ଦୁନିଆରେ ପ୍ରାୟ ସବୁଦେଶରେ ପିଲାଙ୍କ ନାମ କୌଣସି ପ୍ରସିଦ୍ଧ ବ୍ୟକ୍ତିଙ୍କ ନାମରେ ରଖିବାର ଚଳନ ରହିଛି । କିନ୍ତୁ ୟୁରୋପରେ ଏମିତି ଗୋଟିଏ ଦେଶ ରହିଛି ଯେଉଁଠି ନିଜ ପିଲାଙ୍କ ନାମ କରଣ ପୂର୍ବରୁ ଅଭିଭାବକଙ୍କୁ ସରକାରଙ୍କଠାରୁ ଅନୁମତି ନେବାକୁ ପଡିଥାଏ । ଏହି ଦେଶର ନାମ ହେଉଛି ସ୍ୱିଡେନ । ସ୍ୱିଡେନର ସରକାର ନିକଟରେ ଏକ ଦମ୍ପତ୍ତିଙ୍କୁ ତାଙ୍କ ପୁଅର ନାମ ଭାଦିମିର ପୁତିନ ନରଖିବାକୁ କହିଛନ୍ତି । ସରକାର ଏହି ପିଲାର ଅଭିଭାବକଙ୍କୁ ପୁତିନ ବଦଳରେ ଅନ୍ୟ କୌଣସି ନାମ ରଖିବାକୁ କହିଛନ୍ତି ।
ଭ୍ଲାଦିମିର ପୁତିନ ନାମ ଉପରେ ପ୍ରତିବନ୍ଧକ
ରିପୋର୍ଟ ଅନୁସାରେ ସ୍ୱିଡେନ୍ ଟ୍ୟାକ୍ସ ଅଧିକାରୀ ପିଲାର ନାମ ଭ୍ଲାଦିମିର ପୁତିନ ନଦେବାକୁ ତା’ର ଅଭିଭାବକଙ୍କୁ କହିଛନ୍ତି । ମାତାପିତା ନିଜ ପୁଅର ନାମ ଭ୍ଲାଦିମିର ପୁତିନ ରଖିବା ପାଇଁ ଟ୍ୟାକ୍ସ ଏଜେନ୍ସିକୁ ପ୍ରସ୍ତାବ ଦେଇଥିଲେ । ସ୍ୱିସ୍ ଆଇନ୍ ଅନୁସାରେ ପିଲାର ନାମ ଯଦି ଆପତ୍ତିଜନକ ହୋଇଥାଏ କିମ୍ବା କୌଣସି ପ୍ରସିଦ୍ଧ ବ୍ୟକ୍ତିଙ୍କ ନାମ ଅନୁସାରେ ନାମକରଣ କରାଗଲେ ଯଦି ସେହି ବ୍ୟକ୍ତିଙ୍କ ପାଇଁ ଅସୁବିଧଜନକ ହେବାର ଆଶଙ୍କା ରହିଥାଏ ତେବେ ଏଭଳି ନାମକୁ ପ୍ରତିବନ୍ଧିତ କରାଯାଇଥାଏ । ଅର୍ଥାତ କୌଣସି ନାମ ଦେବା ପାଇଁ ଅଭିଭାବକଙ୍କୁ ଆଗୁଆ ଟ୍ୟାକ୍ସ ଏଜେନ୍ସିଠାରୁ ଅନୁମତି ନେବାକୁ ପଡିଥାଏ ।
ଆଉ ଗୋଟିଏ ନାମ ବାଛିବାକୁ ପରାମର୍ଶ
ସ୍ୱିସ୍ ଟ୍ୟାକ୍ସ ଏଜେନ୍ସି ଭ୍ଲାଦିମିର ପୁତିନ ନାମକୁ ବ୍ୟାନ୍ କରିବା ପାଇଁ ନିଜ ନିଷ୍ପତ୍ତିକୁ ନେଇ ଆଧିକାରିକ ଭାବେ କୌଣସି ପ୍ରତିକ୍ରିୟା ଦେଇ ନାହିଁ । ତେବେ ସୁଇସ୍ ପବ୍ଲିକ୍ ବ୍ରୋଡକାଷ୍ଟାର ଏସଆର ଅନୁସାରେ ଦକ୍ଷୀଣ ସ୍ୱିଡେନରେ ଏହି ପରିବାର ରହୁଛନ୍ତି । ପରିବାରକୁ ଅନ୍ୟ କୌଣସି ନାମ ବାଛିବାକୁ କୁହାଯାଇଛି ।
ଆଲ୍ଲା, ମାଇକେଲ ଜ୍ୟାକ୍ସନ ଭଳି ନାମ ଉପରେ ପ୍ରତିବନ୍ଧକ
ସୁଇସ୍ ସରକାର ପୂର୍ବରୁ ଆଲ୍ଲା, ଫୋର୍ଡ, ମାଇକେଲ ଜ୍ୟାକ୍ସନ, ପିଲ୍ଜନର, କ୍ୟୁ ଓ ଟୋକେନ୍ ଭଳି ନାମ ଉପରେ ପ୍ରତିବନ୍ଧକ ଲାଗୁ କରିଛନ୍ତି । ଯାହାର ଅର୍ଥ ହେଉଛି ଦେଶର କୌଣସି ବ୍ୟକ୍ତି ନିଜ ପିଲାଙ୍କ ନାମ ଏହି ନାମକୁ ଦେଇ ପାରିବେ ନାହିଁ ।
ସୁଇଡେନର ସବୁଠାରୁ ଲୋକପ୍ରିୟ ନାମ କ’ଣ ?
୨୦୧୯ରେ ସୁଇଡେନର ସବୁଠାରୁ ଲୋକପ୍ରିୟ ନାମ ତାଲିକାରେ ସଭା ଉପରେ ଥିଲା ଲୁକାସ । ଏହାପରେ ଲିୟାମ ଓ ୱିଲିୟମ ଥିଲା । ଅନ୍ୟପକ୍ଷରେ ଝିଅଙ୍କ ନାମ ଭିତରେ ଲୋକପ୍ରିୟ ଥିଲା ଏଲିସ, ଓଲଭିୟା ଓ ଏଷ୍ଟ୍ରିଡ୍ । ତେବେ ସ୍ୱିଡେନରେ ମାତାପିତା ନିଜ ପିଲାର ନାମ ଗୁଗଲ ରଖି ପାରିବେ ।
