ୟୁକ୍ରେନ୍ ଯୁଦ୍ଧ ଭିତରେ ଚୀନ୍ ଓ ଅଷ୍ଟ୍ରେଲିଆ ମଧ୍ୟରେ ଏବେ ଯୁଦ୍ଧର ଆଶଙ୍କା ସୃଷ୍ଟି ହୋଇଛି । ଅଷ୍ଟ୍ରେଲିଆ ମଧ୍ୟ ଚୀନ ସହିତ ଉତ୍ତେଜନା ବୃଦ୍ଧି ଖବରକୁ ସ୍ୱୀକାର କରିଛି । ଅଷ୍ଟ୍ରେଲିଆ ଆଶଙ୍କା କରୁଛି ଯେ, ଏହି ଉତ୍ତେଜନା ପରବର୍ତ୍ତି ପରିସ୍ଥିତିରେ ଯୁଦ୍ଧର ରୂପ ନେଇ ପାରେ । ଏହା ମଧ୍ୟରେ ଅଷ୍ଟ୍ରେଲିଆ ସହିତ ଅକ୍ସ ଡିଲ୍ କରିଥିବା ଆମେରିକା ହଜାର ହଜାର ସଂଖ୍ୟାରେ ସୈନିକ, ଭୂପୃଷ୍ଠରୁ ଆକାଶକୁ ପ୍ରକ୍ଷେପିତ ହେଉଥିବା କ୍ଷେପଣାସ୍ତ୍ର, ତୋପ, ରକେଟ୍ ଓ ଡ୍ରୋନ୍ ପଠାଇଛି । ଆମେରିକୀୟ ସୈନିକ ଅଷ୍ଟ୍ରେଲିୟ ସୈନିକଙ୍କୁ ଏହି ସବୁ ଯୁଦ୍ଧାସ୍ତ୍ର ବ୍ୟବହାରର ପ୍ରଶିକ୍ଷଣ ଦେବେ ।
ଡେଲିମେଲ୍ ରିପୋର୍ଟ ଅନୁସାରେ ଆମେରିକା ମେରିନ୍ ଫୋର୍ସର ୨୨ଶହ ସୈନିକ ଆସନ୍ତା ସେପ୍ଟେମ୍ବର ମାସରୁ ଅଷ୍ଟ୍ରେଲିଆର ଉତ୍ତରଭାଗରେ ରହିବେ । ଅଷ୍ଟ୍ରେଲିଆ ପ୍ରତିରକ୍ଷା ବିଭାଗ ଅନୁସାରେ ପ୍ରଥମ ଥର ପାଇଁ ଆମେରିକା ସ୍ଥଳସେନାର ୨୫୦ ଜଣ ଯବାନଙ୍କୁ ଅଷ୍ଟ୍ରେଲିଆରେ ମୁତୟନ କରାଯାଉଛି । ଆଗାମୀ ସମୟରେ ଚୀନ୍ ଯଦି ତାଇୱାନ୍ ଉପରେ ଆକ୍ରମଣ କରେ ତେବେ ଯବାବ ଦେବାକୁ ଏହା ଆମେରିକାର ପ୍ରସ୍ତୁତି ବୋଲି କୁହାଯାଉଛି ।
ଆମେରିକାର ଏକ ହଜାର ସୈନିକ ଅଷ୍ଟ୍ରେଲିଆରେ ପହଂଚିଲେ
ଅଷ୍ଟ୍ରେଲିଆ ପ୍ରତିରକ୍ଷାମନ୍ତ୍ରୀ ପିଟର ଡୁଟୋନ୍ ଗତବର୍ଷ ସେପ୍ଟେମ୍ବରରେ ଚେତାବନୀ ଦେଇଥିଲେ ଯେ, ଚୀନ୍ ସହିତ ସଂଘର୍ଷ ସ୍ଥିତିକୁ କମ କରି ଆକଳନ କରିବା ଠିକ୍ ହେବ ନାହିଁ । ବର୍ତ୍ତମାନ ୟୁକ୍ରେନ୍ ଉପରେ ଋଷ ଆକ୍ରମଣ ପରିପ୍ରେକ୍ଷରେ ଚୀନ୍ ତାଇୱାନ୍ ଉପରେ ଆକ୍ରମଣର ଦୁଃସାହସ କରିପାରେ । ଆମେରିକୀୟ ସୈନିକଙ୍କ ମୁତୟନ ସହିତ ଦୁଇ ଦେଶର ବାୟୁସେନା ମଧ୍ୟରେ ବି ସହଯୋଗ ବଢିଛି । ରିପୋର୍ଟ ଅନୁସାରେ ଆମେରିକାର ୧ ହଜାର ମେରାଇନ୍ ସୈନିକ ଆଗରୁ ଅଷ୍ଚ୍ରେଲିଆ ପହଂଚି ସାରିଛନ୍ତି ।
ଚୀନ୍ ଆକ୍ରମଣ ସମୟରେ ଅଷ୍ଟ୍ରେଲିୟ ସୈନିକ କେଉଁଭଳି ପ୍ରତିଆକ୍ରମଣ କରିବେ ତାହା ଏହି ମେରାଇନ୍ ଅଷ୍ଟ୍ରେଲିୟ ସୈନିକଙ୍କ ଶିଖାଇବେ । ଏଥିରେ ମାନବୀୟ ସହାୟତା,ଉଦ୍ଧାରକାର୍ଯ୍ୟ,ଆମରିକୀୟ ଦୂତାବାସକୁ ସାହାଯ୍ୟ କିମ୍ବା ସାମରିକା ଅଭିଯାନରେ ସାମିଲ ହେବା ରହିଛି । ଏହି ସୈନିକଙ୍କ ଏବେ ଡରବିନରେ ମୁତୟନ କରାଯାଇଛି । ଡର୍ବିନଠାରୁ ଦକ୍ଷୀଣ ପୂର୍ବ ଏସୀୟ ରାଷ୍ଟ୍ର ଓ ଦୁନିଆର ସବୁଠାରୁ ବ୍ୟସ୍ତତମ ସାମୁଦ୍ରିକ ମାର୍ଗ ବେସି ଦୂର ନୁହେଁ । ଏହି କାରଣରୁ ଆମେରିକୀୟ ସୈନିକଙ୍କ ମୁତୟନ ବେସ ଗୁରୁତ୍ୱ ରଖେ । ଏହି ପ୍ରଶିକ୍ଷଣ କାଳରେ ଅଷ୍ଚ୍ରେଲିଆ ଓ ଆମେରିକୀୟ ସୈନିକଙ୍କ ମଧ୍ୟରେ ଲାଇଭ୍ ଫାୟାର ଟ୍ରେନିଂ ମଧ୍ୟ ହେବ ।
