ମୁମ୍ବାଇ: କିଛି ଦିନ ତଳେ ବଲିଉଡର ଷ୍ଟାର ଦମ୍ପତି ରଣବୀର କପୁର-ଆଲିଆ ଭଟ୍ଟ ନିଜ ଝିଅ ରାହା କପୁରଙ୍କୁ ମିଡିଆ ସାମ୍ନାକୁ ଆଣିଥିଲେ । ଏହାର ଏକ ଭିଡିଓ ଖୁବ ଭାଇରାଲ ହେବାରେ ଲାଗିଥିଲା । ରାହାଙ୍କୁ ଦେଖିବା ପରେ ପ୍ରଶଂସକମାନେ ବହୁତ ଖୁସି ହୋଇଥିଲେ । ଏବେ ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ଓ ଷ୍ଟାର କ୍ରିକେଟର ବିରାଟ କୋହଲି ନିଜ ଝିଅ ଭାମିକାଙ୍କୁ କେବେ ମିଡ଼ିଆ ସାମ୍ନାକୁ ଆଣିବେ ସେ ଦିନକୁ ପ୍ରଶଂସକ ଅନାଇ ବସିଛନ୍ତି ।
ଝିଅକୁ ମିଡିଆ ସାମ୍ନାରୁ ଦୂରେଇ ରଖିବା କାରଣ କହିଲେ ବିରୁଷ୍କା
୨୦୨୨ରେ ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ତୃତୀୟ ଦିନିକିଆ ମ୍ୟାଚ ଖେଳାଯାଉଥିବା ବେଳେ ଷ୍ଟାଡିୟମର କ୍ୟାମେରାରେ ଭାମିକାଙ୍କ ଝଲକ ଦେଖିବାକୁ ମିଳିିଥିଲା, ଯାହା ଖୁବ ଭାଇରାଲ ହୋଇଥିଲା । ହେଲେ ଏପର୍ଯ୍ୟନ୍ତ ବିରୁଷ୍କା ଝିଅକୁ ସ୍ୱଇଚ୍ଛାରେ ମିଡିଆର କ୍ୟାମେରା ସାମ୍ନାକୁ ଆଣିନାହାନ୍ତି । ଏଭଳି କରିବା ପଛର କାରଣ ସମ୍ପର୍କରେ ବିରାଟ କହିଥିଲେ । ସେ କହିଥିଲେ ଯେ, ମୁଁ ଓ ଅନୁଷ୍କା ନିଷ୍ପତ୍ତି ନେଇଛୁ ଯେ, ଯେପର୍ଯ୍ୟନ୍ତ ଭାମିକା ସୋସିଆଲ ମିଡିଆ ଓ ନିଜ ପସନ୍ଦ ବିଷୟରେ ଜାଣିନାହାନ୍ତି, ସେପର୍ଯ୍ୟନ୍ତ ଆମେ ତାଙ୍କୁ ସୋସିଆଲ ମିଡିଆ ବା ଗଣମାଧ୍ୟମ ସାମ୍ନାକୁ ଆଣିବୁ ନାହିଁ । ୨୦୨୧ ଜାନୁଆରି ୧୧ ତାରିଖରେ ବିରୁଷ୍କା ମାତା-ପିତା ହୋଇଥିଲେ । ଏବେ ଭାମିକାଙ୍କୁ ୩ବର୍ଷ ହୋଇଥିବା ବେଳେ ବିରୁଷ୍କା ଦ୍ୱିତୀୟ ସନ୍ତାନ ପାଇଁ ଯୋଜନା କରୁଥିବା ନେଇ ଚର୍ଚ୍ଚା ହେଉଛି ।
