ନୂଆଦିଲ୍ଲୀ: ପୁଣି ବିମାନ ଭିତରେ ଯାତ୍ରୀଙ୍କ ଦୁର୍ବ୍ୟବହାର । ବିମାନ ବିଳମ୍ବ ହେବ ବୋଲି ଘୋଷଣା କରିବାରୁ ପାଇଲଟଙ୍କୁ ନିର୍ଧୁମ ପିଟିଲେ ଜଣେ ଯାତ୍ରୀ । ଏଭଳି ଘଟଣା ଦେଖିବାକୁ ମିଳିଛି ଇଣ୍ଡିଗୋ ବିମାନରେ । ଏନେଇ ପୋଲିସ ଏକ ମାମଲା ରୁଜୁ କରିବା ସହ ସମ୍ପୃକ୍ତ ଯାତ୍ରୀଙ୍କୁ ଗିରଫ କରିଛି । ଏବେ ଏହାର ଏକ ଭିଡ଼ିଓ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି । ଏହି ଭିଡିଓରେ ‘ଏକ୍ସ’ ବ୍ୟବହାରକାରୀ ଏକାଧିକ ପ୍ରତିକ୍ରିୟା ଦେଇଛନ୍ତି । ଇଣ୍ଡିଗୋ ବିମାନ ବାରମ୍ବାର ବାତିଲ ଓ ବିଳମ୍ବ କରୁଥିବା କଥା ଅନ୍ୟ ଯାତ୍ରୀମାନେ ବି ଅଧିକାଂଶ ସମୟରେ ଅଭିଯୋଗ ଆଣିଛନ୍ତି ।
ମାଡ଼ ମାରୁଥିବାର ଭିଡ଼ିଓ ହେଲା ଭାଇରାଲ
A passenger punched an Indigo capt in the aircraft as he was making delay announcement. The guy ran up from the last row and punched the new Capt who replaced the previous crew who crossed FDTL. Unbelievable ! @DGCAIndia @MoCA_GoI pic.twitter.com/SkdlpWbaDd
— Capt_Ck (@Capt_Ck) January 14, 2024
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଇଣ୍ଡିଗୋ ବିମାନଟି ଦିଲ୍ଲୀରୁ ଗୋଆ ଉଡ଼ାଣ କରୁଥିଲା । ବିମାନଟି ସାମାନ୍ୟ ବିଳମ୍ବରେ ଯାତ୍ରା କରିବ ବୋଲି ପାଇଲଟ୍ ଘୋଷଣା କରୁଛନ୍ତି । ତା’ପରେ ହଳଦିଆ ରଂଗର ଗଞ୍ଜି ପିନ୍ଧିଥିବା ଜଣେ ଯାତ୍ରୀ ହଠାତ୍ ପାଇଲଟ୍ଙ୍କ ପାଖକୁ ଦୌଡ଼ିଯାଇ ମୁହଁକୁ ଚାପୁଡ଼ା ମାରିଥିଲେ । ସେହି ସମୟରେ ପାଇଲଟଙ୍କ ପାଖରେ ଠିଆ ହୋଇଥିବା ଜଣେ ବିମାନ କର୍ମଚାରୀ ତୁରନ୍ତ ତାଙ୍କୁ ଅଟକାଇଥିଲେ । ସେ ସେହି ପରିସ୍ଥିତିର ସମାଧାନ କରିବାକୁ ଚେଷ୍ଟା କରିଥିଲେ । ଯାତ୍ରୀ ଜଣଙ୍କୁ ପରେ ଅନ୍ୟ ଯାତ୍ରୀମାନେ ମିଶି ଭିଡ଼ି ଭିଡ଼ି ବାହାରକୁ ନେଇ ଯାଉଥିବାର ଦେଖିବାକୁ ମିଳିଛି । ଅନ୍ୟ କିଛି ବିମାନ କର୍ମଚାରୀ ଯାତ୍ରୀଙ୍କୁ ବୁଝାଇବାକୁ ଯାଇ ସାର ଆପଣ ଏପରି କରିପାରିବେ ନାହିଁ ବୋଲି କହୁଥିବାର ଶୁଣିବାକୁ ମିଳିଛି ।
ପାଇଲଟ୍ଙ୍କୁ ପିଟିଥିବା ଯାତ୍ରୀଙ୍କୁ ‘ନୋ-ଫ୍ଲାଏ’ ତାଲିକାରେ ରଖାଯିବ
ଦିଲ୍ଲୀ-ଗୋଆ ଇଣ୍ଡିଗୋ ବିମାନର ପାଇଲଟଙ୍କୁ ପିଟିଥିବା ଯାତ୍ରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଯାଉଛି ଇଣ୍ଡିଗୋ ବିମାନ କର୍ତ୍ତୃପକ୍ଷ । ର ଚିନ୍ତା କରୁଛି । ଯାତ୍ରୀଙ୍କ ଏପରି ଆଚରଣ ପାଇଁ ‘ନୋ-ଫ୍ଲାଏ’ ତାଲିକାରେ ରଖାଯିବାର ସମ୍ଭାବନା ରହିଛି ବୋଲି ଏୟାରଲାଇନ୍ସ ସୂତ୍ରରୁ ପ୍ରକାଶ ପାଇଛି । ପୋଲିସ ଉକ୍ତ ଯାତ୍ରୀଙ୍କୁ ଗିରଫ କରିଛି ।
