ଦକ୍ଷୀଣ ଆଫ୍ରିକାରେ ଜଙ୍ଗଲ ସଫାରିରେ ଯାଇଥିବା ପର୍ଯ୍ୟଟକ ଶୌଚ କରିବାକୁ ଯାଇଥିଲେ । ଏହି ସମୟରେ ତାଙ୍କୁ ବିଶାକ୍ତ ନାଗ ସାପ ଦଂଶନ କରିଥିଲା । ଏହି ସାପର ବିଷ ଏତେ ଜୋରଦାର ଥିଲା ଯେ, ତାଙ୍କୁ ହେଲିକପ୍ଟରରେ ଚିକିତ୍ସା ପାଇଁ ନିଆଯାଇଥିଲା । ଏହା ସତ୍ୱେ ଡାକ୍ତରଙ୍କୁ ତାଙ୍କ ଗୁପ୍ତାଙ୍ଗ କାଟିବାକୁ ପଡିଥିଲା । ଡାକ୍ତରଙ୍କ ଅନୁସାରେ ବିଷ କାରଣରୁ ତାଙ୍କ ଗୁପ୍ତାଙ୍ଗ ଶଢିବା ଆରମ୍ଭ କରିଥିଲା । ଫଳରେ ଗୁପ୍ତାଙ୍ଗ କାଟିବା ଛଡା ଅନ୍ୟ ଉପାୟ ନଥିଲା ।
ନେଦରଲ୍ୟାଣ୍ଡର ପର୍ଯ୍ୟଟକ
ଡେଲି ମେଲ୍ ରିପୋର୍ଟ ଅନୁସାରେ ୪୭ ବର୍ଷୀୟ ଏହି ପୁରୁଷ ପର୍ଯ୍ୟଟକ ନେଦରଲ୍ୟାଣ୍ଡ ନାଗରିକ । ଦକ୍ଷୀଣ ଆଫ୍ରିକାର ଜଙ୍ଗଲ ଭ୍ରମଣ ପାଇଁ ଆସି ତାଙ୍କୁ ଏଭଳି ସଂକଟର ସମ୍ମୁଖୀନ ହେବାକୁ ପଡିଥିଲା । ଜଙ୍ଗଲ ଭ୍ରମଣ କାଳରେ ତାଙ୍କୁ ଝା଼ଡା ଲାଗିଥିଲା । ଜଙ୍ଗଲ ମଝିରେ ଥିବା ଏକ ପାଇଖାନାକୁ ସେ ଝାଡା ବସିବା ପାଇଁ ଯାଇଥିଲେ । ତେବେ ପାଇଖାନାରେ ଆଗରୁ ଲୁଚିଥିବା ସାପ ତାଙ୍କ ଗୁପ୍ତାଙ୍ଗକୁ କାମୁଡି ଦେଇଥିଲା । ସେ ଚିତ୍କାର କରିବା ପରେ ଜଙ୍ଗଲ ଗାର୍ଡ୍ ଓ ଗାଇଡ୍ ତାଙ୍କ ପାଖରେ ପହଂଚିଥିଲେ ।
ତିନି ଘଣ୍ଟା ପରେ ହେଲା ଏୟାର ଲିଫ୍ଟ
ଜଙ୍ଗଲ ଗାର୍ଡ୍ ତୁରନ୍ତ ପର୍ଯ୍ୟଟକଙ୍କୁ ନିକଟସ୍ଥ ହସ୍ପିଟାଲକୁ ନେବା ପାଇଁ ହେଲିକପ୍ଟର ଲାଗି ପ୍ରଶାସନକୁ ଅନୁରୋଧ କରିଥିଲେ । ତେବେ ହେଲିକପ୍ଟର ପହଂଚିବାକୁ ୩ ଘଣ୍ଟା ଲାଗି ଯାଇଥିଲା । ହେଲିକପ୍ଟର ଆସିବା ପରେ ତାଙ୍କୁ ୩୫୦ କିଲୋମିଟର ଦୂରରେ ଥିବା ସବୁଠାରୁ ନିକଟତମ ହସ୍ପିଟାଲକୁ ଚିକିତ୍ସା ପାଇଁ ନିଆଯାଇଥିଲା । ସର୍ପ ଦଂଶନ ପରେ ଯୁବକଙ୍କ ଗୁପ୍ତାଙ୍ଗ ନିଳ ପଡିଯାଇଥିଲା ଓ ପୋଡିବା ଆରମ୍ଭ କରିଥିଲା । ଏହା ସହିତ ତାଙ୍କ ପୁରା ଅଙ୍ଗ ପଚିବା ଆରମ୍ଭ କରିଥିଲା । ହସ୍ପିଟାଲରେ ପଂହଚିବା ପରେ ତାଙ୍କର ଏମରଜେନ୍ସି ଚିକିତ୍ସା ଆରମ୍ଭ ହୋଇଥିଲା । ତେବେ ଡାକ୍ତରଙ୍କ ପାଖରେ ଗୁପ୍ତାଙ୍ଗ କାଟିବା ଛଡା ଅନ୍ୟ ଉପାୟ ନଥିଲା ।
ନେଦରଲ୍ୟାଣ୍ଡ୍ ଡାକ୍ତର ପୁଣି ତିଆରି କଲେ ଗୁପ୍ତାଙ୍ଗ
୯ ଦିନର ଚିକିତ୍ସା ପରେ ପର୍ଯ୍ୟଟକଙ୍କୁ ତାଙ୍କ ଦେଶକୁ ପଠାଇ ଦିଆଯାଇଥିଲା । ନେଦରଲ୍ୟାଣ୍ଡରେ ଡାକ୍ତର ସେହି ବ୍ୟକ୍ତିଙ୍କ ଶଢା ଟିସ୍ୟୁକୁ ତାଙ୍କ ଅଣ୍ଟାରୁ ନିଆଯାଇଥିବା ଟିସ୍ୟୁ ଦ୍ୱାରା ବଦଳାଇ ନୂଆ ଗୁପ୍ତାଙ୍ଗ ତିଆରି କରିଥିଲେ । ଏହା ପରେ ସମ୍ପୃକ୍ତ ବ୍ୟକ୍ତି ଜଣକ ମଜାଦାର ଟ୍ୱିଟ୍ କରି ଆଫ୍ରକା ଯାଉଥିବା ପର୍ଯ୍ୟଟକଙ୍କୁ ସତର୍କ କରାଇ ଦେଇଛନ୍ତି ।
ସର୍ପ ଦଂଶନରୁ ହୋଇଥିଲା ‘ମାଂସ ଖିଆ ରୋଗ’
ଡାକ୍ତରଙ୍କ କହିବା ହେଉଛି ସର୍ପ ଦଂଶନ କାରଣରୁ ଯୁବକଙ୍କୁ ନେକ୍ରୋସିସ୍ ନାମକ ରୋଗ ହୋଇଥିଲା । ଏହି ରୋଗକୁ ମଧ୍ୟ ‘ମାଂସଖିଆ ରୋଗ’ ବୋଲି କୁହାଯାଇଥାଏ । ଏଥିରେ ତ୍ୱଚା ତଳେ ଥିବା ଟିସ୍ୟୁରେ ଘାତକ ବ୍ୟାକ୍ଟ୍ରିଆଲ ସଂକ୍ରମଣ ହୋଇଥାଏ । ଫଳରେ ମୃତ୍ୟୁ ଆଶଙ୍କା ଅଧିକ ବଢିଯାଇଥାଏ । ଏହି ବ୍ୟାକ୍ଟ୍ରିଆ ବାସ୍ତବରେ ମାଂସ ଖାଇ ନଥାନ୍ତି । ସେମାନେ ବିଶାକ୍ତ ପଦାର୍ଥ ଛାଡିଥାନ୍ତି । ଯାହାଫଳରେ ଆଖପାଖ ଟିସ୍ୟୁଙ୍କୁ କ୍ଷତି ପହଂଚିଥାଏ ।
