ଭୁବନେଶ୍ୱର: ବାରମ୍ବାର ମିଛ କହୁଛନ୍ତି କେନ୍ଦ୍ରମନ୍ତ୍ରୀ । ଏମିତି କି ମହାପ୍ରଭୁ ଜଗନ୍ନାଥଙ୍କୁ ବି ନେଇ କହିଲେ ମିଛ । ପୁରୀ ପରିକ୍ରମା ପ୍ରକଳ୍ପକୁ ନେଇ ମିଛ କହୁଛନ୍ତି । ଜଗନ୍ନାଥଙ୍କୁ ବିକି ନିର୍ବାଚନ ଜିତିବାକୁ ଚାହୁଁଛି ବିଜେପି । ଏପରି କହିଛନ୍ତି ବିଜେଡ଼ି ମୁଖପାତ୍ର ଲେନିନ୍ ମହାନ୍ତି ।
ମିଛୁଆଙ୍କୁ କେବେ ଭୋଟ ଦେବେନି ସମ୍ବଲପୁରବାସୀ
ସମ୍ବଲପୁରରେ ବିଜେଡି ମୁଖପାତ୍ର ଲେନିନ ମହାନ୍ତି ସାମ୍ବାଦିକ ସମ୍ମିଳନୀ କରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପରେ ବର୍ଷିଛନ୍ତି । ଧର୍ମେନ୍ଦ୍ରଙ୍କ ମିଛର ଗୁମର ଖୋଲିଦେଲେ ଲେନିନ । ରାଜ୍ୟରେ ବିଜେପି ପୋଛି ହୋଇ ହୋଇ ଯାଉଛି । ଯେଉଁ କାରଣରୁ ବାରମ୍ବାର ମିଛ କହୁଛନ୍ତି ଧର୍ମେନ୍ଦ୍ର । ଭଗବାନଙ୍କୁ ନେଇ ମିଛ କହୁଛନ୍ତି । ପ୍ରଭୁ ଜଗନ୍ନାଥଙ୍କୁ ବିକି ନିର୍ବାଚନ ଜିତିବାକୁ ବସିଛି ବିଜେପି । ସେପଟେ ପ୍ରତିଦିନ ପ୍ରେସମିଟ କରି ମୁଖ୍ୟମନ୍ତ୍ରୀଙ୍କୁ ଗାଳି ବି କରୁଛନ୍ତି । କିନ୍ତୁ ମୁଖ୍ୟମନ୍ତ୍ରୀଙ୍କ ବଡ଼ପଣ ସେ ଆପଣଙ୍କୁ କିଛି କହୁନାହାନ୍ତି । ଆପଣ କେବେ ବି ତାଙ୍କ ସମକକ୍ଷ ନୁହଁନ୍ତି ସେଥିପାଇଁ ସେ ଆପଣଙ୍କ ଉତ୍ତର ରଖୁନାହାନ୍ତି । ସମ୍ବଲପୁରବାସୀ ସ୍ୱାଭିମାନୀ । ସେ କେବେ ହେଲେ ଜଣେ ମିଛୁଆକୁ ଭୋଟ୍ ଦେବେ ନାହିଁ ।
