୍ ବି ଅମିତାଭ ବଚ୍ଚନ । ନିଜର ଏଭଳି ଭିଡିଓ ଭାଇରାଲ ହେବା ଦେଖି ରଶ୍ମିକା କହିଛନ୍ତି, ‘‘ବାସ୍ତବରେ ଏହା ଏକ ଭୟାବହ ଘଟଣା । ଏହାକୁ ଦେଖି ମୋତେ ଭୟ ଲାଗୁଛି । ଯଦି ମୋ ସହ ଏହା ସ୍କୁଲ କି କଲେଜ ଦିନରେ ଘଟିଥାଆନ୍ତା ତେବେ ଏହାର କେମିତି ସାମ୍ନା କରିଥାଆନ୍ତି ମୁଁ ଜାଣି ନାହିଁ । ହେଲେ ଏବେ ମୁଁ ପରିସ୍ଥିତି ଓ ଘଟଣାକୁ କେମିତି ଆୟତ୍ତ କରିବାକୁ ହେବ ତାହା ଭଲ ଭାବେ ଜାଣି ସାରିଲିଣି ।’’
