![Above Post Content](http://risingodisha.in/wp-content/uploads/2023/07/c3326471d6b687956600ca672258ba5b.webp)
ଯାହାକୁ ଆମେ ଅଦରକାରୀ ଭାବି ରାସ୍ତାକଡ଼ର ଡଷ୍ଟବିନ୍ରେ ପକାଇ ଦେଉ କିମ୍ବା ବାହାରେ ଫିଙ୍ଗି ପରିବେଶକୁ ପ୍ରଦୂଷିତ କରି ଜୀବଜଗତ ପ୍ରତି ବିପଦ ସୃଷ୍ଟି କରୁ । ସେଇ ଅଦରକାରୀ ଜିନିଷକୁ ନେଇ ଆକର୍ଷଣୀୟ କଳାକୃତି କରି ଘରସଜ୍ଜା ସାମଗ୍ରୀରେ ବଦଳାଇ ଦେଉଥିବା ମଣିଷ ହେଉଛନ୍ତି ଶ୍ରୀଧର । ଫୁଲନଖରା ନାଗବାଲି ଅଂଚଳରେ ଶ୍ରୀଧର ଦାଶଙ୍କ ଘର । ଘରସଜ୍ଜା ପାଇଁ ବର୍ଜ୍ୟବସ୍ତୁକୁ ବ୍ୟବହାର କରି କେବଳ ସହରରେ ନୁହେଁ ବରଂ ଗାଁରେ ମଧ୍ୟ ନିଜର ଭିନ୍ନ ଏକ ପରିଚୟ ସୃଷ୍ଟି କରିପାରିଛନ୍ତି । ବିଦ୍ୟାଳୟରେ ପଢ଼ୁଥିବା ସମୟରୁ ହିଁ ତାଙ୍କୁ କିଛି ନା କିଛି ନୂଆ ଜିନିଷ କରିବା ପ୍ରତି ଆଗ୍ରହ ଥିଲା । ଦଶମ ଶ୍ରେଣୀରେ ପଢ଼ୁଥିବା ବେଳେ ନିଜ ବୁଦ୍ଧି ଖଟାଇ ମେଳାରେ ବିଭିନ୍ନ ସୃଜନଶୀଳତା ଲୋକଙ୍କୁ ଦେଖାଇପାରିଥିଲେ । ଏବେ ସେ ପୂର୍ବତଟ ରେଳବିଭାଗରେ କାର୍ଯ୍ୟରତ ।
![Middle post content](http://risingodisha.in/wp-content/uploads/2023/08/website-1-e1691833471554.jpg)
![sridhar dash, phulnakhara, creatives from waste material, artificial waterfall, east coast railway employee, best out of the waste](http://risingodisha.in/wp-content/uploads/2021/06/Phulnakhara-Sridhar-Dash-Creatives-from-Waste-Materials.jpg)
![After 2nd paragraph post ads](http://risingodisha.in/wp-content/uploads/2023/08/728.jpg)
ଶ୍ରୀବିହାରରେ ଝିଅ ଓ ପତ୍ନୀଙ୍କ ସହିତ ରହୁଛନ୍ତି । କାର୍ଯ୍ୟାଳୟ କାମ ଓ ପରିବାରର ସମସ୍ତ କାର୍ଯ୍ୟ ଶେଷ ପରେ ସେ ଏହି କାମରେ ଲାଗିପଡନ୍ତି । ପତ୍ନୀଙ୍କ ସହିତ ଥରେ ମେଳା ବୁଲିବାକୁ ଯାଇଥିବାବେଳେ ସେଠାରେ ଏକ କୃତ୍ରିମ ଜଳପ୍ରପାତ ଦେଖି ପତ୍ନୀ କିଣିବାକୁ କହିଥିଲେ । ହେଲେ ଦୋକାନୀ ତାକୁ ୯୦ ହଜାର ଟଙ୍କା କହିଥିଲା । ଏହି ସମୟରେ ନିଜ ପତ୍ନୀଙ୍କୁ ଗୋଟିଏ ସୁନ୍ଦର କୃତିମ ଜଳପ୍ରପାତ ପ୍ରସ୍ତୁତ କରି ଉପହାର ଦେବାକୁ ଚିନ୍ତା କରିଥିଲେ ଶ୍ରୀଧର । ସେବେଠାରୁ ନିଜ ଘରେ ଥିବା ବିଭିନ୍ନ ପ୍ରକାର ଆବର୍ଜନାକୁ ରଖିବା ଆରମ୍ଭ କରିଥିଲେ । ପରେ ଭଙ୍ଗା ଟାଇଲ, ସୋଲକୁ ବ୍ୟବହର କରି ଜଳ ପ୍ରପାତ ତିଆରି କରିଥିଲେ । ଦାଣ୍ଡ ଦୁଆରଠାରୁ ଘର ଭିତର ପର୍ଯ୍ୟନ୍ତ ସବୁଠି ସେ ନିଜ କଳାର ପ୍ରତିଭାକୁ ଦେଖାଇଛନ୍ତି । ଝିଅର ପାଠପଢ଼ା ଘରଠାରୁ ଆରମ୍ଭ କରି ଠାକୁର ଘର ପର୍ଯ୍ୟନ୍ତ ସବୁ ଜିନିଷକୁ ନୂଆ କରି ତଆରି କରିଛନ୍ତି । ଏହାକୁ ଦେଖିଲେ କେହି କହିବେନି ଯେ ଏହା ବର୍ଜ୍ୟରେ ତିଆରି ହୋଇଛି । ଶ୍ରୀଧର କହନ୍ତି, ଛୋଟ ବେଳୁ ନୂଆ ଜିନିଷ ତିଆରି କରିବା ପ୍ରତି ଆଗ୍ରହ ରହିଛି । ଘରୁ ବାହାରୁ ଥିବା ଥର୍ମକୁଲ ପ୍ଲେଟ୍, ସୋଲ, ଟିଣ, ତାର ଓ ପାଇପ୍କୁ ବ୍ୟବହାର କରି ନୂଆ ଜିନିଷ ତିଆରି କରୁଛି । ଘର ସାଜସଜ୍ଜା ପାଇଁ ସମସ୍ତେ ଅଦରକାରୀ ଜିନିଷକୁ ବ୍ୟବହାର କରନ୍ତୁ । ତାଲାବନ୍ଦ ସମୟରେ ନିଜର ସମୟ ନଷ୍ଟ ନ କରି ଏଭଳି ନିଆରା ଜିନିଷ ତିଆରି କରିବାକୁ ପରାମର୍ଶ ଦେଇଛନ୍ତି ଶ୍ରୀଧର ।
![Below Post Content](http://risingodisha.in/wp-content/uploads/2023/07/5ca1c8be182baca302722f4c96b37584.webp)