୬ ବର୍ଷ ପରେ ବିରଳ କଳା ବାଘ ଠାବ

ସୁନ୍ଦରଗଡ: ଦୀର୍ଘ ୬ ବର୍ଷ ପରେ ବନ ବିଭାଗ କ୍ୟାମେରାରେ ଠାବ ହୋଇଛି ବିରଳ କଳା ବାଘ । ସୁରନ୍ଦରଗଡ଼ ଜିଲା ହେମଗିରି ଫରେଷ୍ଟ ରେଞ୍ଜର ଗର୍ଜନ ପାହାଡ ଫରେଷ୍ଟ ରେଞ୍ଜର ଜଙ୍ଗଲରେ ଠାବ ହୋଇଛି ଏହି ବିରଳ କଳା ବାଘ । ପୂର୍ବରୁ ୨୦୧୮ ମସିହାରେ ଏହି ବାଘକୁ ଠାବ କରାଯାଇଥିଲା । ହେଲେ ସେବେଠାରୁ ଆଉ ଏହି ବାଘର ପତ୍ତା ମିଳି ନ ଥିଲା । ଦୀର୍ଘ ୬ ବର୍ଷ ପରେ ପୁଣି ଥରେ ବନ ବିଭାଗର କ୍ୟାମେରାରେ ଠାବ ହୋଇଛି ଏହି କଳା ବାଘ । କେବଳ କଳା ବାଘ ନୁହଁ ଆହୁରି ଅନେକ ପ୍ରକାରର ଦୁର୍ଲଭ ଜୀବଜନ୍ତୁ ଏହି କ୍ୟାମେରାରେ ଟ୍ରାପ ହୋଇଥିବା ସୂଚନା ଦେଇଛନ୍ତି ସୁନ୍ଦରଗଡ ଡିଏଫଓ ପ୍ରଦୀପ ମିରାସେ ।

ବିରଳ ପ୍ରାଣୀଙ୍କୁ ନେଇ ସମୃଦ୍ଧ ହେଉଛି ଓଡିଶାର ଜଙ୍ଗଲ

ବିରଳ ପ୍ରାଣୀଙ୍କୁ ନେଇ ସମୃଦ୍ଧ ହେଉଛି ଓଡିଶାର ଜଙ୍ଗଲ । ଜଙ୍ଗଲ ନିକଟବର୍ତ୍ତୀ ଅଞ୍ଚଳରେ ଗାଁ ଲୋକ କଳାବାଘକୁ ଦେଖିଥିବା କଥା କହିଛନ୍ତି । ଏହା ବନବିଭାଗ ପାଇଁ ବିରଳ ଉପଲବ୍ଧି ବୋଲି କୁହାଯାଉଛି । ୬ ବର୍ଷ ପରେ କଳାବାଘର ଉପସ୍ଥିତି ପରିବେଶବିଦଙ୍କ ଉକ୍ରଣ୍ଠା ବଢାଇ ଦେଇଛି ।