![Above Post Content](https://risingodisha.in/wp-content/uploads/2023/07/c3326471d6b687956600ca672258ba5b.webp)
ନୂଆଦିଲ୍ଲୀ: ପ୍ରଥମ ରାଉଣ୍ଡରେ ପଛୁଆ ରହିଛନ୍ତି ବିଜେପିର ଲୋକସଭା ପାର୍ଥୀ ସ୍ମୃତି ଇରାନୀ । କଂଗ୍ରେସ ପ୍ରାର୍ଥୀ କିଶୋରୀ ଲାଲ ଶର୍ମା ଆଗରେ ଥିବା ଜଣାଯାଇଛି । ଲୋକସଭା ନିର୍ବାଚନରେ ୟୁପିର ଅମେଠିରୁ ସ୍ମୃତି ଇରାନୀଙ୍କୁ ପ୍ରାର୍ଥୀ କରିଥିଲା ବିଜେପି । ଏହି ଆସନରେ କଂଗ୍ରେସ କିଶୋରୀ ଲାଲ ଶର୍ମାଙ୍କୁ ତାଙ୍କ ବିରୋଧରେ ପ୍ରାର୍ଥୀ କରିଥିଲା । ଏବେ ପ୍ରଥମ ରାଉଣ୍ଡରେ କିଶୋରୀ ଲାଲ ସ୍ମୃତି ଇରାନୀଙ୍କଠାରୁ ଆଗରେ ରହିଥିବା ଜଣାପଡ଼ିଛି ।
![Middle post content](https://risingodisha.in/wp-content/uploads/2023/08/website-1-e1691833471554.jpg)
ଆଗରେ କଂଗ୍ରେସ ପ୍ରାର୍ଥୀ କିଶୋରୀ ଲାଲ ଶର୍ମା
![After 2nd paragraph post ads](https://risingodisha.in/wp-content/uploads/2023/08/728.jpg)
ଖବରଲେଖାଯିବା ବେଳକୁ କିଶୋରୀ ଲାଲ ଶର୍ମା ସ୍ମୃତି ଇରାନୀଙ୍କଠାରୁ ୧୩ ହଜାର ୯୫୪ଭୋଟରେ ଆଗୁଆ ଅଛନ୍ତି । କିଶୋରୀ ଲାଲ ଶର୍ମା ଏପର୍ଯ୍ୟନ୍ତ ୪୩ହଜାର ୭୬ଭୋଟ୍ ପାଇଥିବା ବେଳେ ସ୍ମୃତି ଇରାନୀ ୨୯ହଜାର ୧୨୨ଭୋଟ ପାଇଛନ୍ତି । ସ୍ମୃତିଙ୍କଠାରୁ ବିଜେପି ବିଜୟ ଆଶା ରଖିଥିବା ବେଳେ ଏଥର ସେ ଦଳକୁ ନିରାଶ କରିପାରନ୍ତି ବୋଲି ପ୍ରଥମ ରାଉଣ୍ଡ ଦେଖି ଆଶଙ୍କା କରାଯାଉଛି । ଆଗକୁ ଅନେକ ରାଉଣ୍ଡ ଗଣତି ବାକି ଥିବା ବେଳେ କିଛି ଘଣ୍ଟା ପରେ ବାଜି ଓଲଟିପାରେ ବୋଲି ସ୍ମୃତି ଆଶା ରଖିଛନ୍ତି । ଉତ୍ତରପ୍ରଦେଶର ୮୦ଟି ଲୋକସଭା ଆସନ ପାଇଁ ୭ଟି ପର୍ଯ୍ୟାୟରେ ମତଦାନ ଅନୁଷ୍ଠିତ ହୋଇଥିଲା । ଏଥର ସମାଜବାଦୀ ପାର୍ଟି ଏବଂ କଂଗ୍ରେସ ଏକାଠି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ । ଅନ୍ୟପକ୍ଷରେ ବିଜେପି ଏନଡିଏରେ ଛୋଟ ଛୋଟ ଦଳକୁ ଅନ୍ତର୍ଭୁକ୍ତ କରିଥିଲା । ଲୋକସଭା ନିର୍ବାଚନ ପୂର୍ବରୁ ଅପନା ଦଳ (ଏସ), ସୁଭାସପା, ନିଶାଦ ପାର୍ଟି ଏବଂ ରାଷ୍ଟ୍ରୀୟ ଲୋକ ଦଳ ଏନଡିଏରେ ସାମିଲ ହୋଇଥିଲେ ।
![Below Post Content](https://risingodisha.in/wp-content/uploads/2023/07/5ca1c8be182baca302722f4c96b37584.webp)