୫ ବର୍ଷ ହେଲା ଦେଇନାହାନ୍ତି ବୀମା ପ୍ରିମିୟମ ? ଏମିତି ହୋଇ ପାରିବ ପଲିସି ରିଭାଇଭାଲ…

1,090

ସୁରକ୍ଷିତ ଭବିଷ୍ୟତ ବା ନିଜ ପରିବାର ପାଇଁ ଜୀବନ ବୀମା କରିବା ନିହାତି ଆବଶ୍ୟକ । ଆପଣ ମଧ୍ୟ କରିଥିବେ । କିନ୍ତୁ କେବେ କେବେ ଅର୍ଥ ସମସ୍ୟାରୁ କେହି କେହି ପ୍ରିମିୟମ୍ ଦେଇ ପାରିନଥାନ୍ତି । ଏଥିରୁ କିଭଳି ଆଶ୍ୱସ୍ତି ପାଇବେ ତାହା ମଧ୍ୟ ଏକ ସମସ୍ୟା । କିନ୍ତୁ ଏବେ ଆପଣଙ୍କର ଏହି ସମସ୍ୟାର ସମାଧାନ ସହଜରେ ହୋଇଯିବ । କାରଣ ଆପଣଙ୍କର ବନ୍ଦ ହୋଇ ଯାଇଥିବା LICକୁ ଚାଲୁ କରିବାକୁ ମିଳୁଛି ସୁବର୍ଣ୍ଣ ସୁଯୋଗ । ତେବେ କ’ଣ ଏହି ସୁଯୋଗ ନଜର ପକାନ୍ତୁ ।

LIC ଆଣିଛି ଲ୍ୟାପ୍ସଡ ପଲିସି ରିବାଇବାଲ ସ୍କିମ୍ । ୭ ଫେବୃଆରୀରୁ ୨୫ ମାର୍ଚ୍ଚ ପର୍ଯ୍ୟନ୍ତ LIC ପଲିସି ହୋଲ୍ଡରଙ୍କୁ ଲ୍ୟାପ୍ସ ହୋଇ ଯାଇଥିବା ବୀମା ପଲିସିକୁ ପୁଣିଥରେ ଚାଲୁ ରଖିବା ପାଇଁ ସୁଯୋଗ ଦେଉଛି । ଯେଉଁଥିରେ ବୀମା ପଲିସିକୁ ପୁଣିଥରେ ସକ୍ରିୟ ବା ଚାଲୁ ରଖିବା ପାଇଁ ଦେବାକୁ ଥିବା ଫିସ୍ ଉପରେ ଛାଡ଼ ଦିଆଯାଉଛି । ଯେଉଁ ପଲିସିର ମ୍ୟାଚୁରିଟି ପୂରା ହୋଇନାହିଁ ସେମାନେ ଏହି ସ୍କିମ୍ ଦ୍ୱାରା ପଲିସିକୁ ପୁନର୍ବାର ଚାଲୁ କରିପାରିବେ । କେବଳ ସେତିକି ନୁହେଁ ୫ ବର୍ଷ ଧରି ପ୍ରିମିୟମ ଭରଣ ହୋଇନଥିଲେ ମଧ୍ୟ ଉକ୍ତ ଆକାଉଣ୍ଟକୁ ସକ୍ରିୟ କରାଯାଇ ପାରିବ । କିନ୍ତୁ ଧ୍ୟାନ ରଖିବେଯେ, ଟର୍ମ ପ୍ଲାନ୍ ଏବଂ ହାଇ ରିସ୍କ ପ୍ଲାନରେ ଛାଡ଼ ମିଳିବ ନାହିଁ ।

କେବଳ ସେତିକି ନୁହେଁ ବରଂ ପଲିସିକୁ ପୁଣିଥରେ ସକ୍ରିୟ କରିବା ପାଇଁ ମେଡିକାଲ ଚେକ୍ ଅପ୍ କରିବା ବାଧ୍ୟତାମୂଳକ । ଅନ୍ୟପଟେ ସ୍ୱାସ୍ଥ୍ୟ ଏବଂ ମାଇକ୍ରୋ ବୀମା ପ୍ଲାନକୁ ପୁଣିଥରେ ଚଲାଇବା ପାଇଁ କୌଣସି ଫାଇନ୍ ଦେବାକୁ ପଡ଼ିବ ନାହିଁ ।

IRDAI ଗାଇଡଲାଇନ୍ ଅନୁସାରେ ଗ୍ରେସ୍ ପିରିୟଡରେ ପେମେଣ୍ଟ ନ କଲେ ଇନ୍ସୁରାନ୍ସ ପଲିସି ଲ୍ୟାପ୍ସ ହୋଇଯାଏବାର୍ଷିକ, ଅର୍ଦ୍ଧ-ବାର୍ଷିକ ଏବଂ ତ୍ରୈମାସିକ ପ୍ରିମିୟମ୍ ଭରିବାର ଅବଧି ହେଉଛି ୩୦ ଦିନ ।

ପ୍ରତି ମାସରେ ପ୍ରିମିୟମ ଦେବାର ଗ୍ରେସ୍ ପିରିୟଡ୍ ୧୫ ଦିନ । ଏକ ଲ୍ୟାପ୍ସ ପଲିସିକୁ ଦ୍ୱିତୀୟ ଥର ଚାଲୁ କରିବା ପାଇଁ ସୁଧ ସହିତ ଆକୁମୁଲେଟଡ ପ୍ରିମିୟମ ଦେବାକୁ ପଡ଼ିଥାଏ । ଏହା ସହିତ ନିୟମାନୁସାରେ ଜିଏସଟି ଲାଗିବ ।

ତେବେ ଏହି ବିଶେଷ ଅଫର ଦ୍ୱାରା ଲ୍ୟାପ୍ସଡ ଏଲଆଇସି ପଲିସିକୁ ପୁଣିଥରେ ସକ୍ରିୟ କରିବା ପାଇଁ ପଲିସି ହୋଲ୍ଡରଙ୍କୁ ନିଜ LIC ଏଜେଣ୍ଟଙ୍କ ସହିତ ଯୋଗାଯୋଗ କରିବାକୁ ପଡ଼ିବ ।

ଆପଣ LICର ଅଫିସିଆଲ ଓ୍ୱେବସାଇଟରୁ ରିବାଇବାଲ ଫର୍ମ ଡାଉନଲୋଡ କରିପାରିବେ ।

୧ଲକ୍ଷର ପ୍ରିମିୟମର ହେଲ୍ଥ ଇନ୍ସୁରାନ୍ସରେ ବିଳମ୍ବରେ ପ୍ରିମିୟମ ଦେଲେ ୨୦ ପ୍ରତିଶତ ବା ୨ ହଜାର ଟଙ୍କା ଏବଂ ୩ ଲକ୍ଷ ପ୍ରିମିୟମ ପଲିସିରେ ୩୦ ପ୍ରତିଶତ ବା ୩ ହଜାର ଟଙ୍କା ଛାଡ଼ ମିଳିବ ।

ଏହା ସହିତ LIC IPOରେ ନିଜ ପଲିସି ହୋଲ୍ଡରଙ୍କୁ ରିହାତି ମୂଲ୍ୟରେ ଶେୟାର ଦେବାପାଇଁ ଯୋଜନା କରିଛି । ଅର୍ଥାତ୍ LICର ଲକ୍ଷ ଲକ୍ଷ ପଲିସି ହୋଲ୍ଡରଙ୍କୁ ଶସ୍ତାରେ ଶେୟାର ପାଇବାର ସୁଯୋଗ ମିଳିବତେବେ ଏଲଆଇସି ନିଜ କର୍ମଚାରୀଙ୍କ ପାଇଁ ମଧ୍ୟ ଏକ ଭାଗ ରିଜର୍ଭ ରଖିବାକୁ ନେଇ ଯୋଜନା ଜାରି ରଖିଛି ।

Leave A Reply

Your email address will not be published.

Close Bitnami banner
Bitnami