ଭାରତ ସରକାର ପପୁଲାର ଫ୍ରଣ୍ଟ୍ ଅଫ୍ ଇଣ୍ଡିଆ ବିରୋଧରେ କଠୋର ଆଭିମୁଖ୍ୟ ଗ୍ରହଣ କରିଛନ୍ତି । ଯାହା ମଙ୍ଗଳବାର ଦିନ ହୋଇଥିବା ଦ୍ୱିତୀୟ ରାଉଣ୍ଡ୍ ଚଢାଉରୁ ଜଣା ପଡ଼ୁଛି । ପ୍ରଥମ ଚଢାଉ ରାତି ଅଧିଆ ହୋଇଥିଲା । ପିଏଫଆଇ କର୍ମୀ ଶୋଇଥିବା ବେଳେ ଏହାର ନେତା ସବୁ ହାଜତରେ ପସି ସାରିଥିଲେ । ପିଏଫଆଇର କ୍ୟାଡର ରାସ୍ତା ଉପରକୁ ଓହ୍ଲାଇବା ବେଳକୁ ଆଉ କିଛି ନଥିଲା । ମଙ୍ଗଳବାର ହୋଇଥିବା ଦ୍ୱିତୀୟ ରାଉଣ୍ଡ ଚଢାଉରୁ ଏନଆଇଏକୁ ବହୁତ କିଛି ତଥ୍ୟ ମିଳିଥିବା ଜଣା ପଡ଼ିଛି । ପିଏଫଆଇର ମୋଡସ ଅପରନ୍ଦି ଉପରୁ ଧିରେ ଧିରେ ପରଦା ହଟିବାରେ ଲାଗିଛି । ମାତ୍ର୧୬ ବର୍ଷ ଭିତରେ ଦକ୍ଷୀଣ ଭାରତରୁ ବାହାରି ପୁରା ଭାରତରେ କାୟା ବିସ୍ତାର କରିଥିବା ଆତଙ୍କର ଏହି ବହୁ ମୁଣ୍ଡ ବିଶିଷ୍ଟ ରାକ୍ଷସ କେମିତି ବିଭିନ୍ନ ରାଜ୍ୟରେ ଅପରେଟ୍ କରୁଥିଲା ତା’ର ଚିତ୍ର ଧିରେ ଧିରେ ସ୍ପଷ୍ଟ ହେବାରେ ଲାଗିଛି । ଦେଶର ଯେଉଁ ୧୦ ରାଜ୍ୟରେ ଏହା ଅଧିକ ସକ୍ରୀୟ ଥିଲା ସେହି ରାଜ୍ୟ ଗୁଡିକରେ ଏହାର କାର୍ଯ୍ୟକଳାପ ଅଲଗା ପ୍ରକାରର ଥିଲା । ଅଲଗା ରାଜ୍ୟ ପାଇଁ ପିଏଫଆଇର ଏଜେଣ୍ଡା ଅଲଗା ଥିଲା । ତେବେ କେଉଁ ରାଜ୍ୟ ପାଇଁ ପିଏଫଆଇର ଏଜେଣ୍ଡା କ’ଣ ଥିଲା ତା’ ଜାଣିବା ପୂର୍ବରୁ ଆସନ୍ତୁ ଜାଣିବା ପିଏଫଆଇ ମାଷ୍ଟର ପ୍ଲାନ୍ କ’ଣ ଥିଲା ।
ପିଏଫଆଇର ମାଷ୍ଟର ପ୍ଲାନ୍
ପିଏଫଆଇର ମାଷ୍ଟର ପ୍ଲାନ୍ ଥିଲା ଭାରତକୁ ଏକ ଇସଲାମିକ ରାଷ୍ଟ୍ରରେ ପରିଣତ କରିବା । ଯଦିଓ ଏହାର ନେତା ଅତ୍ୟନ୍ତ ନିରିହତାର ସହିତ ଓଲଟା ପ୍ରଶନ୍ କରନ୍ତି ଯେ, ମାତ୍ର ୧୬ ପ୍ରତିଶତ ମୁସଲିମ୍ ଜନସଂଖ୍ୟାକୁ ନେଇ ଆମେ କେମିତି ଭାରତକୁ ଇସଲାମିକ ରାଷ୍ଟ୍ର କରିପାରିବୁ । ତେବେ ପ୍ଲାନ୍ ଅଲଗା ଥିଲା । ଦେଶର ମୁସଲମାନ ଓ ଓବିସି,ଦଳିତଙ୍କୁ ନିଜ ପଟକୁ ଆଣି ଆଭ୍ୟନ୍ତରୀଣ ଅସ୍ତିରତା ସୃଷ୍ଟି ପିଏଫଆଇର ମାଷ୍ଟର ପ୍ଲାନ୍ ଥିଲା । ପିଏଫଆଇ ତା’ର କ୍ୟାଡରଙ୍କୁ ବାବା ସାହେଦ ଆମ୍ବେଦକର ଓ ସମ୍ବିଧାନକୁ ଅସ୍ତ୍ର କରି ନିଜର ଧର୍ମନିରପେକ୍ଷତା ଛବି ପ୍ରସ୍ତୁତ କରିବାକୁ କହିଥିଲା । ଦଳିତ ହିନ୍ଦୁଙ୍କୁ ଉଚ୍ଚ ଜାତିର ହିନ୍ଦୁଙ୍କଠାରୁ ଅଲଗା କରି ସାମାଜିକ ଅସ୍ଥିରତା ସୃଷ୍ଟି ଥିଲା ଲକ୍ଷ୍ୟ । ଥରେ ନିଜ ମନମାଫିକ ସ୍ଥିତି ସୃଷ୍ଟି ହେବା ପରେ ଧର୍ମନିରପେକ୍ଷତା ଓ ସମ୍ବିଧାନକୁ ବଦଳରେ ନିଜ ସମ୍ବିଧାନ ଲାଗୁ କରିବା ଥିଲା ଲକ୍ଷ୍ୟ ।
ଅଲଗା ରାଜ୍ୟ,ଅଲଗା ଏଜେଣ୍ଡା
ଦେଶର ୧୦ ରାଜ୍ୟ ପାଇଁ ପିଏଫଆଇର ପ୍ଲାନ୍ ଅଲଗା ଥିଲା । ଅଲଗା ଏଜେଣ୍ଡା ନେଇ ଏହା ବିଭିନ୍ନ ରାଜ୍ୟରେ ସକ୍ରିୟ ଥିଲା । ବିହାରକୁ ଏହା ବିଦେଶୀ ଚାନ୍ଦା ଓ ଅସ୍ତ୍ର ପାଇଁ ଯଦି ବ୍ୟବହାର କରୁଥିଲା ତେବେ ମଧ୍ୟପ୍ରଦେଶରେ ଯୁବକଙ୍କୁ ଫିଜିକାଲ ଟ୍ରେନିଂ ନାମରେ ଅସ୍ତ୍ରଶସ୍ତ୍ର ଟ୍ରେନିଂ ଦିଆଯାଉଥିଲା । ସେହିଭଳି ରାଜସ୍ଥାନରେ ଏହା ନିଜ କ୍ୟାଡରଙ୍କୁ ସର ତନ ସେ ଯୁଦା ଭଳି ସ୍ଲୋଗାନ ଦେଇ ମାହୋଲ ବିଗାଡିକୁ ଟ୍ରେନିଂ ଦେଉଥିଲା । ହିନ୍ଦୁ ମାନଙ୍କ ବିରୋଧରେ ହିଂସା ପରେ ଏହି ସ୍ଲୋଗାନ ଦେବାକୁ ଟ୍ରେନିଂ ଦିଆଯାଉଥିଲା । ରାଜସ୍ଥାନରେ ଗତ ଏକ ବର୍ଷ ମଧ୍ୟରେ ହିନ୍ଦୁ ପର୍ବ କାଳରେ ହୋଇଥିବା ଦଙ୍ଗା ପଛରେ ପିଏଫଆଇର ହାତ ଥିବା କୁହାଯାଉଛି । ମଧ୍ୟପ୍ରଦେଶରେ ଶିକ୍ଷିତ ଯୁବକଙ୍କୁ ଟ୍ରେନିଂ ଦିଆଯାଉଥିଲା । ସେମାନଙ୍କୁ ଫିଜିକାଲ ଟ୍ରେନିଂ ନାମରେ ଅସ୍ତ୍ର ଚଳାଇବା ଶିଖା ଯାଉଥିଲା । ଏମିତିକି ଯୁବକଙ୍କୁ ୪୦ ହଜାର ଟଙ୍କ ଦରମା ଦେଇ ନିଯୁକ୍ତ କରାଯାଇଥିଲା ।
ଉତ୍ତରପ୍ରଦେଶରେ ୫ଟି ବିନ୍ଦୁ ଉପରେ ହିଂସା ସୃଷ୍ଟି ପାଇଁ ପିଏଫଆଇ ପ୍ଲାନ୍ ତିଆରି କରିଥିଲା । ଉତ୍ତରପ୍ରଦେଶରେ ଏହି ସନ୍ଦେଶ ବ୍ୟାପକ ପ୍ରଚାର କରାଯାଇଥିଲା ଯେ, ମଥୁରା ଓ କାଶୀରେ ଯେପରି ପରାଜୟ ନମିଳେ ସେଥିପାଇଁ ଉଦ୍ୟମ କରାଯିବା ଉଚିତ । ଏହା ପୂର୍ବରୁ ନୁପୁର ଶର୍ମା ମାମଲାରେ ମଧ୍ୟ ପିଏଫଆଇ ହିଂସକୁ ପ୍ରଶୟ ଦେଇଥିଲା ।
