ମହାମାରୀ ସମୟରେ ସେବା ହିଁ ଧର୍ମ : ବିଜୁ ଯୁବ ଜନତା ଦଳର କେଉଁଠି ଶବସତ୍କାର ତ’ କେଉଁଠି ଶୁଖିଲା ଖାଦ୍ୟ ବଣ୍ଟନ

464

କରୋନା କାଳରେ ଲୋକଙ୍କ ସହ ସବୁବେଳେ ‘ବିଜୁ ଯୁବ ଜନତା ଦଳ’

ଭୁବନେଶ୍ୱର: କରୋନା ମହାମାରୀ ସବୁକିଛି ବଦଳାଇ ଦେଇଛି । ସଂକ୍ରମଣର ଭୟ ଲକଡାଉନ୍ ଆଣିଛି । ସଂକ୍ରମଣରୁ ଲୋକଙ୍କୁ ରକ୍ଷା କରିବା ପାଇଁ ସରକାରଙ୍କ ପାଖରେ ଲକଡାଉନ୍ ଛଡା ଅନ୍ୟ ଉପାୟ ନଥିଲା । କାରଣ ଲକଡାଉନ୍ ହିଁ ସଂକ୍ରମଣ ଚେନରେ ବ୍ରେକ୍ କରିପାରେ । ତେବେ ଏହା ମଧ୍ୟ ସତେ ଯେ, ଲକଡାଉନ୍ ପାଇଁ ଅନେକ ରୋଜଗାର ହରାଇଛନ୍ତି । ରୋଜଗାର ହରାଇଥିବା ଲୋକଙ୍କୁ ରାଜ୍ୟ ସରକାର ସାହାଯ୍ୟ ମଧ୍ୟ ଦେଉଛନ୍ତି । ସରକାରୀ ସାହାଯ୍ୟ ବାଦ ମଧ୍ୟ ଗୋଟିଏ ସାମାଜିକ ଉତ୍ତରଦାୟିତ୍ୱ ରହିଛି । ଆଉ ସେହି ସାମାଜିକ ଉତ୍ତରଦାୟିତ୍ୱକୁ ପୁରା କରିବା ପାଇଁ ସାମ୍ନାକୁ ଆସିଛି ବିଜୁ ଯୁବ ଜନତା ଦଳ

ରାଜନୀତିର ଅର୍ଥ କେବଳ ଭୋଟ୍ ରାଜନୀତି ନୁହେଁ । ଭୋଟ ବେଳେ ସାଂଗଠନିକ ଶକ୍ତି ପ୍ରଦର୍ଶନ ହିଁ ରାଜନୀତି ନୁହେଁ । ରାଜନୀତିର ଅର୍ଥ ହେଉଛି ସମାଜ ସହିତ ଯୋଡି ହୋଇ ରହିବା । ସାମାଜିକ କାର୍ଯ୍ୟରେ ସମାଜର ସବୁଠାରୁ ତଳେ ଥିବା ବର୍ଗ ନିକଟରେ ପହଂଚିବା । ଯାହାକୁ ନିଜ କାର୍ଯ୍ୟରେ ପ୍ରମାଣିତ କରୁଛି ବିଜୁ ଜନତା ଦଳ

ମହାମାରୀର ଭୂତାଣୁ ଭୟ ଭିତରେ ଲୋକଙ୍କ ପାଖରେ ଛିଡା ହୋଇଛି ବିଜୁ ଯୁବ ଜନତା ଦଳ । ରାଜ୍ୟର ବିଭିନ୍ନ ଅଂଚଳରେ ଯୁବ ଜନତା ଦଳର କର୍ମୀ ରିଲିଫ୍ ସହିତ ଅନ୍ୟାନ୍ୟ କାର୍ଯ୍ୟରେ ନିଜକୁ ଜଡ଼ିତ କରିଛନ୍ତି । ନିକଟରେ  ନୟାଗଡ଼ ଜିଲ୍ଲାର ବଡପାଣ୍ଡୁସର ଗ୍ରାମପଞ୍ଚାୟତରେ ବିଜୁ ଯୁବ ଜନତା ଦଳ ପକ୍ଷରୁ ମାସ୍କ୍ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ସଂଗଠନର ଜିଲ୍ଲା ଡିଜିଟାଲ ସମ୍ପାଦକ ମନୋଜ ନାୟକଙ୍କ ସହିତ ଅନ୍ୟକର୍ମୀ ସାମିଲ ହୋଇ ମାସ୍କ ବଣ୍ଟନ କରିଥିଲେ ।

ସେହିଭଳି ବାତ୍ୟା ୟାସ୍ ପ୍ରଭାବିତ ଭଦ୍ରକ ଜିଲ୍ଲାର ବିଭିନ୍ନ ସ୍ଥାନରେ ଅସହାୟଙ୍କୁ ଖାଦ୍ୟ ବଣ୍ଟନ କରାଯାଇଥିଲା । ରାଜ୍ୟ ସମ୍ପାଦିକା ଲଗ୍ନାଦୀପା ମିଶ୍ର ଏହି କାର୍ଯ୍ୟକ୍ରମର ନେତୃତ୍ୱ ନେଇଥିଲେ । ସେହିଭଳି ବିଜୁ ଯୁବ ଜନତା ଦଳ ସଭାପତି ତଥା ବିଧାୟକ ବ୍ୟୋମକେଶ ରାୟଙ୍କ ନେତୃତ୍ୱରେ ମଧ୍ୟ ଭଦ୍ରକ ଜିଲ୍ଲାର ବିଭିନ୍ନ ସ୍ଥାନରେ ଖାଦ୍ୟ ପୁଡିଆ ଓ ତାରପୁଲିନ୍ ବଣ୍ଟା ଯାଇଥିଲା ।

କରୋନା ସମୟରେ ନିଜ ଲୋକ ପର ହୋଇଯାଉଛନ୍ତି । ଭୂତାଣୁର ଭୟ ପରିବାର ଭିତରେ ତିଆରି କରିଛି ବାଡ । କରୋନା ନେଗେଟିଭ୍ ମୃତବ୍ୟକ୍ତିଙ୍କୁ ମଧ୍ୟ ମିଳୁନାହିଁ କାନ୍ଧ । କାରଣ ହେଉଛି ସଂକ୍ରମଣର ଭୟ । କିନ୍ତୁ ସନ୍ଦେହ ଓ ସଂକ୍ରମଣର ଭୟ ଭିତରେ ନିଜ ସାମାଜିକ ଦାୟିତ୍ୱକୁ ଭୁଲିନି ବିଜୁ ଯୁବ ଜନତା ଦଳ । ନିକଟରେ ସେହିଭଳି ଗୋଟିଏ ଘଟଣା ଦେଖିବାକୁ ମିଳିଥିଲା ରେମୁଣା ନିର୍ବାଚନ ମଣ୍ଡଳୀ କୁରୁଡ଼ା ପଞ୍ଚାୟତ ରେ ଅଜୟ ମହାକୁଡ଼ ନାମକ ଜଣେ ବ୍ୟକ୍ତିଙ୍କ ର କ୍ୟାନ୍ସର ରେ ଦେହାନ୍ତ  ହୋଇଥିଲା କିନ୍ତୁ କୋରନା ଭୟ ରେ ବନ୍ଧୁବାନ୍ଧବ ସହିପଡ଼ିଶା ଅନ୍ତିମ ସଂସ୍କାର କରିବା କୁ ଆସିନଥିଲେ ।  ଏହି ଖବର ପାଇ ବାଲେଶ୍ବର ଜିଲ୍ଲା ଯୁବ ବିଜେଡ଼ି ଯୁବ ସଭାପତି ତାପସ କୁମାର ପରିଡା ଏବଂ ଯୁବ ସାଥୀମାନେ ସେଠାରେ ପହଂଚିଥିଲେ । ସେମାନେ  ଅବିନାଶ ନାୟକ ଙ୍କ ସାହାଯ୍ୟରେ ମୃତ ବ୍ୟକ୍ତିଙ୍କର ଅନ୍ତିମ ସଂସ୍କାର କରିଥିଲେ ।  କରୋନା ଭୟ ରେ ପାଖ ପଡୋଶୀ କିମ୍ବା ସଂପର୍କୀୟ କେହି ମଧ୍ୟ ପାଖ ମାଡିନଥିଲେ । କିନ୍ତୁ ଯୁବ ବିଜେଡି କର୍ମୀ ଏହି ସମୟରେ ମୃତକଙ୍କ ପୁଅ ସ୍ୱରାଜ ମହାକୁଡ଼ଙ୍କ ପାଖରେ ଛିଡା ହୋଇଥିଲେ ।  ଅନ୍ତିମ ସଂସ୍କାର ଆଇ ଟି ଆଇ ପାଖ ଏଫ ଏମ ନଗର ଶ୍ମଶାନରେ ରେ କରାଯାଇଥିଲା ।

Leave A Reply

Your email address will not be published.

Close Bitnami banner
Bitnami