ମୁମ୍ବାଇ: ବଲିଉଡ଼ ଅଭିନେତ୍ରୀ ଐଶ୍ୱର୍ଯ୍ୟା ରାୟଙ୍କ ପୂର୍ବତନ ପ୍ରେମିକଙ୍କୁ ଆଲିଙ୍ଗନ କଲେ ଅଭିନେତା ଅଭିଷେକ ବଚ୍ଚନ । ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଦୀର୍ଘ ବର୍ଷ ପରେ ଉଭୟଙ୍କୁ ଏପରି ଦେଖି ଚର୍ଚ୍ଚା ଜୋର ଧରିଛି ।
ଅଭିଷେକଙ୍କ ସହ ସଲମାନଙ୍କୁ ଏକାଠି ଦେଖିବାକୁ ମିଳେନି
ବଲିଉଡରେ ଐଶ୍ୱର୍ଯ୍ୟା ରାୟ-ସଲମାନ ଖାନ୍ଙ୍କ ପ୍ରେମ ସମ୍ପର୍କ ବିଷୟରେ କାହାକୁ ବା ଅଛପା । ଏକ ସମୟରେ ଦୁହେଁ ଚର୍ଚ୍ଚିତ ଯୋଡ଼ି ଥିଲେ । ହେଲେ ଐଶ୍ୱର୍ଯ୍ୟା ବାଟ ଅଲଗା କରିବା ପରେ ଅଭିଷେକ ବଚ୍ଚନଙ୍କୁ ବିବାହ କରିଥିଲେ । ଏବେ ଦୁହିଁଙ୍କ ଝିଅ ଆରାଧ୍ୟା ରହିଛି । ତେବେ ପୂର୍ବ ପ୍ରେମିକାଙ୍କ ସ୍ୱାମୀ ହୋଇଥିବାରୁ ଅଭିଷେକଙ୍କ ସହ ସଲମାନଙ୍କୁ କେବେ ବି ଏକାଠି ଦେଖିବାକୁ ମିଳେ ନାହିଁ । ହେଲେ ଗୁରୁବାର ପ୍ରଯୋଜକ ଆନନ୍ଦ ପଣ୍ଡିତଙ୍କ ଜନ୍ମଦିନ ପାର୍ଟିରେ ଦୁହିଁଙ୍କୁ ପରସ୍ପରକୁ ଆଲିଙ୍ଗନ କରୁଥିବାର ଦେଖାଯାଇଛି । ବିରଲ ଭୟାନୀ ଉକ୍ତ ଭିଡିଓକୁ ସେୟାର କରିଥିବା ବେଳେ ତାହା ଭାଇରାଲ ହେଉଛି । କହିରଖୁଛୁ, ୨୫ ବର୍ଷ ପୂର୍ବେ ସଲମାନ ଏବଂ ଐଶ୍ୱର୍ଯ୍ୟା ସମ୍ପର୍କରେ ଥିଲେ । ହେଲେ ଉଭୟଙ୍କ ବ୍ରେକ୍ଅପ୍ ହେବା ପରେ ୨୦୦୭ରେ ଐଶ୍ ଅଭିଷେକଙ୍କୁ ବିବାହ କରିଥିଲେ । ଗୋଟିଏ ପଟେ ଐଶ୍ ସ୍ୱାମୀଙ୍କୁ ଛାଡ଼ପତ୍ର ଦେବାକୁ ନେଇ ଚର୍ଚ୍ଚା ହେଉଥିବା ବେଳେ ଏବେ ଏହି ଭିଡିଓ ଚର୍ଚ୍ଚାର ପରିସରକୁ ଆସିଛି ।
