ଏଥର ନିର୍ବାଚନ କମିଶନ ଶକ୍ତ, ରୋଡ୍ ସୋ’, ସଭାକୁ ନା

457

ପଶ୍ଚିମ ବଙ୍ଗ ନିର୍ବାଚନ କାଳରେ କରୋନା ବିସ୍ଫୋରଣରୁ ବୁଦ୍ଧି ସିଖିଥିବା ନିର୍ବାଚନ କମିଶନ ଚଳିତ ବର୍ଷ ହେବାକୁ ଥିବା ୫ ରାଜ୍ୟର ବିଧାନସଭା ନିର୍ବାଚନକୁ ନେଇ କଠୋର ଦୃଷ୍ଟିକୋଣ ଆପଣାଇଛନ୍ତି । ଏଥର ନିର୍ବାଚନ ପ୍ରଚାର ବେଳେ ଅତିକମରେ ଜାନୁଆରି ୧୫ ତାରିଖ ପର୍ଯ୍ୟନ୍ତ କୌଣସି ପ୍ରକାରର ରୋଡ୍ ସୋ’, ରାଲି, ବାଇକ୍ ରାଲି ଉପରେ କମିଶନ ପ୍ରତିବନ୍ଧକ ଲାଗୁ କରିଛନ୍ତି । ମୁଖ୍ୟ ନିର୍ବାଚନ କମିଶନ ସୁଶୀଲ ଚନ୍ଦ୍ରା ସ୍ପଷ୍ଟ ଭାବେ କହିଛନ୍ତି ଯେ, ୧୫ ଜାନୁଆରି ପରେ ସ୍ଥିତି ଦେଖି ପରବର୍ତ୍ତି ନିର୍ଣ୍ଣୟ ନିଆଯିବ ।

ଜାନୁଆରୀ ୧୫ ପର୍ଯ୍ୟନ୍ତ କୌଣସି ସଭାକୁ ଅନୁମତି ନାହିଁ

ଜାନୁଆରି ୧୫ ତାରିଖ ପର୍ଯ୍ୟନ୍ତ ଲୋକଙ୍କ ଶାରିରିକ ଉପସ୍ଥିତି ବିଶିଷ୍ଟ କୌଣସି ପ୍ରକାରର ଜନସଭା, ପଦଯାତ୍ରା, ସାଇକେଲ ରାଲି କିମ୍ବା ବାଇକ୍ ରାଲି ନକରିବାକୁ କମିଶନ ତାଗିଦ କରିଛନ୍ତି । କରୋନା ମହାମାରୀ ସ୍ଥିତିରେ ପରିବର୍ତ୍ତନ ଆସିଲେ ଓ ସ୍ଥିତି ସମୀକ୍ଷା କରି କମିଶନ ରାଲି ବାବଦରେ ନିଷ୍ପତ୍ତି ନେବେ ।

ଦଳଙ୍କୁ ଡିଜିଟାଲ ପ୍ରଚାର ପାଇଁ କମିଶନଙ୍କ ପରାମର୍ଶ

ନିର୍ବାଚନ କମିଶନ ସବୁ ରାଜନୈତିକ ଦଳଙ୍କୁ ଡିଜିଟାଲ ପ୍ରଚାର ପାଇଁ କହିଛନ୍ତିକରୋନା ମହାମାରୀ କାରଣରୁ ସୋସିଆଲ ମିଡିଆରେ ଅଧିକରୁ ଅଧିକ ପ୍ରଚାର ଉପରେ କମିଶନ ଗୁରୁତ୍ୱ ଦେଇଛନ୍ତି । ସୂଚନାଯୋଗ୍ୟ ଯେ, ମୋଟ ୭ଟି ପର୍ଯ୍ୟାୟରେ ୫ ରାଜ୍ୟର ବିଧାନସଭା ପାଇଁ ନିର୍ବାଚନ ହେବ ଓମିକ୍ରନ୍ ଆତଙ୍କ ଭିତରେ ନିର୍ବାଚନ ହେବ କି ନାହିଁ ତାକୁ ନେଇ ଆଶଙ୍କା ଲାଗୁ ରହିଥିଲା ।

ଅଖିଳେଶ କହିଲେ ଟଙ୍କା ନାହିଁ

ରାଲି, ରୋଡ୍ ସୋ’କୁ ନିର୍ବାଚନ କମିଶନ ଅନୁମତି ଦେଇ ନାହାନ୍ତିଡୋର୍ ଟୁ ଡୋର୍ କ୍ୟାମ୍ପେନ ବେଳେ ନେତାଙ୍କ ସହ ୫ରୁ ଅଧିକ କର୍ମୀ ଯାଇ ପାରିବେ ନାହିଁ ବୋଲି କମିଶନ କହିଛନ୍ତି । ସେହିଭଳି ସକାଳ ୮ ପୂର୍ବରୁ ଓ ରାତି ୮ ପରେ ପ୍ରଚାର ହୋଇ ପାରିବ ନାହିଁ ବୋଲି କହିଛନ୍ତି କମିଶନ । ଏହା ସହିତ ଡିଜିଟାଲି ପ୍ରଚାର ଉପରେ ଗୁରୁତ୍ୱ ଦେଇଛନ୍ତି କମିଶନ । ତେବେ ସମାଜବାଦୀ ପାର୍ଟି ନେତା ତଥା ଉତ୍ତର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବ କମିଶନଙ୍କ ଏହି ନିଷ୍ପତିକୁ ନେଇ ଖୁସୀ ନାହାନ୍ତି । ସେ କହିଛନ୍ତି ଯେ, ଡିଜିଟାଲ ପ୍ରଚାରରେ ଆମେ ବିଜେପିକୁ ଟକ୍କର ଦେଇ ପାରିବୁ ନାହିଁ । ବିଜେପି ଭଳି ଆମ ପାଖରେ ଏତେ ବଜେଟ୍ ନାହିଁ ।

୭ ପର୍ଯ୍ୟାୟ, ୬୯୦ ଆସନ

୫ ରାଜ୍ୟର ୬୯୦ ଆସନ ପାଇଁ ୭ଟି ପର୍ଯ୍ୟାୟରେ ନିର୍ବାଚନ ହେବମଣିପୁର,ପଂଜାବ,ଉତ୍ତର ପ୍ରଦେଶ,ଗୋଆ ଓ ଉତ୍ତରାଖଣ୍ଡର ଭୋଟର ନୂଆ ସରକାର ପାଇଁ ଭୋଟ୍ ଦେବେ । ଉତ୍ତର ପ୍ରଦେଶ ନିର୍ବାଚନକୁ ୨୦୨୪ର ସାଧାରଣ ନିର୍ବାଚନ ପୂର୍ବର ଟ୍ରେଲର ବୋଲି କୁହାଯାଉଛି ।

Leave A Reply

Your email address will not be published.

Close Bitnami banner
Bitnami