![Above Post Content](https://risingodisha.in/wp-content/uploads/2023/07/c3326471d6b687956600ca672258ba5b.webp)
ଭୁବନେଶ୍ୱର: ବିଜେପିର ଭୁବନେଶ୍ୱର ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀଙ୍କ ଉପରେ ପ୍ରବଳ ବର୍ଷିଲେ ବିଜେଡି ମୁଖପାତ୍ର ଇପସିତା ସାହୁ । ଅପରାଜିତାଙ୍କ ଅସଲ ଚେହେରାକୁ ପଦାରେ ପକାଇଲେ ଇପସିତା । ସେ କହିଛନ୍ତି, ଓଡିଆ ସଂସ୍କୃତିର ଜ୍ଞାନ ବାଂଟୁଥିବା ଅପରାଜିତା ଷଡଙ୍ଗୀଙ୍କ ଅସଲ ଚେହେରା ଅତ୍ୟନ୍ତ ସାଂଘାତିକ । ଏକାମ୍ର ପ୍ରକଳ୍ପ କାର୍ଯ୍ୟ ଓ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଅଟକାଇବାକୁ ଷଡଯନ୍ତ୍ର କରିବା ପଛର ପ୍ରମୁଖ କାର୍ପଟଦାର ହେଉଛନ୍ତି ଅପରାଜିତା । ଗତ ୫ ବର୍ଷରେ ଭୁବନେଶ୍ୱର ସଂସଦୀୟ କ୍ଷେତ୍ର ପାଇଁ କଣ କରିଛନ୍ତି ବୋଲି ବି ସେ ଜବାବ ମାଗିଛନ୍ତି । ଅପରାଜିତାଙ୍କ ଭଳି ବିକାଶ ବିରୋଧୀ ରାଜନେତା କେବଳ ହାଇଭୋଲଟେଜ ଡ୍ରାମା କରି ଫଟୋ ଉଠାଇବା ଛାଡିଦେଲେ ଆଉ କିଛି ବି କରିନାହାନ୍ତି ।
![Middle post content](https://risingodisha.in/wp-content/uploads/2023/08/website-1-e1691833471554.jpg)
ଅପରାଧିକ ସଂସ୍କୃତିକୁ ଆପଣାଇବାରେ ଅପରାଜିତା ମାହିର
![After 2nd paragraph post ads](https://risingodisha.in/wp-content/uploads/2023/08/728.jpg)
ବିକାଶର ସଂସ୍କୃତିକୁ ଛାଡି ଅପରାଧିକ ସଂସ୍କୃତିକୁ ଆପଣାଇବାରେ ଅପରାଜିତା ମାହିର୍ । ଯେଉଁ ପ୍ରଶାନ୍ତ ଜଗଦ୍ଦେବ ମାତାଲ ଅବସ୍ଥାରେ ବିଜେପି କର୍ମୀଙ୍କ ଉପରେ ଗାଡି ଚଢାଇଥିଲେ, ଦଳୀୟ ନେତାଙ୍କୁ ପିଟିଥିଲେ, ସେହିଭଳି ଅପରାଧିକ ବ୍ୟକ୍ତିକୁ ଆଣି ଦଳରେ ମିଶାଇ, ମୁଣ୍ଡରେ ବସାଇ ଟିକେଟ ଦେଇଛନ୍ତି । ଏହା ହେଉଛି ଅପରାଜିତା ଷଡଙ୍ଗୀଙ୍କ ବିକାଶର ମଡେଲ । ଭୁବନେଶ୍ୱର ଲୋକ ତାଙ୍କୁ କ୍ୟାମେରାରେ ପାଆନ୍ତି, କିନ୍ତୁ ନିଜ ସୁବିଧା ଅସୁବିଧାରେ ନୁହେଁ । ଭୁବନେଶ୍ୱରବାସୀ ସବୁ ବୁଝିସାରିଛନ୍ତି । ବିକାଶ ବିରୋଧୀଙ୍କୁ ଲୋକ କେବେ କ୍ଷମା ଦେବେନି । ଜୁନ ୪ରେ ଉଚିତ ଜବାବ ଦେବେ ବୋଲି ଇସପିତା କହିଛନ୍ତି ।
![Below Post Content](https://risingodisha.in/wp-content/uploads/2023/07/5ca1c8be182baca302722f4c96b37584.webp)