ମୁମ୍ବାଇ: କଳା ଚଷମା ପିନ୍ଧି ମନ୍ଦିରରେ ଝାଡ଼ୁ ମାରିଲେ ବଲିଉଡ଼ ଅଭିନେତ୍ରୀ କଙ୍ଗନା ରାଣାୱତ । ଏହି ଘଟଣାକୁ ନେଇ ଏବେ ସେ ଖୁବ୍ ଚର୍ଚ୍ଚାରେ । ଏହାର ଏକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଏହି ଭିଡ଼ିଓକୁ ଦେଖିବା ପରେ କଙ୍ଗନାଙ୍କ ପ୍ରଶଂସକମାନେ ତାଙ୍କୁ ଟ୍ରୋଲ କରିଛନ୍ତି ।
ହନୁମାନ ଗଢ଼ୀ ମନ୍ଦିରରେ ପୂଜାର୍ଚ୍ଚନା କଲେ କଙ୍ଗନା
ଏବେ ଅଯୋଧ୍ୟାରେ ନିର୍ମିତ ରାମ ମନ୍ଦିରର ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ଉପରେ ସମଗ୍ର ଦେଶବାସୀଙ୍କ ନଜର ରହିଛି । ଆଧ୍ୟାତ୍ମିକତାର ଆନନ୍ଦମୟ ପରିବେଶରେ ଅଯୋଧ୍ୟାସ୍ଥିତ ରାମ ଜନ୍ମଭୂମି ତୀର୍ଥରେ ରାମଲାଲାଙ୍କ ମୂର୍ତ୍ତି ପ୍ରତିଷ୍ଠା କାର୍ଯ୍ୟକ୍ରମ ସୁରୁଖୁରୁରେ ଚାଲିଛି । ରାମଲାଲାଙ୍କ ମୂର୍ତ୍ତିକୁ ୧୨୫ଟି କଳସ ଜଳରେ ଦିବ୍ୟସ୍ନାନ କରାଯାଇଥିଲା । ଏହି ଜଳରେ ବିଭିନ୍ନ ଔଷଧୀୟ ପଦାର୍ଥ ରହିଥିଲା । ପରେ ପବିତ୍ର ଅଗ୍ନିରେ ‘ବ୍ୟାହୁତି ହୋମ’ କରାଯାଇଥିଲା । ଦୈନନ୍ଦିନ ପୂଜାର୍ଚ୍ଚନା, ହବନ ଓ ଅନ୍ୟାନ୍ୟ ବୈଦିକ ରୀତିନୀତି ସହ ମନ୍ଦିର ପ୍ରାଙ୍ଗଣରେ ୮୧ଟି କଳସର ପ୍ରତିଷ୍ଠା ଓ ପୂଜା କରାଯାଇଥିଲା । ବିଭିନ୍ନ ରାଜ୍ୟରୁ ରାମଲାଲାଙ୍କ ପାଇଁ ବିଭିନ୍ନ ପ୍ରକାରର ଉପହାର ଆସୁଛି । ଏହି ବଡ଼ ଉତ୍ସବରେ ଅନେକ ଭିଭିଆଇପି ସାମିଲ ହୋଇଥିବା ବେଳେ ବଲିଉଡ ଅଭିନେତ୍ରୀ କଙ୍ଗନା ରାଣାୱତ ବି ଯୋଗ ଦେଇଛନ୍ତି । ଏହି କାର୍ଯ୍ୟକ୍ରମରେ ସାମିଲ ହେବା ପାଇଁ ଗତକାଲି ସେ ଅଯୋଧ୍ୟାରେ ପହଞ୍ଚିଥିଲେ ।
ମନ୍ଦିର ଭିତରେ ଚଷମା ପିନ୍ଧିବା ଜରୁରୀ ?
ଗତକାଲି ସେ ଅଯୋଧ୍ୟାରେ ପହଞ୍ଚିବା ପରେ ଏଠାରେ ଥିବା ହନୁମାନ ଗଢ଼ୀ ମନ୍ଦିର ପରିଦର୍ଶନରେ ଯାଇଥିଲେ । ସେଠାରେ ସ୍ୱତନ୍ତ୍ର ପୂଜାର୍ଚ୍ଚନା କରିଥିଲେ । ଏହି ସମୟରେ ସେ ମନ୍ଦିର ପରିସର ଝାଡ଼ୁ କରିଥିଲେ । ତେବେ ମନ୍ଦିର ଭିତରେ ଝାଡ଼ୁ କରିବା ସମୟରେ ସେ କଳା ଚଷମା ପିନ୍ଧିଥିବା ନଜର ଆସିଥିଲେ । ଏହାର ଏକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଥିଲା । ଏହାକୁ ଦେଖିବା ପରେ ତାଙ୍କୁ ଟ୍ରୋଲ କରିଛନ୍ତି ଲୋକେ । ଜଣେ ସୋସିଆଲ ମିଡିଆ ବ୍ୟବହାରକାରୀ ଲେଖିଛନ୍ତି, ଚଷମା ତ କାଢ଼ି ଦେଇଥାନ୍ତ ଭଉଣୀ । ଅନ୍ୟ ଜଣେ ଲେଖିଛନ୍ତି, ମନ୍ଦିର ଭିତରେ ଚଷମା ପିନ୍ଧିବା ଜରୁରୀ କି?
