ଏହି ମାମଲାରେ ଶାହବାଜ ଇମ୍ରାନଙ୍କଠାରୁ ଆଗରେ,ପତ୍ନୀଙ୍କ ପାଇଁ ସରକାରୀ ଟଙ୍କାରେ ତିଆରି କରିଥିଲେ ଫ୍ଲାଏ ଓଭର

369

ପାକିସ୍ତାନରେ କ୍ୟାପ୍ଟେନଙ୍କ ସରକାର ବର୍ତ୍ତମାନ ପାଇଁ ଯାଇଛି । ତାଙ୍କ ସ୍ଥାନରେ ନୂଆ ପ୍ରଧାନମନ୍ତ୍ରୀ ହୋଇଛନ୍ତି ଶାହବାଜ ସରିଫ୍ଶାହବାଜଙ୍କ ଭାଇ ନୱାଜ ସରିଫ ଆଗରୁ ଦୁଇଥ ପ୍ରଧାନମନ୍ତ୍ରୀ ଥିଲେ । ତାଙ୍କରି ଅମଳରେ ହିଁ କାରଗିଲ ଯୁଦ୍ଧ ହୋଇଥିଲା । ତେଣୁ ସରିଫ୍ ପରିବାର ପାଇଁ ପ୍ରଧାନମନ୍ତ୍ରୀ ପଦ ନୁଆ ନୁହେଁ । ପାକିସ୍ତାନର ନୂଆ ପ୍ରଧାନମନ୍ତ୍ରୀ ଦେଶକୁ ଆର୍ଥିକ ସଂକଟ ଭିତରୁ ବାହାର କରିପାରିବେ କି ନାହିଁ କିମ୍ବା ସେ ଇମ୍ରାନଙ୍କଠାରୁ ଭଲ ପ୍ରଧାନମନ୍ତ୍ରୀ ପ୍ରମାଣିତ ହେବେ ତାହା ସମୟ କହିବ । କିନ୍ତୁ ଗୋଟିଏ ମାମଲାରେ ଶାହବାଜ ପୁରୁଣା ପ୍ରଧାନମନ୍ତ୍ରୀ ଇମ୍ରାନଙ୍କଠାରୁ ଆଗରେ ଅଛନ୍ତି । ଆସନ୍ତୁ ଜାଣିବା ସେହି ମାମଲା କ’ଣ ?

ଇମ୍ରାନଙ୍କ ପତ୍ନୀ ସଂଖ୍ୟାଠାରୁ ଶାହବାଜଙ୍କ ପତ୍ନୀଙ୍କ ସଂଖ୍ୟା ଅଧିକ

ଇମ୍ରାନ ଖାନ ତାଙ୍କ ଲଭ୍ ଲାଇଫ୍ ପାଇଁ ବେସ ଚର୍ଚ୍ଚାରେ ରୁହନ୍ତି । ଇମ୍ରାନ ତିନି ଥର ବାହା ହୋଇଛନ୍ତି । କିନ୍ତୁ ଶାହବାଜ ୫ ଥର । ମାନେ ଇମ୍ରାନଙ୍କଠାରୁ ଶାହାବାଜ ଦୁଇ ଥର ଅଧିକ ବାହା ହୋଇଛନ୍ତି । ଇମ୍ରାନଙ୍କ ତୃତୀୟ ପତ୍ନୀ ବୁଶାରା ବିବି ଯଦି କଳାଯାଦୁ କରିପାରନ୍ତି ତେବେ ଶାହାବାଜ ତାଙ୍କ ପତ୍ନୀଙ୍କୁ ଏତେ ଭଲ ପାଆନ୍ତି ଯେ, ସେ ତାଙ୍କ ପାଇଁ ସରକାରୀ ଟଙ୍କାରେ ଗୋଟିଏ ଫ୍ଲାଏ ଓଭର ତିଆରି କରିଥିଲେ । ଯେମିତି ପତ୍ନୀ ଶୀଘ୍ର ଘରେ ପହଂଚି ପାରିବେ । ଶାହାବାଜ ପତ୍ନୀଙ୍କ ପାଇଁ ତିଆରି କରିଥିବା ଫ୍ଲାଏ ଓଭର ’ହନି’ ବ୍ରିଜ୍ ନାମରେ ପାକିସ୍ତାନରେ ପରିଚିତ ।

୫ ବେଗମଙ୍କ ପତି

ଶାହାବାଜ ୫ ବିବାହ କରିଛନ୍ତି ଶାହାବାଜଙ୍କ ପ୍ରଥମ ବିବାହ ୧୯୭୩ରେ ହୋଉଥିଲା ଓ ଶେଷ ବିବାହ ୨୦୧୨ରେ ହୋଇଥିଲାନୁସରତଙ୍କ ସହିତ ଶାହାବାଜ ପ୍ରଥମ ନିକାହ ହୋଇଥିଲା । ୧୯୯୩ ପର୍ଯ୍ୟନ୍ତ ଏହି ବିବାହ ତିଷ୍ଟିଥିଲା । ସେହି ବର୍ଷ ଅର୍ଥାତ ୧୯୯୩ରେ ସେ ଆଲିଆ ହନିଙ୍କୁ ବିବାହ କରିଥିଲେ । ଆଲିଆଙ୍କ ସହିତ ବିବାହକୁ ଶାହାବାଜଙ୍କ ବଡ଼ଭାଇ ନୱାଜ୍ ବିରୋଧ କରିଥିଲେ । କିନ୍ତୁ ଶାହାବାଜ ତାଙ୍କ କଥା ଶୁଣିନଥିଲେ । ତେବେ ଏହି ବିବାହ ମାତ୍ର ଏକ ବର୍ଷ ତିଷ୍ଟିଥିଲା । ବର୍ଷକ ପରେ ୧୯୯୪ରେ ଆଲିଆ ହନିଙ୍କୁ ତଲାକ ଦେଇଥିଲେ ଶାହାବାଜ । ଏହାପରେ ଶାହାବାଜ ନିଲୋଫର ଖୋସାଙ୍କୁ ବିବାହ କରିଥିଲେ । ୨୦୦୩ରେ ଶାହାବାଜ ପୁଣିଥରେ ବିବାହ କରିବାକୁ ମନ ବଳାଇଥିଲେ । ସେହି ବର୍ଷ ସେ ସୋସିଆଲାଇଟ୍ ତେହମୀନା ଦୁରାନୀଙ୍କୁ ବିବାହ କରିଥିଲେ । ଏହାର ୯ ବର୍ଷ ପରେ ୨୦୧୨ରେ ସେ କଲସୁମ୍ ହୟୀଙ୍କୁ ଗୁପ୍ତରେ ବିବାହ କରିଥିଲେ ।

ଶାହାବାଜଙ୍କ ‘ହନି’ ବ୍ରିଜ୍

ଶାହାବାଜ ଏବେ ନିଜର ଦୁଇ ପତ୍ନୀ ନୁସରତ ଓ ତେହମୀନଙ୍କ ସହିତ ଏକାଠି ଗୋଟିଏ ଘରେ ରହୁଛନ୍ତି । ଆଲିଆ ହନି, ନିଲୋଫର ଓ କୁଲସୁମଙ୍କୁ ସେ ତଲାକ ଦେଇ ସାରିଛନ୍ତି । ସବୁଠାରୁ ବଡ଼ କଥା ହେଲା ଆଲିଆ ହନି କେମିତି ଶୀଘ୍ର ଘରେ ପହଞ୍ଚିବେ ସେଥିପାଇଁ ସେ ସରକାରୀ ବଜେଟରେ ଗୋଟିଏ ଫ୍ଲାଏ ଓଭର ତିଆରି କରିଥିଲେଯାହାକୁ ଲୋକ ଥଟ୍ଟାରେ ହନି ବ୍ରିଜ୍ ବୋଲି କୁହନ୍ତି । ତେବେ ହନି ଏବେ ଶାହାବାଜଙ୍କ ଆଉ ହନି ହୋଇ ରହିନାହାନ୍ତି । ଶାହାବାଜ-ନୂସରତଙ୍କର ଦୁଇ ପୁଅ ଓ ତିନି ଝିଅ ଥିବା ବେଳେ ଆଲିଆଙ୍କ ପଟୁ ଝିଅ ରହିଛି । ଆଗରୁ ପଂଜାବ ପ୍ରଦେଶର ମୁଖ୍ୟମନ୍ତ୍ରୀ ଥିବା ଶାହବାଜଙ୍କୁ ଏକଦା ଜେନରାଲ ପରଭେଜ୍ ମୁଶରଫ ପ୍ରଧାନମନ୍ତ୍ରୀ ପଦ ଅଫର କରିଥିଲେ । କିନ୍ତୁ ଶାହାବାଜ ଅଫରକୁ ପ୍ରତ୍ୟାଖାନ କରିଥିଲେ । କାରଣ ତାଙ୍କ ଭାଇଙ୍କୁ ଗାଦିଚ୍ୟୁତ କରିଥିଲେ ମୁଶାରଫ ।

ଶାହାବାଜଙ୍କର ଏକ ବ୍ୟବସାୟୀକ ସାମ୍ରାଜ୍ୟ ମଧ୍ୟ ରହିଛି । ସେ ଇତେଫାକ୍ ଗ୍ରୁପରେ ମୁଖ୍ୟ । ଏହି ଗ୍ରୁପ ଅନେକ କ୍ଷେତ୍ରରେ ବ୍ୟବାସୟ କରୁଛି । ଶାହାବାଜ ଓ ନୱାଜଙ୍କୁ ଛାଡିଦେଲେ ସେମାନଙ୍କର ଆଉ ୪ ଭାଇ ଅଛନ୍ତି ।

Leave A Reply

Your email address will not be published.

Close Bitnami banner
Bitnami