ଚେନ୍ନାଇ: ଚଳିତ ଥର ଲୋକସଭା ନିର୍ବାଚନ ଲଢିବେ କୁଖ୍ୟାତ ଚନ୍ଦନ ଦସ୍ୟୁ ବୀରାପ୍ପାନଙ୍କ ଝିଅ ବିଦ୍ୟା ରାନୀ । ଏପ୍ରିଲ ୧୯ରେ ତାମିଲନାଡୁରେ ଅନୁଷ୍ଠିତ ହେବାକୁ ଥିବା ଲୋକସଭା ନିର୍ବାଚନରେ ନିଜ ଭାଗ୍ୟ ପରୀକ୍ଷା କରିବେ । ସେ ତାମିଲ ନ୍ୟାସନାଲିଷ୍ଟ ପାର୍ଟି ଅଫ୍ ନାମ ତାମିଝାର କାଚି (ଏନଟିକେ) ର ଟିକଟରେ କୃଷ୍ଣଗିରି ଲୋକସଭା ଆସନରୁ ପ୍ରତିଦ୍ୱନ୍ଦ୍ୱିତା କରିବେ । ବିଦ୍ୟା ରାନୀ ଜୁଲାଇ ୨୦୨୦ ରେ ଭାରତୀୟ ଜନତା ପାର୍ଟିରେ ଯୋଗ ଦେଇଥିଲେ । ଏଠାରେ ସେ ତାମିଲନାଡୁ ବିଜେପି ୟୁଥ୍ ୱିଙ୍ଗର ଉପସଭାପତି ପଦ ପାଇଥିଲେ, କିନ୍ତୁ ନିକଟରେ ସେ ଅଭିନେତା-ନିର୍ଦ୍ଦେଶକ ସେମନଙ୍କ ନେତୃତ୍ୱରେ ଏନଟିକେରେ ଯୋଗଦେବା ପାଇଁ ବିଜେପି ଛାଡିଥିଲେ ।
କୃଷ୍ଣଗିରି ଲୋକସଭା ଆସନରୁ କରିବେ ପ୍ରତିଦ୍ୱନ୍ଦ୍ୱିତା
ଚେନ୍ନାଇରେ ଏକ ସାଧାରଣ ସଭାରେ ତାମିଲନାଡୁ ଏବଂ ପୁଡୁଚେରୀରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ସମସ୍ତ ୪୦ ଜଣ ପ୍ରାର୍ଥୀଙ୍କୁ ପରିଚିତ କରି ସେମାନ କହିଛନ୍ତି ଯେ ବିଦ୍ୟା ରାନୀ କୃଷ୍ଣଗିରିରୁ ଏନଟିକେ ପ୍ରାର୍ଥୀ ହେବେ । ୪୦ ଏନଟିକେ ପ୍ରାର୍ଥୀଙ୍କ ମଧ୍ୟରୁ ଅର୍ଦ୍ଧେକ ମହିଳା । ଏହି ଦଳକୁ ଏଲଟିଟିଇ ନେତା ଭେଲୁପିଲାଇ ପ୍ରଭାକରନ୍ ପରିଚାଳନା କରୁଛନ୍ତି । ବିଦ୍ୟା ରାନୀ କୃଷ୍ଣଗିରିରେ ଏକ ପ୍ଲେ ସ୍କୁଲ ପରିଚାଳନା କରନ୍ତି ଏବଂ ସହରରେ ପାଞ୍ଚ ବର୍ଷର ଆଇନ ପାଠ୍ୟକ୍ରମ କରିଥିବାରୁ ବେଙ୍ଗାଲୁରୁ ସହିତ ତାଙ୍କର ଗଭୀର ସମ୍ପର୍କ ରହିଛି । ସେ ତାଙ୍କ ପିତା ବୀରାପ୍ପାନଙ୍କୁ କେବଳ ଥରେ ଭେଟିଛନ୍ତି ।
ଜୀବନରେ ବାପାଙ୍କୁ ଥରେ ଭେଟିଛନ୍ତି ବିଦ୍ୟା ରାନୀ
ବିଦ୍ୟା ରାନୀ କହିଛନ୍ତି ଯେ ତାଙ୍କ ବାପା ବୀରାପ୍ପାନ୍ ମୋ ଜୀବନକୁ ଏକ ନୂତନ ଦିଗ ଦେଇଛନ୍ତି । ପ୍ରଥମ ତଥା ଶେଷ ଥର ପାଇଁ ତାମିଲନାଡୁ-କର୍ଣ୍ଣାଟକ ସୀମାରେ ଥିବା ଗୋପୀନାଥମଠାରେ ଜେଜେବାପାଙ୍କ ଘରେ ତୃତୀୟ ଶ୍ରେଣୀରେ ପଢୁଥିବା ସମୟରେ ବାପାଙ୍କୁ ଭେଟିଥିଲି । ମୋର ସାକ୍ଷାତ ସମୟରେ ମୁଁ ମୋ ବାପାଙ୍କ ସହ ପ୍ରାୟ ୩୦ ମିନିଟ୍ କଥାବାର୍ତ୍ତା କରିଥିଲି ଏବଂ ସେହି ବାର୍ତ୍ତାଳାପ ମୋ ମନରେ ସ୍ମୃତି ହୋଇ ରହିଛି । ସେ ମୋତେ ଧରି ଡାକ୍ତରୀ ପଢ଼ିବାକୁ ଏବଂ ଲୋକଙ୍କ ସେବା କରିବାକୁ କହିଥିଲେ । କଠିନ ପରିଶ୍ରମ କରି ଖ୍ୟାତି ଅର୍ଜନ କରିବାକୁ ସେ ମୋତେ କହିଥିଲେ । ତାଙ୍କର ସେହି ଶବ୍ଦଗୁଡ଼ିକ ମୋତେ ମୋ ଜୀବନରେ ଆଜି ଯେଉଁଠାରେ ଅଛି ସେହି ସ୍ଥାନକୁ ନେବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି ବୋଲି ବିଦ୍ୟାରାନୀ କହିଛନ୍ତି ।
