ପ୍ରେମ,ପ୍ରତାରଣ ଓ ହତ୍ୟା । ହତ୍ୟା ପୁଣି ବିଭତ୍ସତାର ସୀମା ବାହାରେ । ନିଜ ପ୍ରେମିକାକୁ ପ୍ରଥମେ ତଣ୍ଟି ଚିପି ହତ୍ୟା କଲା । ତା’ପରେ ଶରିରକୁ ୩୫ ଖଣ୍ଡରେ ବାଣ୍ଟିଲା । ଶରିର ଖଣ୍ଡକୁ ଫ୍ରିଜରେ ରଖି କିନ୍ତୁ ଗାର୍ଲ ଫ୍ରେଣ୍ଡ୍ ସହିତ କରୁଥିଲା ରୋମାନ୍ସ । ଗୋଟିଏ ଘରେ ଥିଲା ଲାସ ଓ ଚାଲିଥିଲା ବାସନାର ଖେଳ । ଇଏ ହେଉଛି ଆଫତାବ ପୁନାୱାଲାର ଜଘନ୍ୟ କାହାଣୀ । ଆଫତାବ ଏମିତି ଗୋଟିଏ ହତ୍ୟାକାଣ୍ଡକୁ ରୂପ ଦେଇଛି ଯାହାକୁ ନେଇ ଦେଶବ୍ୟାପି ସୃଷ୍ଟି ହୋଇଛି ଚାଂଚଲ୍ୟ । ଆଫତାବ କେବଳ ଜଣେ ଶ୍ରଦ୍ଧାକୁ ହତ୍ୟା କରିନି ସେ ମଧ୍ୟ ବିଶ୍ୱାସର ହତ୍ୟାକାରୀ । ତେବେ ଏଇ ଆଫତାବ ହତ୍ୟାକାରୀ ସାଜିବା ପୂର୍ବରୁ କେମିତି ଥିଲା ତା’ ଜୀବନ ? କେମିତି ସେ କରିଥିଲା ହତ୍ୟାର ପ୍ଲାନିଂ ?
ଅସ୍ଥିର ଆଫତାବ : ନା ପଢା ନା ସଂପର୍କ
୨୮ ବର୍ଷୀୟ ଅଫତାବ ପୁନାଓ୍ୱାଲା ମୁମ୍ବାଇରେ ପୁରା ପରିବାର ସହିତ ରହୁଥିଲା । ସ୍ୱଭାବରେ ଖୁବ୍ ଶାନ୍ତ ଥିଲା ବୋଲି କୁହନ୍ତି ଅଫତାବର ପରିବାର। ୨୦୧୧ ମସିହାରେ ସେଣ୍ଟ୍ ପିଟର୍ସ ଜୁନିଅର କଲେଜରେ ଦ୍ୱାଦଶ ପଢ଼ା ସାରିଥିଲା ଅଫତାବ । କିନ୍ତୁ ଅଫତାବକୁ ଘାରିଥିଲା ବିଜନେସର ନିଶା । ପଢ଼ା ଛାଡ଼ି ସିଧା ପୁନେ ଚାଲିଗଲା ଅଫତାବ । କିନ୍ତୁ ସେଠାରୁ କିଛି ମାସ ପରେ ଫେରି ଆସିଥିଲା । ବିଜନେସ ମ୍ୟାନେଜମେଣ୍ଟ ପଢ଼ିବା ପାଇଁ ସେ ସାନ୍ତାକ୍ରୁଜ୍ ସ୍ଥିତ ଏକ କଲେଜରେ BBA ଆଡମିଶନ କଲା । କିନ୍ତୁ ସେଠାରେ ପଢ଼ାକୁ ଅଧାରେ ଛାଡ଼ି ଗ୍ରାଫିକ୍ ଡିଜାଇନର ଭାବରେ କାମ କରିବାକୁ ଲାଗିଲା ଅଫତାବ । ଏହାପରେ ଆରମ୍ଭ ହୋଇଥିଲା ଶ୍ରଦ୍ଧା ଏବଂ ଅଫତାବର କାହାଣୀ । ଶ୍ରଦ୍ଧାକୁ ଏକ ଡେଟିଂ ଆପ ଜରିଆରେ ଯୋଗାଯୋଗ କରିଥିଲା ଅଫତାବ । ଅଫତାବର ଜଣେ ବନ୍ଧୁଙ୍କ କହିବା ହେଉଛି ଶ୍ରଦ୍ଧା ନଥିଲେ ଅଫତାବର ପ୍ରଥମ ପସନ୍ଦ । ଏହା ପୂର୍ବରୁ ମଧ୍ୟ ଅନ୍ୟ ଝିଅଙ୍କ ସହ ଅଫତାବର ସମ୍ପର୍କ ଥିଲା ।
ଶ୍ରଦ୍ଧାଙ୍କ ପରିବାର ଏହି ସମ୍ପର୍କକୁ ବିରୋଧ କରୁଥିଲେ । ତେଣୁ ଶ୍ରଦ୍ଧା ଅଫତାବ ସହିତ ଦିଲ୍ଲୀ ଚାଲି ଆସିଥିଲେ । ସେଠାରେ ମେହରୁଲିରେ ଏକ ଫ୍ଲାଟ ଭଡ଼ା ନେଇ ରହୁଥିଲେ । ବାହା ହେବା ପାଇଁ ଶ୍ରଦ୍ଧା ଜିଦ କରୁଥିବାରୁ ଉଭୟଙ୍କ ମଧ୍ୟରେ ଅନେକ ସମୟରେ ଝଗଡ଼ା ହେଉଥିଲା । ଗତ ମେ ୧୮ ତାରିଖରେ ମଧ୍ୟ ଉଭୟଙ୍କ ମଧ୍ୟରେ ଖୁବ୍ ଯୁକ୍ତିତର୍କ ହୋଇଥିଲା । ଏହାକୁ ନେଇ ଶ୍ରଦ୍ଧାଙ୍କ ଗଳାକାଟି ହତ୍ୟା କରିଥିଲା ଅଫତାବ । ଆଉ ହତ୍ୟା ପରେ ଶ୍ରଦ୍ଧାଙ୍କ ମୃତ ଶରୀରକୁ ୩୫ ଖଣ୍ଡ କରି କାଟିବା ସହ ଏକ ଫ୍ରିଜରେ ରଖିଥିଲା । ପ୍ରତ୍ୟେକ ରାତି ୨ଟାରେ ଘରୁ ବାହାରି ମୃତଦେହକୁ ବିଭିନ୍ନ ସ୍ଥାନରେ ଫିଙ୍ଗିଥିଲା ଅଫତାବ ।
ଫ୍ରିଜରେ ପ୍ରେମିକା ଶରିର,ବେଡରୁମରେ ଗର୍ଲଫ୍ରେଣ୍ଡ୍ ସହିତ ରୋମାନ୍ସ
ଆଫତାବ ମନରେ କୌଣସି ଅନୁତାପ ନାହିଁ । ପଶ୍ଚତାପ ନାହିଁ । ଶ୍ରଦ୍ଧାର ବାପାଙ୍କ ଆଗରେ ସେ କହିଛି ହଁ ମୁଁ ହିଁ ଶ୍ରଦ୍ଧାକୁ ମାରିଛି । ଆଉ ପାଖରେ ଥିବା ଜଣେ ପୋଲିସ ଅଧିକାରୀଙ୍କ ଅନୁସାରେ ଆଫତାବ ଅନୁତପ୍ତ ଥିବା ଭଳି ଲାଗୁନି । ପୋଲିସ ତଦନ୍ତରୁ ଏହା ମଧ୍ୟ ଜଣା ପଡ଼ିଛି ଯେ, ଆଫତାବ ହତ୍ୟା ପରେ ମଧ୍ୟ ଅବିଚଳିତ ଥିଲା । ଏତେ ଅବିଚଳିତ ଥିଲା ଯେ, ଶ୍ରଦ୍ଧାର ଶରିର ଖଣ୍ଡ ଫ୍ରିଜରେ ଥିଲା ଆଉ ସେ ଅନ୍ୟ ଜଣେ ଝିଅ ସହିତ ବେଡରୁମରେ ପ୍ରେମ କରୁଥିଲା । ଅବଶ୍ୟ ଆଫତାବର ଅସଲ ଚେହେରା ବାବଦରେ ସେହି ଗର୍ଲଫ୍ରେଣ୍ଡ୍ କିଛି ମଧ୍ୟ ଜାଣିନଥିଲେ ।
ହତ୍ୟା ପରେ ବି ପଶ୍ଚାତାପ ନଥିଲା । ହସଖୁସିରେ ରହୁଥିଲା । ଦିନରେ ନୂଆ ଝିଅଙ୍କୁ ବେଡ ରୁମକୁ ଆଣୁଥିଲା । ଆଉ ରାତି ହେଲେ ଫ୍ରିଜରେ ଥିବା ପ୍ରେମିକାର କଟା ଅଂଶକୁ ପଲିଥିନରେ ପ୍ୟାକ କରୁଥିଲା । ସୁଯୋଗ ଦେଖି ରାତି ୨ଟାରେ ନିକଟସ୍ଥ ଜଙ୍ଗଲରେ ଫିଙ୍ଗୁଥିଲା । ଚାଲାକି ପ୍ରେମିକ ପୁଣି ଗୋଟିଏ ସ୍ଥାନରେ ଶରୀରର ଖଣ୍ଡକୁ ଫିଙ୍ଗୁନଥିଲା । ପ୍ରତଚିଦିନ ସ୍ଥାନ ବଦଳାଉଥିଲା । ଆଉ ଏଥିପାଇଁ ଆଫତବକୁ ଲାଗିଯାଇଥିଲା ୧୮ ଦିନ । ସାଙ୍ଗର ସନ୍ଦେହକୁ ନେଇ ଶ୍ରଦ୍ଧାକୁ ଖୋଜିଥିଲା ପୋଲିସ । ଥାନାରେ ନିଖୋଜ ଏତଲା ଦେଇଥିଲେ ଶ୍ରଦ୍ଧାଙ୍କ ବାପା । ଆଉ ହତ୍ୟାର ୫ମାସ ପରେ ଅଭିଯୁକ୍ତ ପ୍ରେମିକକୁ ଗିରଫ କରିଛି ଦିଲ୍ଲୀ ପୋଲିସ ।
