ମହାମାରୀ ସମୟରେ ଅର୍ଥ ଆବଶ୍ୟକତାକୁ କେମିତି ପୁରା କରିବେ ?
କରୋନା ଭାଇରସର ପ୍ରଭାବ ଅର୍ଥନୀତି ଉପରେ ପଡିଛି । ପୁରା ଦୁନିଆ ଏହା ଦ୍ୱାରା ପ୍ରଭାବିତ ହୋଇଛି । ଏହି ଭାଇରସ ଖାଲି ଜୀବନକୁ ବିପଦରେ ପକାଇ ନାହିଁ ଏହା ମଧ୍ୟ ଜୀବିକାକୁ ବିପଦରେ ପକାଇ ଦେଇଛି । ଏମିତିରେ ନିବେଶକ ବର୍ତ୍ତମାନ ନିବେଶ କରିବେ କି ନାହିଁ ତାକୁ ନେଇ ଦ୍ୱନ୍ଦ୍ୱ ଭିତରେ ଅଛନ୍ତି । କରୋନା କାଳର ତୁଳନା ୧୯୨୮ର ଗ୍ରେଟ୍ ଡିପ୍ରେସନ୍ ସହ କରାଯାଉଛି । ତେଣୁ ବର୍ତ୍ତମାନ ପରିସ୍ଥିତିରେ ନିବେଶକଙ୍କୁ ନିବେଶର ଏମିତି ମାଧ୍ୟମ ବାଛିବାକୁ ପଡିବ, ଯାହା ସେମାନଙ୍କ ଲକ୍ଷ୍ୟ ପୁରା କରିବା ସହ ସେମାନଙ୍କ ରିସ୍କ ନେବା କ୍ଷମତା ଅନୁସାରେ ଅର୍ଥ ଆବଶ୍ୟକତାକୁ ମଧ୍ୟ ପୁରା କରୁଥିବ ।
ETF କଣ ?
ETF ସେୟାର ବଜାରରେ ଲିଷ୍ଟେଡ୍ ଏଭଳି ଫଣ୍ଡ୍ ଯାହାକୁ ଶେୟାର ଭଳି କିଣା ବିକା କରାଯାଇଥାଏ । ଏଥିରେ ମ୍ୟୁଚୁଆଲ ଫଣ୍ଡ୍ ଭଳି ଆକ୍ଟିଭ୍ ପୋର୍ଟଫୋଲିଓ ମ୍ୟାନେଜମେଣ୍ଟ୍ କରିବାକୁ ପଡିନଥାଏ । ତେଣୁ ଏହାକୁ ଇନଆକ୍ଟିଭ୍ ଇକ୍ୱିଟି ନିବେଶ ବୋଲି କୁହାଯାଇଥାଏ । ମ୍ୟୁଚୁଆଲ ଫଣ୍ଡ୍ ଭଳି ଏଥିରେ ନିବେଶ ଥିମ୍ ଅନୁସାରେ ଅନେକ ଶେୟାର ରହିଥାଏ । କିନ୍ତୁ ଏହାକୁ ଶେୟାର ବଜାରରେ କିଣାବିକା କରାଯାଇପାରେ । ଯେତେବେଳେକି ମ୍ୟୁଚୁଆଲ ଫଣ୍ଡକୁ ଶେୟାର ମାର୍କେଟରେ କିଣା ଯାଇପାରିବନି କି ବିକ୍ରି କରାଯାଇପାରିବନି । ଇଟିଏଫକୁ ରିୟଲ ଟାଇମ ବେସିସରେ କିଣା ବିକା ଯାଇପାରେ । କମ ଫଣ୍ଡ୍ ମ୍ୟାନେଜମେଣ୍ଟ୍ ଚାର୍ଜ କାରଣରୁ କିଛି ମ୍ୟୁଚୁଆଲ ଫଣ୍ଡ୍ ତୁଳନାରେ ଲମ୍ବା ଅବଧିରେ ଇଟିଏଫ୍ ଅଧିକ ଲାଭ ଦେଇଥାଏ ।
କରୋନା କାଳରେ ETF ରେ ନିବେଶ କେତେ ଭଲ ?
ସବୁ ପ୍ରକାରର ଆସେଟ୍ କ୍ଲାସରେ ନିବେଶର ଅଲଗା ରିସ୍କ ଥାଏ । ଅଧିକ ରିସ୍କ ପାଇଁ ପ୍ରସ୍ତୁତ ଥିବା ନିବେଶକ ଯେଉଁମାନେ ରିଟାୟରମେଣ୍ଟ୍ ଭଳି ଲମ୍ବା ଅବଧିର ଲକ୍ଷ୍ୟକୁ ଧ୍ୟାନରେ ରଖି ଇକ୍ୱିଟିରେ ନିବେଶ କରିଥାନ୍ତି ସେମାନଙ୍କ ପାଇଁ ଏହା ଭଲ ବିକଳ୍ପ ହୋଇଥାଏ ।
ଲମ୍ବା ଅବଧି ଲକ୍ଷ୍ୟ ପାଇଁ ETF ଉତ୍ତମ
କୋଭିଡ୍ ୧୯ ପ୍ରଭାବ ଅସ୍ଥାୟୀ । ବଜାର ଏହି ଫେଜରୁ ଦିନେ ନା ଦିନେ ଉବୁରି ଯିବ । ଏଭଳି ନିବେଶକ ଯେଉଁମାନେ ସେନସେକ୍ସ ଓ ନିଫ୍ଟି ୫– ଭଳି ଇଣ୍ଡେକ୍ସ ଧରଣର ରିଟର୍ଣ୍ଣ ଚାହାନ୍ତି ସେମାନଙ୍କ ପାଇଁ ଇଟିଏଫ୍ ଭଲ ବିକଳ୍ପ ହୋଇପାରିବ । ସେହିଭଳି ଗୋଲ୍ଡ ଇଟିଏଫରେ ମଧ୍ୟ ସେମାନଙ୍କୁ ଷ୍ଟୋରେଜ୍ ଓ ସୁଦ୍ଧତାର ଚିନ୍ତା ନକରି ସୁନାରେ ନିବେଶର ସୁଯୋଗ ଦେଇଥାଏ ।
ଗୋଲ୍ଡ ETF ରୁ ମିଳିବ ଭଲ ରିଟର୍ଣ୍ଣ
ନିମ୍ନଗାମୀ ବଜାରରେ ଗୋଲ୍ଡ ଇଟିଏଫକୁ ନିବେଶକ ସୁରକ୍ଷିତ ନିବେଶ ଭାବେ ଦେଖୁଛନ୍ତି । କେବଳ ଏହି କାରଣରୁ ଏଥିରେ ୬ ବର୍ଷ ଭିତରେ ଏଭଳି ବଡ ଧରଣର ନିବେଶ ଦେଖିବକୁ ମିଳୁଛି । ବିଶେଷଜ୍ଞଙ୍କ ଅନୁସାରେ ଯେଉଁ ନିବେଶକ ମାନେ ଲିକ୍ୱିଡିଟି ଚାହାନ୍ତି ସେମାନଙ୍କ ପାଇଁ ଗୋଲ୍ଡ ଇଟିଏଫ୍ ଏକ ଉତ୍ତମ ବିକଳ୍ପ।
ଇଣ୍ଡେକ୍ସ ETF ର କଷ୍ଟ କମ
କରୋନା କାଳରେ ଇଟିଏଫରେ ନିବେଶ ସଠିକ ବୋଲି ବିଶେଷଜ୍ଞ କୁହନ୍ତି । ଏହାର ଅନେକ କାରଣ ରହିଛି । ଯେମିତି ଏହାର କଷ୍ଟ୍ କମ । ବଜାରରେ ଉପଲବ୍ଧ ଥିବା ଅଧିକାଂଶ ଇଣ୍ଡେକ୍ସ ଆଧାରିତ ଇଟିଏଫରେ ଏକ୍ସପେଂସ ରେସିଓ ୦.୦୧ରୁ ୦.୯୭ ପ୍ରତିଶତ ରେଂଜରେ ଥାଏ ।
