ନୂଆଦିଲ୍ଲୀ: ସବୁ ବାଧାବିଘ୍ନ ସତ୍ତ୍ୱେ ସଫଳ ହେଲା ଭାରତର ଗଗନାୟନ ମିଶନ । ଇସ୍ରୋ ଗଗନାୟନ ମିଶନର ପ୍ରଥମ ଟେଷ୍ଟ ଫ୍ଲାଇଟ କ୍ରୁ ମଡ୍ୟୁଲର ସଫଳତାର ସହ ଲଞ୍ଚ କରି ଇତିହାସ ସୃଷ୍ଟି କରିଛି । ପ୍ରଥମେ ଇ୍ରସୋ ସକାଳ ୮ଟା ୪୫ରେ ଏହାର ଟ୍ରାଏଲ କରିଥିଲା । ହେଲେ ପରୀକ୍ଷଣ ୫ ସେକେଣ୍ଡ ପୂର୍ବରୁ ଏହାକୁ ସ୍ଥଗିତ ରଖା ଯାଇଥିଲା । ଯାନ୍ତ୍ରିକ ତ୍ରୁଟି ଯୋଗୁ ପରୀକ୍ଷଣକୁ ସ୍ଥଗିତ ରଖାଯାଇଥିଲା । ଯାନ୍ତ୍ରିକ ତ୍ରୁଟିକୁ ସଜାଡିବା ପରେ ସକାଳ ୧୦ଟାରେ ଏହାର ସଫଳ ଉତ୍କ୍ଷେପଣ କରାଯାଇଛି । ଏଥିସହିତ ଇସ୍ରୋ ଏକ ନୂଆ କୀର୍ତ୍ତିମାନ ସ୍ଥାପନ କରିଛି ।
ସମୁଦ୍ରରେ ଲାଣ୍ଡିଂ କଲା କ୍ରୁ କ୍ୟାପ୍ସୁଲ
ଇସ୍ରୋ ଚିଫ ଏସ ସୋମନାଥ କହିଛନ୍ତି, ଉତକ୍ଷେପଣ ପରେ କ୍ରୁ ଏସକେପ ସିଷ୍ଟମ ଆକ୍ଟିଭ ହୋଇଥିଲା । ଏହା କ୍ରୁ ମଡ୍ୟୁଲରକୁ ରକେଟରୁ ଅଲଗା କରିଥିଲା । ଏହା ପରେ କ୍ରୁ ମଡ୍ୟୁଲର ପାରାଶୁଟ ଖୋଲି ଯାଇଥିଲା । ପରେ ଏହା ସମୁଦ୍ରକୁ ଯାଇ ଲ୍ୟାଣ୍ଡ କରିଥିଲା । ଏହା ସହିତ ଜଡିତ ସମସ୍ତ ତଥ୍ୟ ଆମର ହସ୍ତଗତ ହୋଇଛି । ବର୍ତ୍ତମାନ ସୁଦ୍ଧା ଯେତିକି ହୋଇଛି ସବୁ ଠିକଠାକ ଚାଲିଛି ବୋଲି କହିଛନ୍ତି ଇସ୍ରୋ ମୁଖ୍ୟ ଏସ ସୋମନାଥ । ପୂର୍ବରୁ ସକାଳ ୮ଟାରେ ଗଗନାୟାନ ଉତକ୍ଷେପଣ ହେବାକୁ ଥିଲା । ଏହାପରେ ଏହାର ସମୟ ପରିବର୍ତ୍ତନ କରାଯାଇ ୮.୩୦ରେ ଉତକ୍ଷେପଣ କରାଯିବାକୁ ନିଷ୍ପତ୍ତି ହୋଇଥିଲା । ଠିକ୍ ସମୟରେ ଇଞ୍ଜିନ୍ ଇଗ୍ନିସନ ହୋଇ ପାରି ନ ଥିଲା । ଏଣୁ ୫ ସେକେଣ୍ଡ ପୂର୍ବରୁ ଉତ୍କ୍ଷେପଣକୁ ସ୍ଥଗିତ ରଖାଯାଇଥିବା ଇସ୍ରୋ ମୁଖ୍ୟ ସୂଚନା ଦେଇଥିଲେ ।
