![Above Post Content](https://risingodisha.in/wp-content/uploads/2023/07/c3326471d6b687956600ca672258ba5b.webp)
ନୂଆଦିଲ୍ଲୀ : ଦିଲ୍ଲୀ ମଦନୀତି ଦୁର୍ନିତ ମାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଅଡୁଆ ଦିନକୁ ଦିନ ବଢ଼ିବାରେ ଲାଗିଛି । ଗୋଟିଏ ପଟେ ହାଇକୋର୍ଟ ତାଙ୍କ ଜାମିନ ଉପରେ ରୋକ୍ ଲଗାଇ ଦେଇଥିବା ବେଳେ , ଅନ୍ୟପଟେ ସିବିଆଇ ତାଙ୍କୁ ଗିରଫ କରି ରିମାଣ୍ଡରେ ନେଇଛି । ସ୍ୱାମୀଙ୍କ ଅଡୁଆ ବଢୁଥିବା ଦେଖି ଏବେ ରାଗିଯାଇଛନ୍ତି ପତ୍ନୀ ସୁନୀତା କେଜ୍ରିୱାଲ ।
![Middle post content](https://risingodisha.in/wp-content/uploads/2023/08/website-1-e1691833471554.jpg)
ସୁନୀତା ସୋଶାଲ ମିଡିଆରେ ଏକ ନୋଟ୍ ପୋଷ୍ଟ କରି ଗର୍ଜ୍ଜିଛନ୍ତି । ସେ କେଜ୍ରିୱାଲଙ୍କ ଗିରଫଦାରୀକୁ ଏକଛତ୍ରବାଦୀ ଶାସନବୋଲି କହିଛନ୍ତି । ଆହୁରି କହିଛନ୍ତି ଏବେ ଯାଏ ଭଗବାନ ସମସ୍ତଙ୍କୁ ସଦ୍ବୁଦ୍ଧି ଦିଅନ୍ତୁ ବୋଲି ପ୍ରାର୍ଥନା କରୁଥିଲି । ହେଲେ ଏବେ ପ୍ରାର୍ଥନା କରୁଛି ଯେ ତାନାଶାହାର ବିନାଶ ହୋଇଯାଉ ।
![After 2nd paragraph post ads](https://risingodisha.in/wp-content/uploads/2023/08/728.jpg)
ସୂଚନାଯୋଗ୍ୟ, ପୂର୍ବରୁ ସୁନୀତା କେଜ୍ରିୱାଲ ଆଉ ଏକ ପୋଷ୍ଟ ଲେଖି କେଜ୍ରିୱାଲଙ୍କ ଗିରଫର ପ୍ରତିବାଦ କରିଥିଲେ । “ଜୁନ ୨୦ରେ କେଜ୍ରିୱାଲଙ୍କୁ ଜାମିନ ମିଳିଥିଲା । ଏଥିରେ ଇ.ଡି. ତୁରନ୍ତ ରହିତାଦେଶ ଲଗାଇଦେଲା । ପରଦିନ ସିବିଆଇ ତାଙ୍କୁ ଅଭିଯୁକ୍ତ କରିନେଲା, ଆଜି ତାଙ୍କୁ ଗିରଫ କରାଯାଇଛି । ପୁରା ଶାସନ କଳ ଚାହୁଁଛି ଯେ ସେ ଜେଲରୁ ବାହାରକୁ ବାହାରି ନପାରନ୍ତୁ । ଏହା ଆଇନବ୍ୟବସ୍ଥା ନୁହେଁ । ଏହା ଏକଛତ୍ରବାଦ,ଜରୁରୀକାଳୀନ ପରିସ୍ଥିତି ।”
![Below Post Content](https://risingodisha.in/wp-content/uploads/2023/07/5ca1c8be182baca302722f4c96b37584.webp)