ଆଉ ଏମିତି ହେଲା ଜ୍ୟାକ୍ ମା’ଙ୍କ ପତନ..

593

ଅଦୃଶ୍ୟ ବିଲିୟନେୟାର: ଜ୍ୟାକ୍ ମା

ଜ୍ୟାକ୍ ମା’ କାଲି ପର୍ଯ୍ୟନ୍ତ ସେ ଥିଲେ ବିଜନେସ ଦୁନିଆର ଚମକୁଥିବା ତାରା । ଦୁନିଆ ସାରା ଜ୍ୟାକ୍ ମା’ଙ୍କୁ ନେଇଥିଲା ଚର୍ଚ୍ଚା । କେମିତି ଜଣେ ସାଧାରଣ ବ୍ୟକ୍ତି ରାସ୍ତାରୁ ଉଠି ସଫଳତାର ଶୀର୍ଷରେ ପହଂଚିପାରେ, ତା’ର ଉଦାହରଣ ଥିଲେ ଜ୍ୟାକ୍ । ବିଶ୍ୱର ଅନେକ ଯୁବକ ଜ୍ୟାକଙ୍କ କମ୍ପାନୀରେ ଚାକିରି କରିବାର ସ୍ୱପ୍ନ ଦେଖୁଥିଲେ । କିନ୍ତୁ ଏବେ ଜ୍ୟାକ୍ ଓ ତାଙ୍କ କମ୍ପାନୀ ଅତିତ ପାଲଟି ଯାଇଛନ୍ତି । ତା’ପୁଣି ମାତ୍ର ମାସ କେଇଟାରେ । କେବଳ କଥା ଏତିକିରେ ସରୁନାହିଁ । ଜ୍ୟାକ୍ ସମ୍ପୂର୍ଣ୍ଣ ଭାବେ ଗାଏବ ହୋଇଯାଇଛନ୍ତି । କିଛି ବର୍ଷ ତଳେ ଯେଉଁ ଚୀନ ଜ୍ୟାକଙ୍କ ନାମକୁ ନେଇ ଗର୍ବ କରୁଥିଲା, ବାହାର ବିଶ୍ୱରେ ଜ୍ୟାକଙ୍କ ନାମକୁ ଏନକ୍ୟାସ କରୁଥିଲା ଏବେ ସେହି ଚୀନ୍ ଜ୍ୟାକଙ୍କ ଅସ୍ଥିତ୍ୱ ଓ ତାଙ୍କ ଅତିତକୁ ଇତିହାସରୁ ପୋଛି ଦେବାକୁ ଉଦ୍ୟମ କରୁଛି । ଜ୍ୟାକ୍ ଓ ତାଙ୍କ କମ୍ପାନୀ ଜ୍ୟାକ୍ ମା’ ଇଙ୍କର ଅନ୍ତ ଏତେ ହୃଦୟବିଦାରକ ହେବ ବୋଲି ସମ୍ଭବତଃ କେହି ମଧ୍ୟ କଳ୍ପନା କରିନଥିବେ । ମାତ୍ର ଗୋଟିଏ ବର୍ଷ ଭିତରେ ଜ୍ୟାକ୍ ଓ ତାଙ୍କ କମ୍ପାନୀ ଆକାଶରୁ ଖସି ମାଟି କାମୁଡିଛି । ଆଉ ଏସବୁ ହୋଇଛି ଚୀନ୍ କମ୍ୟୁନିଷ୍ଟ ପାର୍ଟିର ଅହଂ ପାଇଁ । ଆସନ୍ତୁ ଜାଣିବା କେମିତି ବିଶ୍ୱର ଚର୍ଚ୍ଚିତ ଧନୀ ବ୍ୟକ୍ତି ସି ଜିନ୍ ପିଙ୍ଗଙ୍କ ଆକ୍ରୋଶର ଶିକାର ହେଲେ । କେମିତି ଡୁବିଗଲା ତାଙ୍କର ଲକ୍ଷ ଲକ୍ଷ କୋଟିର ସାମ୍ରାଜ୍ୟ

ଜ୍ୟାକ୍ ମା’ କିଏ ?

ଜ୍ୟାକ୍ ହେଉଛନ୍ତି ସଫଳତାର କାହାଣୀ । ଆଉ ମଧ୍ୟ ଜ୍ୟାକ୍ ହେଉଛନ୍ତି ନିରଙ୍କୁଶ କ୍ଷମତାର ଶିକାର ହୋଇଥିବା ଜଣେ ବ୍ୟକ୍ତି । ଯିଏ ଗୋଟିଏ ସ୍ୱପ୍ନରୁ ଯାତ୍ରା ଆରମ୍ଭ କରି ସଫଳତାର ଏମିତି ଉଦାହରଣ ପେସ୍ କରିଥିଲେ ଯାହା ଆଗକୁ ଇତିହାସର ଲିପିବଦ୍ଧ ହୋଇ ରହିବ । ଜ୍ୟାକ୍ ଚୀନର ସବୁଠାରୁ ବଡ଼ ଟେକ୍ କମ୍ପାନୀ ଅଲ୍ଲିବାବା ଓ ଦୁନିଆର ସବୁଠାରୁ ବଡ଼ ଫିନଟେକ୍ କମ୍ପାନୀ ଏଣ୍ଟ୍ ଗ୍ରୁପର ପ୍ରତିଷ୍ଠାତା । ତାଙ୍କ ବ୍ୟବସାୟ ପୁରା ବିଶ୍ୱରେ ଦୃତଗତିରେ ପ୍ରସାରିତ ହେଉଥିଲା । ସେ ପାଲଟି ଯାଇଥିଲେ ଦୁନିଆର ସବୁଠୁ ଚର୍ଚ୍ଚିତ ଟାଇକୁନ୍ । ଆମାଜନ, ଆପଲ ଓ ଗୁଗଲକୁ ଛାଡି କେବଳ ଜ୍ୟାକଙ୍କ କମ୍ପାନୀ ଅଲ୍ଲିବାବାର ମୂଲ୍ୟ କୌଣସି ଆମେରିକୀୟ କମ୍ପାନୀଠାରୁ ଅଧିକ ଥିଲା । କେବଳ ଏତିକି ନୁହେଁ ସେ ମଧ୍ୟ ଥିଲେ ଚୀନର ସବୁଠାରୁ ପ୍ରଶିଦ୍ଧ ବ୍ୟକ୍ତି । ଏକ ସର୍ଭେ ଅନୁସାରେ ଚୀନ୍ ରାଷ୍ଟ୍ରପତି ସି ଜିନ୍ ପିଙ୍ଗଙ୍କୁ ଚୀନ ବାହାରେ ଯେତିକି ଲୋକ ଜାଣନ୍ତି ତା’ଠାରୁ ଅଧିକ ଜ୍ୟାକଙ୍କୁ ଜାଣନ୍ତି । ଜେଫ୍ ବେଜୋସ,ଏଲନ ମସ୍କ ଓ ବିଲ ଗେଟସଙ୍କ ପୂର୍ବରୁ ମଧ୍ୟ ତାଙ୍କ ନାମ ଆସୁଥିଲା । ତେଣିକି ତାହା ସମ୍ପତ୍ତି ହେଉ କି ପ୍ରସିଦ୍ଧି ।

ଇନୋଭେସନ୍ ଯୁଗରେ ‘ମା’ ଯୁଗ

ଚୀନ ମିଡିଆରେ ଜ୍ୟାକ୍ ମା’ଙ୍କ ସମୟକୁ ଇନୋଭେସନ୍ କ୍ଷେତ୍ରରେ ମ’ ଯୁଗ ବୋଲି କହୁଥିଲା । କିନ୍ତୁ ଗୋଟିଏ ବର୍ଷ ଭିତରେ ସବୁକିଛି ବଦଳିଯାଇଥିଲା । ଯେଉଁ ମିଡିଆ ଜ୍ୟାକଙ୍କ ଗୁଣଗାନ କରିବାରେ ହେଳା କରୁନଥିଲା ସେହି ମିଡିଆ ଏବେ ତାଙ୍କୁ ନେଇ ନିରବ । କିମ୍ବା ଜ୍ୟାକଙ୍କୁ ଖଳନାୟକ ଭାବେ ଚିତ୍ରିତ କରିବାର କୌଣସି ସୁଯୋଗ ଛାଡୁନାହିଁ । ଆଜି ଜ୍ୟାକ୍ ଧନୀକ ତାଲିକାରୁ ଅଦୃଷ୍ୟ ହୋଇଯାଇଛନ୍ତି । ଚୀନ୍ ମିଡିଆରେ ତାଙ୍କ ନାମକୁ ନେଇ କୌଣସି ଚର୍ଚ୍ଚା ନାହିଁ କି ତାଙ୍କ କମ୍ପାନୀର କୌଣସି ଉଲ୍ଲେଖ । ଯଦି କିଛି ବି ଉଲ୍ଲେଖ ହେଉଛି ତେବେ ତାହା ହେଲା ଜ୍ୟାକ୍ ଇଙ୍କର ପତନର କାହାଣୀ

ଜ୍ୟାକ୍ ମା’ ଇଙ୍କ୍, ଅଲ୍ଲିବାବା ଓ ଏଣ୍ଟ୍ ଗ୍ରୁପର କ୍ଷତି

ଜ୍ୟାକ ଓ ତାଙ୍କପତନର କାହାଣୀ ଆରମ୍ଭ ହୋଇଥିଲା ତାଙ୍କର ଏକ ବିବାଦୀୟ ଟିପ୍ପଣୀରୁଜ୍ୟାକ୍ ଏକ ସଭାରେ ଖୋଲାଖୋଲି ଭାବେ କମ୍ୟୁନିଷ୍ଟ ସରକାର ବିଶେଷକରରୀ ରାଷ୍ଟ୍ରପତି ସି ଜିନ୍ ପିଙ୍ଗଙ୍କ ଆର୍ଥିକ ନୀତିକୁ ସମାଲୋଚନା କରିଥିଲେ । ବିରୋଧକୁ କେବେ ମଧ୍ୟ ବରଦାସ୍ତ କରୁନଥିବା ଚୀନର କମ୍ୟୁନିଷ୍ଟ୍ ସରକାର, ଯେଉଁଠି ଦଳ ଓ ଦେଶ ମଧ୍ୟରେ ବିଭାଜନର ରେଖା ହିଁ ନାହିଁ, ସେଠାରେ ଏହାକୁ କେମିତି ବରଦାସ୍ତ କରାଯାଇଥାନ୍ତା । ଜ୍ୟାକଙ୍କ ଟିପ୍ପଣୀ ପରେ ସି ଜିନ୍ ପିଙ୍ଗଙ୍କ ଆଦେଶରେ ଅଲ୍ଲିବାବା ଓ ଏଣ୍ଟ୍ ଗ୍ରୁପ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ ହୋଇଥିଲା । ଖୋଦ୍ ଜ୍ୟାକ୍ ଅଚାନକ ଗାଏବ ହୋଇ ଯାଇଥିଲେ । ଗୋଟିଏ ଟିଭି ପ୍ରୋଗ୍ରାମ ଯାହାକୁ ଜ୍ୟାକ୍ ହୋଷ୍ଟ କରୁଥିଲେ ତାର ସୁଟିଂ ମଧ୍ୟ ବାତିଲ ହୋଇଥିଲା । କାରଣ ଜ୍ୟାକ୍ ଗାଏବ ଥିଲେ । ସରକାରଙ୍କ ପ୍ରତିଶୋଧାତ୍ମକ କାର୍ଯ୍ୟାନୁଷ୍ଠାନ ପାଇଁ ଅଲ୍ଲିବାବାର ମୂଲ୍ୟ 857 ବିଲିୟନ ଡଲାରରୁ ଖସି 588 ଡଲାର ହୋଇଥିଲା । ସେହିଭଳି ଆଣ୍ଟ ଗ୍ରୁପର ମୂଲ୍ୟ 470 ବିଲିୟନ ଡଲାରରୁ ଖସି 108 ବିଲିୟନ ଡଲାରରେ ପହଂଚିଥିଲା । ଏହି ଦୁଇ କମ୍ପାନୀର ଅବମୁଲ୍ୟାୟନ ଏବେ ମଧ୍ୟ ଜାରି ରହିଛି । ଲାଗୁଛି ଚୀନ୍ ସରକାର ଜ୍ୟାକ୍ ଓ ତାଙ୍କର ସବୁ ଚିହ୍ନକୁ ସବୁଦିନ ପାଇଁ ଲୋପ କରିଦେବାକୁ ଚାହାନ୍ତି ।

ତେବେ ଜ୍ୟାକ୍ ମା’ ଏମିତି କ’ଣ କହିଥିଲେ ?

ଜ୍ୟାକ୍ ଗତବର୍ଷ ଅକ୍ଟୋବର 24 ତାରିଖ ଦିନ ଦେଶର ବାବୁରାଜକୁ ସମାଲୋଚନା କରିଥିଲେ । ସେ ଚୀନର ଆର୍ଥିକ ନିୟନ୍ତ୍ରକ (ଫାଇନାନସିଆଲ ରେଗୁଲେଟର)ସରକାରୀ ବ୍ୟାଙ୍କକୁ କଠୋର ଶବ୍ଦରେ ନିନ୍ଦା କରିଥିଲେ । ଜ୍ୟାକ୍ ସରକାରୀ ବ୍ୟାଙ୍କଙ୍କୁ ସୁଧଖୋର କହିଥିଲେ । ସେ ସରକାରଙ୍କୁ ଏଭଳି ସିଷ୍ଟମକୁ ବଦଳାଇବାକୁ ଆହ୍ୱାନ କରିଥିଲେ ଯାହା ଯୁବା ଓ ନୂଆ ଉଦ୍ୟମୀଙ୍କୁ ଦବାଇବାର ଉଦ୍ୟମ କରେ । ଜ୍ୟାକଙ୍କ ଏହି ମନ୍ତବ୍ୟ ଚୀନ କମ୍ୟୁନିଷ୍ଟ ପାର୍ଟିକୁ ପସନ୍ଦ ଆସିନଥିଲା । କାରଣ ତାଙ୍କର ଏହି ବୟାନ ଚୀନ୍ ରାଷ୍ଟ୍ରପତିଙ୍କୁ ସିଧାସଳଖ ଚ୍ୟାଲେଂଜ୍ ବୋଲି ଗ୍ରହଣ କରାଯାଇଥିଲା । ଏହା ପରେ ଚୀନ୍ ସରକାର ଆରମ୍ଭ କରିଥିଲେ ମା’ ଦମନ ଅଭିଯାନଜ୍ୟାଙ୍କ ଆଣ୍ଟଗ୍ରୁପର ଆଇପିଓ ଜାରିକୁ ବନ୍ଦ କରି ଦିଆଯିବା ସହ ତାଙ୍କ ବିରୋଧରେ ଅନ୍ୟ ପଦକ୍ଷେପ ଗ୍ରହଣ କରାଯାଇଥିଲା । ଆଉ ଏଇମିତି ଆରମ୍ଭ ହୋଇଥିଲା ଜ୍ୟାକଙ୍କ ସାମ୍ରାଜ୍ୟର ପତନ କାହାଣୀ ।

Leave A Reply

Your email address will not be published.

Close Bitnami banner
Bitnami